அசத்தும் சுவையில் சிக்கன் வெள்ளை குருமா: இப்படி செய்து பாருங்க

அதிக சுவையான இந்த சிக்கன் வெள்ளை குருமாவை, வீட்டில் செய்து பாருங்க.

தேவையான பொருட்கள்

எண்ணெய் – 2ஸ்பூன்

நெய் – 1 ஸ்பூன்

சோம்பு – 1 ஸ்பூன்

பிரியாணி இலை – 1

பட்டை – 2 துண்டு

ஏலக்காய் – 3

அன்னாசிப்பூ- 3

கல்பாசி- சிறிய அளவு

கிராம்பு – 4

பெரிய வெங்காயம் – 2

பூண்டு – இஞ்சி விழுது – 2 ஸ்பூன்

தக்காளி – 1

புதினா, கொத்தமல்லி

மல்லித் தூள்- 2 ஸ்பூன்

சிக்கன் – 1 கிலோ

உப்பு

தயிர் – கால் கப்

தண்ணீர்

எலுமிச்சை சாறு – 2 ஸ்பூன்

துருவிய தேங்காய் – 2 கப்

கசகசா- 1டீஸ்பூன்

முந்திரி – 15

பச்சை மிளகாய் – 10

செய்முறை: கசகசா, முந்திரியை சுடு நீரில் ஊறவைக்கவும். மிக்ஸி ஜாரில் துருவிய தேங்காய், பச்சை மிளகாய், கசகசா மற்றும் முந்திரியை சேர்த்து நன்கு அரைத்துகொள்ளவும். சிக்கனை கழுவ வேண்டும். தொடர்ந்து குக்கரில் எண்ணெய் மற்றும் நெய் சேர்த்து நன்கு சூடானதும், சோம்பு, பிரியாணி இலை, பட்டை , ஏலக்காய், அன்னாசிப்பூ, கல்பாசி, கிராம்பு சேர்த்து கிளரவும். தொடர்ந்து வெங்காயம், இஞ்சி- பூண்டு பேஸ்ட் சேர்த்து கிளரவும். தொடர்ந்து தக்காளி சேத்து கிளரவும். கொத்தமல்லி, புதினா சேர்த்து கிளரவும். மல்லித்தூள் சேர்க்கவும். தொடர்ந்து சிக்கனை சேர்க்கவும். தயிர் சேர்க்கவும். தொடர்ந்து அரைத்த விழுது சேர்த்து கிளரவும். எலுமிச்சை சாறை சேர்த்து கிளரி கொதிக்க தொடங்கியதும், 4 விசில் விட்டு எடுக்கவும்.