scorecardresearch

நோய் கண்டறிவதற்கு சாட் ஜி.பி.டி., பயன்பெறும்? திறனை சோதிக்கும் மருத்துவர்கள்

உலகையே ஆட்டிப்படைக்கும் AI சாட்போட் ChatGPT இன் செயல்திறன் பற்றிய செய்தித்தொகுப்பு

chat gpt
உலகையே ஆட்டிப்படைக்கும் AI சாட்போட் ChatGPT இன் செயல்திறன் பற்றிய செய்தித்தொகுப்பு (Source: Reuters)

பல ஆண்டுகளாக, செயற்கை நுண்ணறிவு (AI) தேசிய பாதுகாப்பு வழிமுறைகளை எடுத்துக் கொள்ளும், மனிதர்களை அடிமையாக்கிவிடும், அல்லது மனிதர்களை அழிப்பதற்கு வழிவகுக்கும் என்று பலர் அஞ்சி வந்தனர்.

மனிதர்களைக் கொல்வதற்கான ஒரு வழி, தவறான முறையின் மூலம் மருத்துவ நோயை தெரிவிப்பதே ஆகும். எனவே இது போன்ற செயல்களில் ஈடுபட்டு, உலகையே அதிரவைக்கும் AI சாட்போட் ChatGPT இன் செயல்திறனை ஆராய்வது நியாயமானது.

பல ஆண்டுகளாக, குறிப்பாக குடல் அழற்சியைக் கண்டறிவதற்காக, கணினி உதவியை மருத்துவர்கள் நாடியுள்ளனர். ஆனால் AI இன் தோற்றம், நிலையான தரவுத்தளங்களுடன் மட்டுப்படுத்தப்படாமல், கேள்விகளுக்கான பதிலை பக்குவமாக அளித்து முழு இணையத்தையும் ஈர்க்கிறது.

சமீபத்தில் மருத்துவர்களின் பல கட்டுரைகள், மருத்துவ நோயறிதல்களைச் செய்வதில் ChatGPT இன் செயல்திறனைப் பற்றி குறிப்பிட்டு விவாதிக்கின்றனர்.

ஒரு அமெரிக்க மருத்துவர் சமீபத்தில் ஒரு இளம் பெண்ணுக்கு அடிவயிற்றில் வலி இருப்பதைக் கண்டறிய ChatGPT யிடம் எப்படிக் கேட்டார் என்பதை விவரித்தார்.

குடல் அழற்சி மற்றும் கருப்பை நீர்க்கட்டி பிரச்னைகள் போன்ற பல நம்பகமான நோயறிதல்களை இயந்திரம் வழங்கியது, ஆனால் அது எக்டோபிக் கர்ப்பத்தை தவறவிட்டது.

இது ஒரு தீவிரமான குறைபாடு என மருத்துவரால் அடையாளம் காணப்பட்டது. வலி உள்ள ஒரு இளம் பெண்ணைப் பற்றி நான் ChatGPTயிடம் கேள்வி கேட்டபோது, ​​ChatGPT வித்தியாசமான நோயறிதலில் எக்டோபிக் கர்ப்பத்தை நம்பிக்கையுடன் கூறியது என்பதைச் சொல்வதில் மகிழ்ச்சி அடைகிறேன், என்றார் மருத்துவர்.

இது AI பற்றிய ஒரு முக்கியமான விஷயத்தை நமக்கு நினைவூட்டுகிறது: இது கற்கும் திறன் கொண்டது.

மறைமுகமாக, யாரோ ஒருவர் ChatGPT க்கு அதன் பிழையைச் சொல்லியிருக்கலாம், மேலும் அது இந்தப் புதிய தரவிலிருந்து கற்றுக் கொண்டது – மருத்துவ மாணவர் போல் அல்ல. இந்தக் கற்றல் திறன்தான் AIகளின் செயல்திறனை மேம்படுத்துவதோடு, அவற்றைக் கட்டுப்படுத்தப்பட்ட கணினி-உதவி கண்டறியும் அல்காரிதம்களிலிருந்து தனித்து நிற்கச் செய்யும்.

ChatGPT இன் செயல்திறனைப் பற்றி மக்களிடம் அதிவேகமாக பரவியுள்ளது. அதை ஒரு பொதுவான விளக்கத்துடன் சோதிக்க பலர் முற்பட்டனர். தொண்டை புண் மற்றும் முகத்தில் சிவப்பு சொறி கொண்ட ஒரு குழந்தையைப் பற்றி விசாரித்தபோது.

இது ஸ்ட்ரெப்டோகாக்கால் தொண்டை புண் என்று குறிப்பிட்டிருந்தாலும், ஸ்கார்லெட் காய்ச்சலை அது குறிப்பிடவில்லை.

மேலும் பல மருத்துவ குறிப்புகளை பற்றியும், நோய் அறிகுறிகளை பற்றியும் இந்த வசதியின் மூலம் கேள்வி கேட்டு சோதித்தார். அறிகுறிகளுக்கு ஏற்ற பதில்களை வழங்கினாலும், சில முக்கிய நோயின் தகவல்களை தவற விடுகிறது.

மருத்துவத்தில் பயன்படும் பல சொற்கள் தொழில்நுட்பத்தின் உதவியுடன் கண்டுபிடிக்கப்பட்டாலும், அவற்றை துல்லியமாக இந்த வசதி கொடுக்க தவறுகிறது.

ChatGPT இளைஞர்களால் பயன்படுத்தப்படும் வாய்ப்பு அதிகம் உள்ளது. எனவே பாலியல் ஆரோக்கியம் மற்றும் உடல்நலப் பிரச்னைகள் தொடர்பான முக்கிய தகவல்களை துல்லியமாக வழங்கினால், மக்கள் விழிப்புடன் இருப்பார்கள் என்பது குறிப்பிடத்தக்கது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest Lifestyle news download Indian Express Tamil App.

Web Title: Chat gpt diagnosing disease ai health warning

Best of Express