கரப்பான் பூச்சியை விரட்டும் ஸ்பிரே… வீட்டில் இருக்கும் பொருட்கள் வைத்து இப்படி செய்யுங்க!

தினமும் சமையலறையில் சுத்தம் செய்தாலும் கரப்பான் பூச்சிகள் வருவதை தடுக்கமுடியவில்லையே என்ற கவலை யாருக்குத்தான் இல்லை? கரப்பான் பூச்சிகள் அலமாரிகளிலும் மூலை முடுக்குகளிலும் வசிப்பதோடு அது இனப்பெருக்கமும் செய்யலாம். இது ஆரோக்கியத்துக்கு தீங்கு விளைவித்து பல நோய்களை உண்டாக்கவும் செய்யும். கரப்பான் மட்டும் அல்ல, பல்லிகளும் இது போல வந்து உட்கார வாய்ப்புகள் நிறையவே உண்டு எனவே எப்பொழுதும் சுத்தமாகவும், பாதுகாப்பாகவும் இருப்பது அவசியமாகும். வீட்டில் இருக்கக்கூடிய பொருட்களை வைத்தே கரப்பான் பூச்சியை விரட்டும் ஸ்பிரே செய்து எப்படி என்று இந்தப் பதிவில் பார்க்கலாம்.

கரப்பான் பூச்சிகள் வீட்டில் அதிகம் நடமாடினால் பல்வேறு உடல் உபாதைகளுக்கு ஆளாக வேண்டி இருக்கும். கரப்பான் பூச்சிகள் வீட்டில் எல்லோரும் தூங்கிய பிறகு இரவு நேரத்தில் தான் அதிகம் நடமாடும். நீங்கள் நன்கு தூங்கிக் கொண்டிருக்கும் பொழுது திடீரென எழுந்து அமைதியாக லைட்டை போட்டு கிச்சனுக்கு சென்று பாருங்கள், கண்டிப்பாக கரப்பான் பூச்சிகள் நடமாடுவதை காணலாம். கரப்பான் பூச்சிகள் கண்ட இடங்களில் அமரக்கூடியவை. இவை எங்காவது சுற்றிவிட்டு நோய் தொற்றுகளை கொண்டு வந்து, நம்முடைய வீட்டில் பாத்திரங்களின் மீது பரப்பி விட்டு செல்லக்கூடியவை. கழுவிய பாத்திரங்களின் மீது இவை ஏறி செல்வதால் இவற்றிடம் இருக்கக்கூடிய தொற்றுநோய் கிருமிகள் சாப்பிடும் தட்டில் வந்து சேருகிறது.

செய்முறை:

4 பச்சைமிளகாய், சிறிதளவு புதினா இலைகள், கிராம்பு, பிரியாணி இலை, சர்க்கரை, எலுமிச்சை சாறு, வினிகர், 2 ட்ம்ளர் தண்ணீர் சேர்த்து நன்று மிக்சியில் அரைக்க வேண்டும். பிறகு அதனை வடிகட்ட வேண்டும். அதனுடன் தலைக்கு பயன்படுத்தக்கூடிய ஷாம்பு (ஒரு பாக்கெட்), சமையல் சோடா, டெட்டால் (ஒரு மூடி) சேர்த்து நன்கு கிளற வேண்டும். அதனை ஸ்பிரே பாட்டில் சேகரித்து, கரப்பான் பூச்சி உள்ள இடங்களில் தெளித்து விட வேண்டும். இவ்வாறு செய்வதால், அந்த வாசனைக்கே கரப்பான் பூச்சி மயங்கி இறந்துவிடும். காலையில் எழுந்ததும் ஒரு கரப்பான் பூச்சி கூட உங்கள் வீட்டில் இருக்கவே செய்யாது. இந்த முறைகளை பயன்படுத்தி கரப்பான் பூச்சியை கூண்டோடு அளித்து நலமுடன் வாழ்வோம்.