ஃப்ரிட்ஜுக்கு லெமன்; வாஷிங்மெஷினுக்கு ஷாம்பு... வீட்டு உபயோகப் பொருள் ரொம்ப நாள் உழைக்கு இத ஃபாலோ பண்ணுங்க

குடும்பத்தில் அன்றாடம் பயன்படுத்தப்படும் பல வீட்டு உபயோகப் பொருட்கள், தவறான பராமரிப்பு அல்லது சரியான சுத்தம் இல்லாத காரணங்களால் விரைவில் பழுதடையும் நிலை வரலாம். உதாரணமாக, டீ வடிகட்டி, சமையல் பாத்திரங்கள், குக்கர் ரிங்குகள், வாஷிங் மெஷின் ஃபில்டர், மைக்ரோவேவ் போன்றவை தினமும் நம்மால் பயன்படுத்தப்படும் முக்கியமான சாதனங்களாகும். இவை நீடித்த காலம் இயங்க வேண்டுமென்றால், அவற்றை சரியான முறையில் பராமரிக்கவும், தேவையான சமயங்களில் சுத்தம் செய்யவும், சில எளிய முறைகளை அறிவது மிக அவசியம்.

இந்தப் பதிவில், அத்தகைய வீட்டு உபயோகப் பொருட்கள் எளிதாக பழுதடையாமல் பாதுகாக்க எளிய முறைகள் மற்றும் நுணுக்கமான யுக்திகள் பற்றி விரிவாகக் கூறப்பட்டுள்ளது. இதில் பயன்படுத்தப்படும் அனைத்து குறிப்புகளும், வீட்டில் எளிதாகக் கிடைக்கக்கூடிய பொருட்களை வைத்து செய்யக்கூடியவையே. இவையெல்லாம் அறிந்து வைத்திருக்கிறதன் மூலம், சாதனங்களின் ஆயுள் நீடிக்கும், புதிதாக வாங்கும் செலவும் தவிர்க்க முடியும். அந்த குறிப்புகள் பற்றி பார்க்கலாம். 

• வீட்டுத் தேவைக்கான ஃப்ரிட்ஜ், வாஷிங்மெஷின், மிக்ஸி போன்ற பொருட்களை வாங்கும்போது, அதன் வெளிப்புற அட்டைப் பெட்டிகளை உடனடியாக தூக்கி போட்டு விடாதீர்கள். வாரண்டி அல்லது கேரண்டி காலத்தில் அந்தப் பொருட்களில் ஏதேனும் குறைபாடு ஏற்படினால், சம்பந்தப்பட்ட கடைகளுக்கு கொண்டு சென்று மாற்றி கொள்வதற்காக அவை அவசியமாக இருக்கும்.
• நீங்கள் தினமும் ஃப்ளாஸ்க் பயன்படுத்துகிறீர்களா? அதில் சிறிது வெந்நீர் மற்றும் ஒரு தேக்கரண்டி சர்க்கரையை சேர்த்து 15 நிமிடங்கள் ஊறவைத்து, பிறகு குலுக்கி கழுவினால், ஃப்ளாஸ்க் நன்கு சுத்தம் ஆகும் மற்றும் எந்தவொரு மோசமான வாசனையும் ஏற்படாது.
• மிக்ஸியின் ஜாடியில் உள்ள பிளேட்டை கழற்ற முடியாமல் இருந்தால், அதனை முழுமையாக மூழ்கும் அளவுக்கு வெந்நீர் ஊற்றி, சிறிது நேரம் ஊறவைத்து, பின்னர் வெந்நீரை ஊற்றிவிட்டு கழுவினால், பிளேட்டை எளிதாக அகற்ற முடியும்.
• பயன்படுத்திய எலுமிச்சை தோல் அதிகமாக இருந்தால், அதை ஒரு தட்டில் வைத்து ஃப்ரிட்ஜில் வைக்கலாம். இதனால் ஃப்ரிட்ஜில் உள்ள துர்நாற்றம் முற்றிலும் நீங்கி விடும்.
• வாஷிங்மெஷினில் துணிகளை துவைக்கும்போது சோப்புத் தூளுடன் சிறிது ஷாம்பு சேர்த்தால் துணிகள் நன்கு வாசனை நிறைந்ததாக இருக்கும்.
• இரும்பு பொருட்கள் வைக்கப்படும் பெட்டியில் கொஞ்சம் கற்பூர வில்லைகளை வைப்பதால், அந்த பெட்டியில் உள்ள பொருட்களுக்கு துரு சுரங்கம் ஏற்படாமல் இருக்கும்.
• உப்பு ஜாடியின் அடியில் நியூஸ் பேப்பரை விரித்து வைத்து வையுங்கள். காகிதம் ஈரத்தை உறிஞ்சுவதால், ஜாடியில் உள்ள உப்பு ஈரம் கலப்படாமல் இருக்கும்.
• புதிய பிளாஸ்டிக் டப்பாக்களை வாங்கியவுடன் அதை உப்பு கலந்த நீரில் கழுவி, பிறகு வெயிலில் உலர்த்தினால் பிளாஸ்டிக் வாசனை முற்றிலும் குறையும்.
• மிக்ஸியின் பிளேடு கூர்மை குறைந்து மடிந்து விட்டால், உடனடி பயன்பாட்டுக்கு சிறிது கல் உப்பை சேர்த்து அரைத்தால், மிக்ஸி பிளேடு மீண்டும் கூர்மையாக மாறும்.
• காய்கறிகள் நறுக்க பயன்படுத்தும் பலகைகளை எலுமிச்சைத் தோலால் தேய்த்து கழுவினால், கறைகளை எளிதில் அகற்றிவிடலாம்.

இந்த டிப்ஸ்களை பயன்படுத்தி உங்கள் வீட்டு வேலைகளை சுலபமாக குடித்துவிடுங்கள்.