ஆபத்தாகும் பிரக்கோலி... சமைப்பதற்கு முன் இதைச் செய்ய மறந்துடாதீங்க!

ப்ராக்கோலி... இந்த வெளிநாட்டு காய் இப்போது நம் சமையலறைகளிலும் இடம்பிடித்துவிட்டது. வைட்டமின்கள், தாதுக்கள், நார்ச்சத்து நிறைந்த இந்தக் காய் உடலுக்கு மிகவும் நல்லது. ஆனால், வெறும் சமைத்தால் மட்டும் போதுமா? இல்லை! இந்த ஆரோக்கியக் காயில் ஒளிந்திருக்கும் ஆபத்துகளை நாம் தெரிந்துகொள்ள வேண்டும்.

ப்ராக்கோலியைப் பார்க்கும்போது அதன் அழகான பசுமை மட்டும் நம் கண்ணுக்குத் தெரியும். ஆனால், அதன் உள்ளேயும் வெளியேயும் பல விஷயங்கள் மறைந்திருக்கின்றன. ஆனால் சரியான முறையில் சுத்தம் செய்தால், ப்ராக்கோலியில் உள்ள அனைத்து நன்மைகளையும் முழுமையாகப் பெறலாம்.

சரியாகச் சுத்தம் செய்யாவிட்டால் என்ன நடக்கும்?

நோய் அபாயம்: சுத்தம் செய்யாத ப்ராக்கோலியில் உள்ள பாக்டீரியாக்கள், உணவுவழி நோய்களை ஏற்படுத்தி நம்மைப் படுக்கையில் தள்ளிவிடும்.

சுவை குறைந்துவிடும்: அழுக்கு மற்றும் கிருமிகள் நிறைந்த ப்ராக்கோலி, அதன் உண்மையான சுவையை இழந்துவிடும்.

ஒவ்வாமை: சில சமயம் ப்ராக்கோலியின் உள்ளே பூச்சிகள் அல்லது அதன் முட்டைகள் ஒளிந்திருக்கலாம். இதை அறியாமல் சாப்பிடும்போது, சிலருக்கு ஒவ்வாமை ஏற்பட வாய்ப்புள்ளது.

பிரக்கோலியைச் சுத்தம் செய்வது எப்படி?

View this post on Instagram

A post shared by Sharilyn (@cook.n.plate)

ஓடும் குளிர்ந்த நீரில் பிரக்கோலியை அலசுங்கள். பிரக்கோலியின் மேற்பரப்பில் உள்ள அழுக்கு அல்லது குப்பைகளை நீக்க, கைகளால் லேசாகத் தேய்க்கவும்.

பிரக்கோலியின் பெரிய இலைகளையும் தண்டுப் பகுதியையும் அகற்றலாம். ஏனெனில் இந்த பாகங்களில் அதிக அழுக்கு அல்லது குப்பைகள் இருக்கலாம்.

ஒரு பாத்திரத்தில் பிரக்கோலியை வைத்து, குளிர்ந்த நீரால் மூடுங்கள். மீதமுள்ள நச்சுக்கள் வெளியேற, அதைச் சுழற்றி, சிறிது நேரம் ஊறவிடுங்கள்.

ஊறவைத்த பிறகு, அசுத்தங்கள் அல்லது தளர்வான மண் நீங்க, ஓடும் நீரில் மீண்டும் ஒரு முறை நன்கு அலசுங்கள்.

பிரக்கோலியில் சிறிய பூச்சிகள் இருக்கக்கூடும். அதைக் கவனமாகச் சரிபார்க்கவும். ஏதேனும் இருந்தால், அதை உடனடியாக அகற்றவும் அல்லது உப்பு நீரில் சிறிது நேரம் ஊறவைத்து நீக்கவும்.

பிரக்கோலியைச் சுத்தம் செய்ய, காய்கறி பிரஷ்ஷைப் பயன்படுத்தலாம். பிரக்கோலியின் கடினமான மேற்பரப்பில் உள்ள அழுக்கைச் சுத்தம் செய்ய இது மிகவும் உதவியாக இருக்கும்.

சுத்தம் செய்த பிறகு, சமைப்பதற்கு முன் ஒரு சுத்தமான துணியால் ஈரம் போகத் துடைக்க வேண்டும். ஈரமில்லாமல் இருந்தால்தான் சமைக்கும்போது சுவை மாறாது.

சரியான முறையில் காய்கறிகளைச் சுத்தம் செய்து சாப்பிடுங்கள், ஆரோக்கியமாக இருங்கள்.