நரம்பு மண்டலத்தை நேரடியா தாக்கும் இந்த பாம்பின் விஷம்... கடிச்சா வலியே இருக்காது; இதுதான் அறிகுறி!

பாம்பு கடி என்பது உலகளாவிய அளவில் மனித இனத்திற்கு பெரும் அச்சுறுத்தலாக மாறி வருகிறது. குறிப்பாக இந்தியாவில், ஆண்டுதோறும் லட்சக்கணக்கான மக்கள் பாம்பு கடியால் பாதிக்கப்படுகின்றனர். அதில் சுமார் 58 ஆயிரம் பேர் உயிரிழக்கின்றனர் என்பது மருத்துவ புள்ளிவிவரங்களில் தெரிவிக்கப்பட்டுள்ளது. உலகளவில் இதே காரணத்தால் ஒரு லட்சத்து 38 ஆயிரம் பேர் ஆண்டுதோறும் உயிரிழக்கின்றனர். இவ்விகிதம் ஆண்டுக்கு ஆண்டு அதிகரித்து கொண்டே வருகிறது.

எந்த பாம்புகள் மனிதனை கொல்லக் கூடியவை?

பாம்பினங்கள் ஆயிரத்திற்கும் மேற்பட்டவை என்றாலும், அவற்றில் சில வகை பாம்புகளின் நச்சே மனிதனுக்கு மரணத்தை ஏற்படுத்தக் கூடியது. நம் வீட்டு சுற்றுப்புறங்களில் அடிக்கடி காணப்படும் நாகப்பாம்பு, நல்ல பாம்பு, கண்ணாடி விரியன், சுருட்டை விரியன், கட்டுவரியன் போன்றவை விஷமுள்ள வகைகளாகும்.

அதில், “கட்டுவரியன்” (Krait) பாம்பு மிகவும் ஆபத்தானது என்று விஞ்ஞானிகள் எச்சரிக்கின்றனர். இதன் நஞ்சு “நியூரோடாக்ஸின்” எனப்படும் வகையைச் சேர்ந்தது, இது மனிதனின் நரம்பு மண்டலத்தையே நேரடியாக தாக்கும் தன்மை கொண்டது.

கட்டுவரியன் பாம்பின் தோற்றம்

“கட்டுவிரியன்” என்ற பெயரால் பொதுவாக அறியப்பட்டாலும், சரியான பெயர் “கட்டு வரியன்” ஆகும். இது உடல் முழுவதும் கருமை அல்லது அடர் நீல நிறத்தில், குறுக்கே வெள்ளை கோடுகளுடன் காணப்படும். இளம் பாம்புகளில் இந்த கோடுகள் தெளிவாகப் பளபளக்கும். வயதான பாம்புகளில் கோடுகள் மங்கிய தோற்றத்தில் இருக்கும்.

இதன் கண்கள் சிறிய வட்ட வடிவம் கொண்டவை. இரவுகளில் இதன் உடல் பளபளவென்று மின்னும். இவை பெரும்பாலும் இரவாடிகள் – அதாவது இரவில் மட்டுமே செயல்படும் பாம்புகள்.

கட்டுவரியன் பாம்பு விஷத்தின் ஆபத்து

இந்த பாம்பு கடித்தால் வலி, வீக்கம், அரிப்பு போன்ற வழக்கமான அறிகுறிகள் பெரும்பாலும் ஏற்படாது. அதனால் பலர் இதை சாதாரண பாம்பு கடி என்று தவறாக நினைத்து, சிகிச்சை எடுக்காமல் விடுவார்கள். ஆனால், இதுவே உயிருக்கு பெரும் அபாயம்.

இந்த நியூரோடாக்ஸின் விஷம் நரம்பு மண்டலத்தை தாக்குவதால், கடித்த ஒரு மணி நேரத்திற்குள்ளாகவே மரணம் ஏற்படும் வாய்ப்பு அதிகம். மருத்துவர்கள் கூறுவதப்படி, கட்டுவரியனின் விஷம் மற்ற அனைத்து பாம்புகளின் விஷத்தை விட ஆபத்தானது.

அறிகுறிகள்

கட்டு வரியன் பாம்பு கடித்த சில நேரங்களுக்குள், கீழ்கண்ட அறிகுறிகள் தோன்றலாம்:

• கண்ணிமைகள் மூடியபடி தொங்குவது (ptosis)
• வாயை திறந்து பேச முடியாமை
• வயிற்று வலி, வயிற்றுப்போக்கு
• உடல் தசைகள் இறுக்கமாக மாறுதல்
• உமிழ்நீர் சுரப்பி பாதிப்பு — எச்சில் வழிதல்
• நாக்கை அசைக்க முடியாமை
• கடுமையான மூச்சுத் திணறல்
• இறுதியாக, சுவாச நிறுத்தம் ஏற்பட்டு மரணம்

எப்படி பாதுகாப்பது?

• இரவு நேரங்களில் வெளியில் செல்வதை தவிர்க்க வேண்டும்.
• டார்ச் லைட், செப்பல் போன்றவற்றை கட்டாயம் பயன்படுத்த வேண்டும்.
• பாம்பு கடித்த உடனே மருத்துவமனைக்கு விரைந்து செல்லுதல் முக்கியம்.
• அறிகுறிகள் தெரியாததால் தாமதம் செய்வது ஆபத்தாகும்.
• வீட்டைச் சுற்றி புல்வெளி, குப்பை, பாறை இடுக்குகள் போன்ற இடங்களை சுத்தமாக வைத்திருக்க வேண்டும்.

மருத்துவ ஆலோசனை

மருத்துவ நிபுணர்கள் கூறுவதாவது – கட்டுவரியன் பாம்பு கடித்தால், அறிகுறிகள் வெளிப்பட அதிக நேரம் எடுக்கும் என்பதால் மக்கள் அதை புறக்கணிக்கக்கூடாது. விஷம் மெதுவாக நரம்பு மண்டலத்தை அழிக்கும் என்பதால் உடனடியாக ஆன்டிவெனம் (Anti-venom) சிகிச்சை பெறுதல் உயிர் காக்கும் முக்கியமான வழிமுறையாகும்.

பாம்பு கடி என்பது ஒரு சாதாரண விஷயமல்ல; இது உயிரை பறிக்கக் கூடிய அமைதியான ஆபத்து. அதில் கட்டுவரியன் பாம்பு மிகவும் ஆபத்தானது. விழிப்புணர்வும், முன்னெச்சரிக்கையும் மட்டுமே நம்மை பாதுகாக்கும். “நாம் கவனமாக இருந்தால், இயற்கையும் நம்மை காப்பாற்றும்” என்பது இதன் உண்மை.