ஒரு ஸ்பூன் சீரகம் போதும்! முகப்பரு, கரும்புள்ளி மாயமாய் மறைய: டாக்டர் விவேக் சொல்லும் 4 ஆயுர்வேத பியூட்டி டிப்ஸ்

சீரகம் அதன் தனித்துவமான மணம் மற்றும் சுவைக்காக மட்டுமல்லாமல், அதன் அற்புதமான மருத்துவ குணங்களுக்காகவும் இது ஆயுர்வேதத்தில் அதிகம் பயன்படுத்தப்படுகிறது. சுருங்கச் சொன்னால் இது நம் சரும ஆரோக்கியத்திற்கும் ஒரு அருமருந்து. குறிப்பாக, சென்சிட்டிவ் சருமம் உள்ளவர்களுக்கு இது ஒரு வரப்பிரசாதம். பருக்கள் மற்றும் பிற சருமப் பிரச்சனைகளால் அவதிப்படுபவர்கள், இதைத் தொடர்ந்து பயன்படுத்தி நல்ல பலன்களைப் பெறலாம்.

சீரக டோனர் (Toner)

சீரகத்தை வைத்து டோனர் தயாரிப்பது மிகவும் எளிது. ஒரு டீஸ்பூன் சீரகத்தை எடுத்துக்கொள்ளுங்கள். அதை கொதிக்கும் நீரில் போட்டு, 10 முதல் 15 நிமிடங்கள் ஊற வைக்கவும். பிறகு, அந்த நீரை வடிகட்டி, ஒரு பாட்டிலில் ஊற்றி வைத்துக் கொள்ளுங்கள். இதை தினமும் டோனராகப் பயன்படுத்தினால், சருமம் புத்துணர்ச்சியுடன் இருக்கும்.
 
பளபளப்பான சருமத்திற்கு

சருமம் பளபளக்க, சீரகத்தை இப்படிப் பயன்படுத்தலாம்:

ஒரு டீஸ்பூன் சீரகப் பொடி.

ஒரு டீஸ்பூன் எலுமிச்சை சாறு.

ஒரு டீஸ்பூன் தயிர்.

இவை அனைத்தையும் நன்கு கலந்து முகத்தில் பூசுங்கள். சில நிமிடங்கள் கழித்து முகத்தை வெதுவெதுப்பான நீரில் கழுவவும். தொடர்ந்து இதைச் செய்து வந்தால், சருமம் மென்மையாகவும், பளபளப்பாகவும் மாறும்.

முகப்பரு நீங்க

முகப்பருவால் அவதிப்படுபவர்கள் இதைப் பயன்படுத்தலாம்:

ஒரு டீஸ்பூன் சீரகப் பொடி.

கால் டீஸ்பூன் மஞ்சள் பொடி.

ஒரு டீஸ்பூன் தயிர்.

இந்த மூன்றையும் சேர்த்து நன்கு கலந்து, முகப்பரு உள்ள இடங்களில் மட்டும் பூசவும். 10 முதல் 15 நிமிடங்கள் கழித்து முகத்தைக் கழுவினால், படிப்படியாக முகப்பருக்கள் குறையும்.

சருமத்தின் இளமையைப் பாதுகாக்க (Anti-aging)

சருமத்தின் இளமையைத் தக்கவைத்துக்கொள்ள சீரகம் உதவுகிறது.

ஒரு டீஸ்பூன் சீரகப் பொடி.

ஒரு டீஸ்பூன் ஆலிவ் எண்ணெய்.

ஒரு டீஸ்பூன் சுத்தமான தேன்.

இவை அனைத்தையும் கலந்து முகத்தில் பூசி, சில நிமிடங்கள் கழித்து முகத்தைக் கழுவவும். இது சரும சுருக்கங்கள் வராமல் தடுப்பதோடு, சருமத்தை மிருதுவாகவும், இளமையாகவும் வைத்திருக்க உதவும்.

இந்தக் குறிப்புகளைப் பின்பற்றி, நீங்களும் இயற்கையான முறையில் அழகான சருமத்தைப் பெறலாம்.