தினமும் மெட்ரோ ரயிலில் பயணம்; பார்த்திபனிடம் உதவி இயக்குனர்: பிக் பாஸ் ஜோவிகா சீக்ரட்ஸ்

விஜய் டிவியில் பிக்பாஸ் நிகழ்ச்சி கடந்த 2017 முதல் ஒளிபரப்பாகி வருகிறது.

அந்தவகையில் பிக்பாஸ் சீசன் 7, அக்டோபர் 1 ஆம் தேதி தொடங்கியது.

இதில் இலக்கியவாதி பவா செல்லத்துரை, விஜய் வர்மா, ரவீனா தாஹா, வினுஷா தேவி, மணி சந்திரா, கூல் சுரேஷ், பூர்ணிமா, வனிதா மகள் ஜோவிகா என மொத்தம் 18 போட்டியாளர்கள் கலந்து கொண்டுள்ளனர்.

தற்போது பிபி வீட்டில் இளம் போட்டியாளராக இருக்கும் ஜோவிகா, முதல் வாரத்திலேயே நாமினேட் ஆகி இருக்கிறார். அவரை மொத்தம் ஏழு பேர் நாமினேஷன் செய்திருக்கின்றனர்.

ஜோவிகா தன்னுடைய எண்ட்ரீ வீடியோவில், எனக்கு படிப்பு சரியா வரல, அம்மா நிறைய ஸ்கூல்ல மாத்திப் பார்த்தாங்க, எதுவும் வொர்க் அவுட் ஆகல. நான் ரொம்ப ஸ்ட்ரெஸ்ல ஆனேன்.. இதெல்லாம் பார்த்த அம்மா, சரி உனக்கு படிப்பு வரல. அப்போ உனக்கு என்ன ஆசைன்னு கேட்டாங்க. எனக்கு ஆக்டர் ஆகணும் ஆசை.. அதை நான் அம்மாகிட்ட சொன்னேன், அப்புறம் தான் அதுக்கான ரூட்ல டிராவல் பண்ண ஸ்டார்ட் பண்ணேன்.. என்று கூறியிருந்தார்..

பிக்பாஸ் வீட்டுக்குள், சிலர் தங்கள் வாழ்க்கையை பற்றி பேசிக் கொண்டிருந்த போது ஜோவிகா படிப்பை பாதியிலேயே நிறுத்தியது குறித்து யுகேந்திரனும், விசித்திராவும் ஒருவரின் வாழ்க்கையில் டிகிரி எவ்வளவு முக்கியம், என்று சொல்லி ஜோவிகாவை மீண்டும் படிக்க அறிவுரை கூறினர்..

View this post on Instagram

A post shared by Vanitha Vijaykumar (@vanithavijaykumar)

இதற்கு பதிலளிக்கும் விதமாக வனிதா, என் பொண்ணுக்கு படிப்பு வரல. பாதியிலே நிறுத்திட்டா. ஆனா அவ படிக்கலன்னு உண்மையதான் பேசுனா..

ஜோவிகா ஸ்டேஜ்ல ஏறும்போது, அவகிட்ட கமல்ஹாசன், நீங்க ஒரு ’டெக்னிஷியன்’ கேள்விப்பட்டேன் சொன்னாரு. ஆனா நான் அதை பெருசா பப்ளிசிட்டி பண்ணல. அவ இப்போவரை அதைப் பத்தி பிபி வீட்டுக்குள்ள எதுவும் பேசல.

ஜோவிகா கொஞ்ச நாள் என் பிஸ்னெஸ் பார்த்துட்டு இருந்தா. அப்புறம் எனக்கு சினிமாதான் பிடிச்சிருக்குனு சொன்னா.. நானும் யோசிச்சேன். கடையை மூடிட்டேன். நம்ம சம்பாதிக்கிற ஒரு சில ஆயிரத்துக்காக அவ எதிர்காலத்தை நான் கெடுக்க விரும்பல…

View this post on Instagram

A post shared by Vanitha Vijaykumar (@vanithavijaykumar)

இப்போ இயக்குனர் பார்த்திபன் கிட்ட அவ அசிடெண்ட் டைரக்டரா வேலை செய்யுறா. தினமும் மெட்ரோ டிரெயின்ல ஏறிதான் ஆஃபிஸ் போறா.. நைட் வீட்டுக்கு வர 10 மணி ஆயிடும். நம்மகிட்ட கார் இருக்கு. ஒரு கார் டிரைவர் அரேன்ஞ் பண்ணி அனுப்பலாம் இல்ல Cab-ல புக் பண்ணி அனுப்பலாம். இதெல்லாம் பெரிய விஷயமே இல்ல. ஆனா ஒரு அசிடெண்ட் டைரக்டர் கார்ல போய் இறங்கக் கூடாது..

அவுங்க பஸ் பிடிச்சோ, மெட்ரோ பிடிச்சோ போனாதான் ஒரு அசிடெண்ட் டைரக்டரோடு வலி தெரியும்.

அவ பார்த்திபன் சார்க்கூட ஒரு படம் முழுக்க அசிடெண்டா வொர்க் பண்ணா.

அப்போதான் இந்த பிக்பாஸ் வாய்ப்பு வந்தது.

பார்த்திபன் அண்ணாவும், அவளோட எதிர்காலம் தான் முக்கியம். அவ எப்ப வேணா இங்க திரும்பி வரலாம்னு வாழ்த்தி அனுப்பினாரு’ என்று வனிதா கூறினார்…

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“