அரிசியை இனி இப்படி ஸ்டோர் பண்ணுங்க... ஒரு பூச்சி கூட அண்டாது!

அரிசி இல்லாமல் இந்தியர்களின் உணவு முழுமையடையாது. நாட்டின் எந்த பகுதியாக இருந்தாலும் — வடக்கு, தெற்கு, கிழக்கு, மேற்கு — அரிசி இந்தியர்களின் அன்றாட வாழ்வில் முக்கிய பங்கு வகிக்கிறது. அதனால் பெரும்பாலான குடும்பங்களில் அரிசி சேர்த்து வைத்திருப்பது வழக்கமாகவே உள்ளது.

அரிசி தினசரி பயன்படுத்தப்படும் பொருளாக இருப்பதால், அதை அடிக்கடி வாங்க முடியாத நிலைமையில், பெரும்பாலானோர் மொத்தமாக வாங்கி சேமித்து வைக்கும் பழக்கத்தை கடைப்பிடிக்கின்றனர். ஆனால், சேமித்த அரிசியில் ஈரப்பதம் அதிகமாக இருந்தால், வண்டு மற்றும் புழுக்கள் ஏற்பட்டு மொய்க்கத் தொடங்கும். இதை நேரத்தில் கவனிக்காமல் விட்டால், அரிசியை விட வண்டுகளே அதிகமாகிவிடும் நிலையில் போகும். பின்னர் அதை சுத்தம் செய்வதே பெரிய சிரமமாக மாறும்.

பூச்சிகள் தாக்கிய அரிசியை சுத்தம் செய்து சாப்பிட்டாலும், அது உடலுக்கு ஆரோக்கியமானதல்ல. இதைத் தவிர்க்க சிலர் விலையுயர்ந்த இரசாயனங்களைப் பயன்படுத்துகிறார்கள். ஆனால், அவை ஆரோக்கியத்திற்கு ஆபத்தாக இருக்கலாம். நிபுணர் பவேஷ் படேலின் விளக்கப்படி, இந்த பிரச்சனையை தீர்க்கவேண்டும் என்றால், விலைவாங்களான ரசாயனங்கள் தேவையில்லை; வீட்டில் இருக்கும் சில எளிய பொருட்களையே பயன்படுத்துவது போதும். இந்த எளிய வீட்டு நுட்பம் மூலம், அரிசியில் இருக்கும் பூச்சிகளை நிரந்தரமாக அகற்ற முடியும்.

இந்த முறையானது எளிமையானதோடு மட்டுமல்லாமல், இயற்கை மற்றும் முழுமையாக பாதுகாப்பானதாகவும் உள்ளது. அதே நேரத்தில், விலையிலும் சிக்கனமாக இருப்பதால் எல்லோருக்கும் பயன்படுத்த ஏற்றதாகும். முக்கியமாக, இதில் நீங்கள் தனியாக எதையும் வாங்கத் தேவையில்லை — உங்கள் சமையலறையில் ஏற்கனவே இருக்கும் சில சாதாரண மசாலாப் பொருட்கள் போதுமானவை.

இந்த இயற்கை வழிமுறையை பயன்படுத்த ஆரம்பித்த பிறகு, அரிசியில் வீணாக மொய்க்கும் பூச்சிகள், வண்டு, புழுக்கள் போன்றவை மறைந்து விடும். சொந்தமாகக் கெடுவதைத் தடுக்க இயற்கையான பாதுகாப்பு முறையை இப்போது நீங்கள் பின்பற்ற ஆரம்பிக்கலாம். இதனை தொடர்ந்து செய்தால், பூச்சிகள் உங்கள் அரிசிக்குப் பக்கம் வரவே வராது — சொதப்பலின்றி 'பை-பை' சொல்லி விடும்!

தேவையான பொருட்கள்

மசாலா மூட்டை தயாரிக்க, மஞ்சள் தூள், ஏலக்காய், கிராம்பு, இலவங்கப்பட்டை, மெல்லிய பருத்தி துணி, நூல் அல்லது ரப்பர் பேண்ட்.

செய்முறை

முதலில், ஒரு மெல்லிய பருத்தி துணியை எடுத்துக் கொண்டு, அதை நன்கு சுத்தம் செய்து வாடாமல் உலர்த்த வேண்டும். பிறகு, அந்த துணியை இரண்டு அல்லது மூன்று அடுக்குகளாக மடித்து ஒரு சிறிய பரப்பளவுடைய துண்டாக மாற்றுங்கள்.

இப்போது, அந்த துணியில் சிறிதளவு மஞ்சள்தூள், 2-3 ஏலக்காய், 4-5 கிராம்பு மற்றும் ஒரு சிறிய இலவங்கப்பட்டை துண்டை வைக்கவும். பிறகு அந்த துணியை முறுக்கி, ஒரு சிறிய பொட்டலமாக மடக்குங்கள். அதன் பின், ஒரு நூல் அல்லது ரப்பர் பேண்ட் கொண்டு அந்த மூட்டையை நன்றாக கட்டி விடவும், அதன் உள்ளே உள்ள மசாலா பொருட்கள் சிதறாமல் இருக்க பார்த்துக் கொள்ள வேண்டும்.

மூட்டையை எப்படி பயன்படுத்துவது?

இந்த மூட்டையை நீங்கள் அரிசியை சேமிக்க விரும்பும் பெட்டியிலோ அல்லது டிரம்மிலோ வைக்கவும். அரிசி அதிக அளவில் இருந்தால், நீங்கள் இரண்டு அல்லது மூன்று மூட்டைகளை உருவாக்கலாம். 

பலன்

மஞ்சளில் இயற்கையான பாக்டீரியா மற்றும் பூஞ்சை எதிர்ப்பு தன்மைகள் உள்ளன, இது பூச்சிகளை விலக்க உதவுகிறது. அதேபோல், ஏலக்காய், கிராம்பு மற்றும் இலவங்கப்பட்டை போன்ற மசாலாப் பொருட்கள் தங்களது தீவிரமான வாசனைக்கு பெயர் பெற்றவை, மற்றும் அந்த வாசனையை பூச்சிகள் சகிக்க முடியாது. இந்த மூட்டை அரிசியில் வைக்கப்படும்போது, அது பூச்சிகளைத் தணிப்பதோடு மட்டுமல்லாது, அரிசியை நீண்ட காலம் கெடாமல் பாதுகாக்கும்.

முக்கியமான குறிப்புகள்

நீங்கள் கட்டி வைக்கும் மூட்டை மிகவும் தடிமனாக இருக்கக்கூடாது. ஏனெனில் மசாலாப் பொருட்களின் நறுமணம் எளிதில் வெளியேறும் வகையில் இருக்க வேண்டும்.இல்லையெனில் முற்றிலும் வீண் தான். அரிசிப் பெட்டியில் உள்ள மூட்டையை அடிக்கடி சரிபார்க்கவும். தேவைப்பட்டால் மூட்டைக்குள் இருக்கும் மசாலாப் பொருட்களின் வாசனை குறைந்திருந்தால் அவ்வப்போது மாற்றவும்.