பிரட் க்ரம்ப்ஸ் வேண்டாம்! அவல் போதும்- கிரிஸ்பி ஸ்நாக்ஸ் இப்படி டேஸ்டியா பண்ணுங்க- செஃப் குக்கிங் டிப்ஸ்

சமையல் என்பது ஒரு கலைப்படைப்பை உருவாக்குவதற்கு ஒப்பானது, அதற்குத் தேவையான சரியான உபகரணங்கள் இருந்தால், சமையல் செயல்முறை இன்னும் திறம்படவும், எளிதாகவும் மாறும். பிரபல சமையல் கலைஞர் சஞ்சீவ் கபூரின் இன்ஸ்டாகிராம் பக்கம் பலவிதமான சமையல் குறிப்புகள், வாயில் எச்சில் ஊறவைக்கும் உணவுகளால் நிரம்பி வழிகிறது. இதில், ஒரு சமையல் நிபுணராக அவர் வழங்கும் சில அரிய சமையல் குறிப்புகளை நாம் பயன்படுத்தி சமையலை அடுத்த கட்டத்திற்கு எடுத்துச் செல்லலாம்.

இங்கு அப்படிப்பட்ட இரண்டு பயனுள்ள சமையல் குறிப்புகள் கொடுக்கப்பட்டுள்ளன, இவை உங்கள் சமையல் திறமையை மேலும் மேம்படுத்தும். 

கட்டிங் போர்டு நகலாமல் இருக்க 

View this post on Instagram

A post shared by Sanjeev Kapoor (@sanjeevkapoor)

சமையலில், காய்கறிகளை நறுக்குவது ஒரு முக்கியமான வேலை. அப்போது கஃடிங் போர்டு நழுவிக்கொண்டே இருந்தால் சிரமமாக இருக்கும். இதிலிருந்து விடுபட, ஒரு எளிய வழி உள்ளது.

காய்கறிகளை வெட்டும்போது கஃடிங் போர்டுக்கு அடியில் ஒரு ஈரமான துண்டை வைத்தால், அது நழுவாமல் உறுதியாக இருக்கும். இந்த எளிய குறிப்பு, சமையல் நேரத்தை மிச்சப்படுத்துவதுடன், சமையலறையில் ஏற்படக்கூடிய விபத்துகளையும் தடுக்கிறது. இந்த தந்திரத்தை உங்கள் அன்றாட சமையல் வழக்கத்தில் சேர்த்துக்கொண்டு, உங்கள் காய்கறி வெட்டும் திறனில் ஒரு பெரிய முன்னேற்றத்தைக் காணலாம்.

பொரித்த உணவுகளுக்கு அவல் (poha) 

View this post on Instagram

A post shared by Sanjeev Kapoor (@sanjeevkapoor)

அவல் என்பது இந்திய சமையலில் பொதுவாகப் பயன்படுத்தப்படும் ஒரு தட்டையான அரிசி வகை. இதை ஒரு மாற்று முறையில் பயன்படுத்துவதன் மூலம், பொரித்த உணவுகளுக்குச் சுவையான மற்றும் மொறுமொறுப்பான மேல்புறத்தை உருவாக்கலாம்.

காய்ந்த அவலை மிக்சியில் அரைத்துத் தூளாக்க வேண்டும். இந்த அவல் மாவை, கட்லெட், க்ரோக்கெட்ஸ் (croquettes) மற்றும் மற்ற பொரித்த தின்பண்டங்களுக்கு பிரட் க்ரம்ப்ஸ் (bread crumbs) போன்று பயன்படுத்தலாம். இது உங்கள் உணவுகளுக்கு ஒரு தனித்துவமான சுவையையும், மொறுமொறுப்புத் தன்மையையும் கொடுக்கும். இந்த நுட்பம் மிகவும் எளிமையானது மட்டுமல்லாமல், வழக்கமான ரெசிபிகளுக்கு ஒரு புதுவிதமான திருப்பத்தையும் அளிக்கிறது. மேலும், இது ஒரு ஆரோக்கியமான தானியத்தையும் உங்கள் உணவில் சேர்க்கும் ஒரு சிறந்த வழியாகும்.