10 நிமிடத்தில் தோசை, சப்பாத்திக்கு சைட் டிஷ் ரெடி: குடைமிளகாயில் இப்படி செய்யுங்க

சுவையான குடைமிளகாய் கிரேவி செய்வது குறித்து இங்கு பார்ப்போம். 

தேவையான பொருட்கள் 

குடைமிளகாய் – 4

எண்ணெய் – 2 டீஸ்பூன்

சீரகம் – 1/2 டீஸ்பூன்

பிரியாணி இலை – 2

பெரிய வெங்காயம் – 2

காய்ந்த மிளகாய் – 2

இஞ்சி பூண்டு விழுது – 1 டீஸ்பூன்

தக்காளி – 2

உளுத்தம்பருப்பு - 1 டீஸ்பூன்

மிளகாய்த்தூள் - 1 டீஸ்பூன்

மல்லித்தூள் - 1 டீஸ்பூன்

மஞ்சள் தூள் - 1 சிட்டிகை

கரம் மசாலா - 1/2 டீஸ்பூன்

உப்பு - தேவைக்கேற்ப

தயிர் - 3 டீஸ்பூன்

தண்ணீர் - தேவையான அளவு

செய்முறை 

முதலில் ஒரு கடாயை அடுப்பில் வைத்து, அதில் எண்ணெய் ஊற்றி சூடானதும், மிளகு, வெங்காயம் சேர்த்து 2 நிமிடம் வதக்கி, தனியாக வைக்கவும். பிறகு அதே கடாயில் மீதமுள்ள எண்ணெயில் சீரகம் மற்றும் பிரியாணி இலை சேர்த்து வதக்கவும். அடுத்து இஞ்சி பூண்டு விழுது சேர்த்து பச்சை வாசனை போகும் வரை வதக்கவும். அடுத்து தக்காளி சேர்க்கவும். 

தக்காளி வேகும் முன், மற்றொரு அடுப்பில் ஒரு கடாயை சூடாக்கி, கடலை மாவு சேர்த்து பச்சை வாசனை போகும் வரை வதக்கவும்.  தக்காளி நன்கு வதங்கிய பின் மிளகாய்த்தூள், மல்லித்தூள், கரம் மசாலா மற்றும் தேவையான அளவு உப்பு சேர்த்து நன்கு கலக்கவும். தயிர் மற்றும் வறுத்த உளுத்தம்பருப்பு சேர்த்து நன்கு கலக்கவும். கிரேவிக்குத் தேவையான அளவு தண்ணீர் சேர்த்து கிளறி 2 நிமிடம் கொதிக்கவிடவும். பிறகு காய்ந்த மிளகாய், வெங்காயம் சேர்த்து 5 நிமிடம் நன்கு வதக்கவும். அவ்வளவுதான் சுவையான குடைமிளகாய் கிரேவி ரெடி.