150 ஆண்டுகள் பழமை வாய்ந்த பெட்டி... கமல் கொடுத்த அன்பு பரிசு; சாண்டி மாஸ்டர் ஹோம் டூர்!

பிரபல தொலைக்காட்சியில் ஒளிபரப்பான மானாட மயிலாட நிகழ்ச்சி பலரை வெள்ளித்திரையில் ஜொலிக்க வைத்த ஒரு பிரம்மாண்டமான மேடையாக அமைந்தது. அந்தவகையில் இந்த நிகழ்ச்சியின் மூலம் பிரபலமாகி இன்று தமிழ் சினிமா கொண்டாடும் ஒரு பிரபல நடன கலைஞராக வலம் வருபவர் தான் சாண்டி மாஸ்டர்.

இவர் நடன ஆசிரியர் கலா மாஸ்டரிடம் மாணவனாக அறிமுகமாகி, பின்னர் அவரது உதவியுடன் சின்னத்திரையில் அறிகமாகி, இன்று வெள்ளித்திரையிலும் தனது திறமையை நிரூபித்துள்ளார். லோகேஷ் கனகராஜ் இயக்கத்தில் ரஜினிகாந்த் நடித்துள்ள கூலி படத்தில் இடம்பெற்றுள்ள சிக்கிடு பாடலுக்கு சாண்டி மாஸ்டர் தான் நடன இயக்குநர் என்பது குறிப்பிடத்தக்கது. தற்போது அவரது ஹோம் டூர் வீடியோ ஒன்று ரிலீஸாகியுள்ளது. அதை பற்றி விரிவாக பார்க்கலாம். 

அவரது வீட்டில் பல வின்டேஜ் பொருட்கள் இருக்கின்றன. அதை பற்றி அவர் பேசுகையில்,"முதலில் எனக்கு இதை பற்றி தான் பேச தோன்றுகிறது. இது எனக்கு பிரபு மாஸ்டர் கொடுத்த ப்ளேஸ்ர். அதில் அவர் கையெழுத்திட்டு அவர் டான்ஸ் கான்செர்ட்டில் எனக்கு கொடுத்தார். இந்த அறையில் நிறைய வின்டேஜ் பொருட்கள் உள்ளது. நான் ஒரு டெக்னீசியன் என்பதால் ரொம்ப யுனிக்கான கேமரா எல்லாத்தையும் எனக்கு சேமிக்கும் பழக்கம் உண்டு. அதனுடைய பெயர்கள் அதன் மீதே இருக்கும். அந்த காலத்தில் உள்ள லாந்தர் கூட இங்கே உள்ளது." என்று அனைத்தையும் விளக்கி காட்டினார். 

"வின்டேஜ் பொருட்களை சேகரிப்பது எனக்கு ரொம்ப பிடிக்கும், அதனால் எங்கு சென்றாலும் அதே போல பொருட்களை நான் தேடுவேன். நான் முதலில் இந்த ரூமை ரெடி செய்து விட்டு அதன் பிறகு தான் இந்த பொருட்களை சேமிக்க ஸ்டார்ட் போனேன். இங்கு இருக்கும் இந்த பேட்டி மட்டுமே 150 வருடங்கள் பழையது. இதை ஒரு தயாரிப்பாளர் எனக்கு கொடுத்தார். இந்த இசை கருவி ரொம்ப பழையது மற்றும் அதில் ரஹ்மான் சாருடைய கையெழுத்தும் இருக்கிறது." என்று ஒரு இசை கருவியை காண்பித்து விளக்கினார். 

அங்கு இருக்கும் ஒரு காமெராவை எடுத்து காட்டி அது இப்போதைய ரேட் 5 லட்சம் கூட இருக்கலாம் என்று கூறினார். அவர் அதை வாங்கி 4 வருடங்கள் ஆகி விட்டதாம். அந்த கமெராவில் நடிகர் கமல் ஹாசனின் கையெழுத்து இருந்தது. அதில் அவர் 'அன்பு தம்பி சாண்டிக்கு அன்புடன் கமல்ஹாசன்' என்று கையெழுத்திட்டுள்ளார். அதை அவர் மிகவும் ஆர்வமாகவும் துறுதுறுப்பாகவும் விளக்கினார். 

அவர் வீட்டில் உள்ள அந்த அறையை ஒரு சாதாரண அரை போல இல்லாமல் ஒரு குட்டி அருகாதசியகம் போல் வைத்திருக்கிறார். அவருடைய கலையுணர்ச்சியை ரசிகர்கள் காமெண்ட்களில் பாராட்டி வருகின்றனர். அபிரிகேன் டிரம்ஸ் முதல் வின்டேஜ் சார் வரை அனைத்தையும் மிகவும் அழகாவும், பொறுப்புடனும் பேணி காத்து வருகிறார் அவர்.