நின்னுக்கிட்டே ஒரு நிமிடம் இதை செய்யுங்க… எலும்பு, தசை வலுவாகும்; டாக்டர் கார்த்திகேயன்

நம்மில் பலர் உடற்பயிற்சி செய்ய நேரம் இல்லை அல்லது போதுமான இடவசதி இல்லை என்று நினைப்பதுண்டு. ஆனால், ஒரு சிறிய அறை இருந்தால் போதும், எளிமையான சில பயிற்சிகளை வீட்டிலேயே செய்து ஆரோக்கியமாக வாழ முடியும். தினமும் ஒரு மணி நேரத்திற்கு ஒரு முறை சில எளிய பயிற்சிகளைச் செய்வதன் மூலம் உடலை ஆரோக்கியமாக வைத்துக் கொள்ளலாம் என்கிறார் டாக்டர் கார்த்திகேயன்.

இந்தப் பயிற்சிகள் உடலைச் சுறுசுறுப்பாக வைத்திருக்க உதவுவதோடு, தசைகளையும் வலுப்படுத்தும்.

1. வால் சப்போர்ட்டட் புஷ்அப் (Wall Supported Pushup)

இந்தப் பயிற்சி செய்ய சுவரே போதும்! சுவரில் கைகளை வைத்துக்கொண்டு, உடல் எடையைச் சுவரை நோக்கித் தள்ளுவது போல், மெதுவாக புஷ்அப் செய்ய வேண்டும். இது தோள்பட்டை, கை, மற்றும் நெஞ்சுப் பகுதி தசைகளை வலுப்படுத்த உதவுகிறது. ஒவ்வொரு மணி நேரத்திற்கும் 10 முறை இந்தப் பயிற்சியைச் செய்வது நல்லது.

2. ஸ்டாண்டிங் மார்ச் (Standing March)

நின்று கொண்டே செய்யும் ஒரு எளிய பயிற்சி இது. மாற்று கால்களை இடுப்பு உயரத்திற்கு தூக்கி, கைகளை லேசாக அசைத்து மார்ச் செய்வது போல் செய்ய வேண்டும். இது பார்ப்பதற்கு எளிமையாகத் தோன்றினாலும், முழு உடலையும் சீராக செயல்பட வைக்கிறது. ஒவ்வொரு மணி நேரத்திற்கும் 10 முறை ஸ்டாண்டிங் மார்ச் செய்வதன் மூலம் உடலின் அனைத்து தசைகளும் செயல்படுகின்றன.

3. சேர் சப்போர்ட்டட் காஃப் ரைஸ் (Chair Supported Calf Raise)

கால் வலி அல்லது வீக்கம் உள்ளவர்களுக்கு இந்தப் பயிற்சி மிகவும் பயனுள்ளதாக இருக்கும். ஒரு நாற்காலியின் துணையுடன், நாற்காலியைப் பிடித்துக் கொண்டு மெதுவாக குதிகால்களை உயர்த்தி, மீண்டும் தரையில் வைக்க வேண்டும். இது கால் பகுதி தசைகளையும், கணுக்கால் பகுதியையும் வலுப்படுத்துகிறது. மேலும், நடக்கும் போது சமநிலையை மேம்படுத்தவும் உதவுகிறது. நாற்காலியின் துணை இல்லாமலும் இந்தப் பயிற்சியைச் செய்யலாம். ஒவ்வொரு மணி நேரத்திற்கும் 10 முறை இதைச் செய்வது நல்லது.

4. சேர் சப்போர்ட்டட் ஸ்குவாட் (Chair Supported Squat)

இது ஒரு முழு உடல் பயிற்சி என்று கூறலாம். ஒரு நாற்காலிக்கு முன்னால் நின்று கொண்டு, நாற்காலியில் அமர்வது போல் மெதுவாக கீழே சென்று மீண்டும் எழ வேண்டும். நாற்காலி ஒரு ஆதரவாக இருப்பதால், சமநிலை இல்லாதவர்களும் இந்தப் பயிற்சியை எளிதாகச் செய்யலாம். இது குறிப்பாக சுவாசனத்துடன் ஒருங்கிணைந்து செய்யும்போது, மிகச்சிறந்த பலன்களைத் தருகிறது. ஒவ்வொரு ஒன்று அல்லது இரண்டு மணி நேரத்திற்கும் 10 முறை சேர் சப்போர்ட்டட் ஸ்குவாட் செய்வது மிகவும் நன்மை பயக்கும்.

இந்த நான்கு எளிய பயிற்சிகளையும் தினசரி வாழ்க்கையின் ஒரு பகுதியாக மாற்றுவதன் மூலம், ஆரோக்கியமான மற்றும் சுறுசுறுப்பான வாழ்க்கை வாழலாம் என்கிறார் டாக்டர் கார்த்திகேயன்.