நீங்க நீரிழிவு நோயாளியா? 50 கிராம் கேக்கை எரிக்க ஒரு மணி நேரம் நடக்க வேண்டுமா?

உலகம் முழுவதும் கிறிஸ்துமஸ், புத்தாண்டு பண்டிகை கொண்டாட்டம் களைகட்ட தொடங்கி உள்ளது. இது கேக், சாக்லேட் போன்ற இனிப்புகள் காலம் என்பதால், உங்களுக்கு நீரிழிவு நோய் அல்லது ப்ரீடயாபயாட்டீஸ் இருந்தால் கூட கவனமாக இருப்பது நல்லது.

50 கிராம் கேக் ஸ்லைஸில் 160-200 கலோரிகள், 30 கிராம் ரிஃபைன்ட் கார்ப்ஸ், நிறைவுற்ற கொழுப்பு தாராளமாக உள்ளது. அந்த கலோரிகளை எரிக்க ஒரு மணி நேரத்திற்கும் மேலாக நடைப் பயிற்சி அல்லது 20 நிமிட ஓட்டம் அல்லது சைக்கிள் ஓட்டுதல் போன்றவை உங்களுக்கு தேவைப்படும்.

கிறிஸ்மஸின் போது நமது வழக்கமான மாற்றங்கள், உணவுப்பழக்கம் காரணமாக ரத்தத்தில் சர்க்கரை அளவு அதிகமாக இருக்கலாம். ஒரு சீரான உணவு, உடல் செயல்பாடு மற்றும் தூக்க அட்டவணையை பராமரிப்பது சவாலானது. சில ஏற்ற இறக்கங்கள் தவிர்க்க முடியாதவை, ஆனால் சிறிய அதிகரிப்பு, உங்களை அதிகம் தொந்தரவு செய்யக்கூடாது.

சரியான ரத்த சர்க்கரை இலக்குகளை உங்கள் மருத்துவரிடம் கேளுங்கள். குறிப்பாக, உங்கள் ரத்த சர்க்கரை அளவுகள் குறுகிய காலத்திற்கு அதிகரித்தாலும், உணவுக்கு பிந்தைய மதிப்புகள் 200mg/dl க்கும் குறைவாக இருக்க வேண்டும். எனவே வழக்கமான சோதனை முக்கியமானது.

நகர்ந்து கொண்டே இருங்கள்

குளிர் காலநிலை ஒரு தடையாக இருந்தால், உட்புற உடற்பயிற்சிகளைத் தொடரவும். இந்த நேரத்தில் பார்ட்டிகளில் நடனமாடுவது, இது ஒரு சிறந்த வொர்க்அவுட்டாகும்.

உங்களை ஆரோக்கியமாக வைத்திருக்க ஸ்மார்ட் உணவு தேர்வுகளை செய்யுங்கள். சில குறிப்புகள்:

விருந்துகளில், உங்களுக்கு தேவையான உணவை நீங்களே பரிமாறிக் கொள்ளுங்கள்.

வறுத்த உணவுகளை தவிர்க்கவும், வேகவைத்த காய்கறிகளை அதிகம் சாப்பிடவும். இது கலோரிகளையும், ஆரோக்கியமற்ற கொழுப்புகளையும் குறைக்கிறது, அதே நேரத்தில் வைட்டமின்கள் மற்றும் தாதுக்களைப் பாதுகாக்கிறது.

கோழி, மீன், முட்டை, பருப்பு வகைகள், முளைக்கட்டிய பயறு, தயிர், சோயா மற்றும் டோஃபு என ஒவ்வொரு உணவிலும் புரதங்களை உட்கொள்ளுங்கள். பதப்படுத்தப்பட்ட இறைச்சியில் உப்பு மற்றும் கொழுப்பு நிறைந்திருப்பதால் அவற்றைக் கட்டுப்படுத்துங்கள்.

கெட்ச்அப், சாஸ் மற்றும் மாக்டெயில்/காக்டெய்ல்களில் மறைந்திருக்கும் சர்க்கரைகளைக் கவனியுங்கள்

சிப்ஸ், ஃப்ரைஸ், நம்கீன்ஸ் மற்றும் குக்கீஸ் போன்ற டிரான்ஸ் கொழுப்புகள் நிறைந்த உணவுகளைத் தவிர்க்கவும்.

உப்பு மற்றும் வறுத்ததற்கு பதிலாக வெறும் நட்ஸ் சாப்பிடுங்கள்

விருந்தில், இரவு உணவு தாமதமாக வழங்கப்படும் எனில், நீங்கள் கிளம்பும் முன் வீட்டில் சாப்பிடுங்கள். குறிப்பாக இன்சுலின் அல்லது சல்போனிலூரியாஸ் உள்ளவர்கள்.

உணவை விழுங்குவதற்குப் பதிலாக கவனமாக சாப்பிடுவது பகுதியின் அளவைக் குறைக்க உங்களை அனுமதிக்கும்.

ஆல்கஹால்

பொதுவாக, நாம் மதுவை முற்றிலுமாகத் தவிர்க்க வேண்டும், ஆனால் சில நேரங்களில் அது சமூக ரீதியாக கடினமாக இருக்கலாம். இதுபோன்ற சந்தர்ப்பங்களில், அடிப்படை வழிகாட்டுதல்களைப் பின்பற்றவும். மது அருந்துவது பேரழிவுக்கான ஒரு செய்முறையாகும், மேலும் கீழே விழுவது, சாலை விபத்துகள் உட்பட பல விளைவுகளை ஏற்படுத்தலாம்.

கூடுதலாக, கல்லீரலில் அதன் தாக்கத்தால், ஆல்கஹால் ரத்த சர்க்கரையின் திடீர் வீழ்ச்சியைத் தூண்டும், இது சில நேரங்களில் ஆபத்தான அளவுக்கு குறைந்துவிடும்.

வெறும் வயிற்றில் மது அருந்தாமல் இருப்பதை உறுதி செய்து கொள்ளவும், வறுக்காத ஆரோக்கியமான தின்பண்டங்களை உட்கொள்ளவும். இரவு உணவுடன் மது அருந்தியிருந்தால், தூங்கும் முன் ரத்த சர்க்கரை அளவை சரிபார்க்கவும்.

ரத்த சர்க்கரை 100 mg/dl க்கும் குறைவாக இருந்தால், ஒரு சிறிய சிற்றுண்டியை எடுத்துக் கொள்ளுங்கள் - ஒரு பழம் அல்லது ஒரு கப் பால்.

வரம்புகளுக்குள் இருங்கள் - தோராயமாக 30 முதல் 50 மில்லி விஸ்கி அல்லது அதற்கு சமமானவை. காக்டெயில்களில் (அல்லது மாக்டெயில்களில்) அதிக அளவு சர்க்கரை இருக்கலாம் - நீங்கள் சாப்பிடும் முன் சரிபார்க்கவும்.

சக்கரை நோய் இருந்தாலும் திருவிழாக்களை ரசிக்கலாம்.

Read in English: Diabetes check: Why you need an hour’s walk or a 20-minute run to burn a 50 gm slice of cake

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“