காலை உணவுக்கு முன் அல்லது பின்: பல் துலக்க சரியான நேரம் எது?

உங்கள் பற்களை சரியாக சுத்தம் செய்வது வாய் ஆரோக்கியம் மற்றும் பல் சுகாதாரத்தின் முக்கிய அம்சம். பாக்டீரியா மற்றும் பல் சிதைவைத் தடுக்க இது வழக்கமான பல் பரிசோதனைகள், ஃப்ளோசிங் நுட்பங்களைப் பயன்படுத்துதல் மற்றும் ஆரோக்கியமான உணவை உட்கொள்வது அவசியம் .

சாப்பிடுவதற்கு முன் அல்லது உங்கள் காலை உணவுக்குப் பிறகு-  ஒரு நபர் உண்மையில் எப்போது பல் துலக்க வேண்டும் என்பது பற்றி மாறுபட்ட கருத்துக்கள் உள்ளன.

டிஜிட்டல் கன்டெண்ட் கிரியேட்டர் கோரி ரோட்ரிக்ஸ், பொதுவாகக் கேட்கப்படும் இந்தக் கேள்விக்கு இன்ஸ்டாகிராமில் பதிலளித்தார். அவர் என்ன சொன்னார் என்று பார்ப்போம்:

பெரும்பாலானோர் காலை எழுந்ததும் காபி குடிப்பார்கள், காலை உணவை முடித்துவிட்டு, பிறகு நேரடியாக சென்று பல் துலக்குவார்கள். ஆனால் இப்படி செய்வது தவறு.  நீங்கள் சாப்பிட்ட பிறகு, உங்கள் வாய் ஒரு அமில நிலையில் இருக்கும், அது 30 நிமிடங்கள் முதல் ஒரு மணி நேரம் வரை நீடிக்கும்.

அந்த நேரத்தில் பல் துலக்கினால், எனாமலில் உள்ள அமிலங்கள் வெளியேறும்.

மறுபுறம், காலையில் முதலில் துலக்குவது, பகலை விட மிகக் குறைந்த உமிழ்நீர் உற்பத்தியைக் கொண்டிருப்பதால் இரவு முழுவதும் வளரும் எந்தவொரு கெட்ட பாக்டீரியாவையும் ஒழுங்கமைக்க உதவுகிறது. அதேபோல, படுக்கைக்குச் செல்வதற்கு முன் பல் துலக்க வேண்டும், என்று ரோட்ரிக்ஸ் பகிர்ந்து கொண்டார்.

பல் துலக்குவதற்கான சரியான நுட்பம்

உணவுக்குப் பிறகு உடனடியாக பல் துலக்குவது "தவறானது" என்று கூறும் டாக்டர் கரிஷ்மா ஜாரடி, அமில உணவுகள் பல் எனாமலை மென்மையாக்குவதன் மூலம் அதை பாதிக்கிறது, மேலும் அந்த நேரத்தில் பல் துலக்குவது அதை மேலும் சேதப்படுத்தும் என்றார்.

ஒருவர் பல் துலக்குவதற்கு முன் உணவை உட்கொண்ட பிறகு குறைந்தது அரை மணி நேரம் காத்திருக்க வேண்டும், ஏனெனில் இந்த நேரத்தில் வாயில் உள்ள உமிழ்நீர் அமிலத்தை நீக்குகிறது மற்றும் எனாமல் மீண்டும் கடினமாகி, பற்களுக்கு சேதம் ஏற்படுவதைத் தடுக்கிறது.

வாய் கொப்பளிப்பது, வாயில் உள்ள அமிலத்தை நடுநிலையாக்க உதவுகிறது, என்று டாக்டர் ஜரடி கூறினார்.

மேலும், இரவு உணவிற்குப் பிறகு படுக்கைக்கு செல்வதற்கு முன் பல் துலக்குவது, இரவில் வாயில் நோய்க்கிருமி எண்ணிக்கையை அதிகரிக்கக்கூடிய அனைத்து உணவு எச்சங்களை அகற்ற உதவுகிறது என்று கொல்கத்தா பல் டாக்டர் அரிஜித் சென்குப்தா கூறினார்.

சரியாக பல் துலக்குவது எப்படி?

டூத் பிரஷில் பல் துலக்கும் போது ஆக்ரோஷமாக பற்களை தேய்க்க கூடாது, இதனால் பல் மற்றும் ஈறு பாதிப்பு ஏற்படலாம், டாக்டர் ஜராடி தெளிவுபடுத்தினார்.

எந்த வகையான டூத் பேஸ்ட் நன்றாக வேலை செய்கிறது?

ஒரு நல்ல ஃபுளூரைடு பேஸ்ட் கொண்டு, ஒரு நாளைக்கு இரண்டு முறை பல் துலக்குவது, நல்ல பற்களைப் பெற மிகவும் பரிந்துரைக்கப்படுகிறது என்று டாக்டர் ஜரடி கூறினார். வழக்கமான வாய்வழி சுகாதாரத்தை பராமரிக்க, ஒவ்வொரு உணவிற்கும் பிறகு வாய் கொப்பளிப்பது அவசியம்.

உங்கள் பற்கள் மற்றும் ஈறுகளுக்கு இடையில் சேரக்கூடிய பிளேக் மற்றும் உணவுத் துகள்களை அகற்ற, இரவில் பல் துலக்குவதற்கு முன், ஒரு நாளைக்கு ஒரு முறையாவது ஃப்ளோஸ் செய்ய வேண்டும். ஃப்ளோஸிங் மிகவும் மெதுவாக செய்யப்பட வேண்டும், ஈறுகளில் இருந்து வலி அல்லது ரத்தப்போக்கு ஏற்படக்கூடாது.

ஆண்டிசெப்டிக் மவுத்வாஷ் மூலம் உங்கள் வாயை கழுவ பரிந்துரைக்கப்படுகிறது, என்று டாக்டர் ஜரடி கூறினார்.

எத்தனை முறை பல் துலக்க வேண்டும்?

காலையில் ஒரு முறை மற்றும் படுக்கைக்கு முன் ஒரு முறை என ஒரு நாளைக்கு இரண்டு முறை பல் துலக்குவது,, உணவுக்குப் பிறகு வாய் கொப்பளிப்பது மற்றும் ஃப்ளோசிங் ஆகியவை நல்ல பல் சுகாதாரத்திற்கு பரிந்துரைக்கப்படுகிறது என்று நிபுணர்கள் கருத்து தெரிவிக்கின்றனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“