சர்க்கரை நோய்க்கும், மாதவிடாய் சுழற்சிக்கும் என்ன தொடர்பு? மருத்துவ நிபுணர் விளக்கம்

நீரிழிவு நோய் என்பது உலகளாவிய தொற்றுநோய், இது ஒரு வாழ்க்கை முறை கோளாறு. மகப்பேறு மருத்துவர் கீத் மொன்னப்பா கருத்துப்படி நீரிழிவு நோயால் பாதிக்கப்பட்ட பெண்கள் சந்திக்கும் அசாதாரண விஷயங்களைப் புரிந்துகொள்வது அவசியம். இரத்த சோகை, உயர் இரத்த அழுத்தம் மற்றும் நீரிழிவு போன்ற கோளாறுகள் மாதவிடாய் சுழற்சியில் தாக்கத்தை ஏற்படுத்துகின்றன என்று அவர் கூறினார்.

மாதவிடாய் மற்றும் நீரிழிவு நோய்

டைப் 2 நீரிழிவு

இரண்டு மாதவிடாய்களுக்கு இடையில் அதிக இடைவெளி உள்ள பெண்களுக்கு அல்லது மாதவிடாய் தாமதமாக வருபவர்களுக்கு டைப் 2 நீரிழிவு நோய் வருவதற்கான அதிக ஆபத்து உள்ளது. கூடுதலாக, தாமதமாக மாதவிடாய் வரும் உடல் பருமனான பெண்கள் மற்றும் உட்கார்ந்த வாழ்க்கை முறையில் இருப்பவர்களுக்கு, இது டைப் 2 நீரிழிவு நோயை உருவாக்கும் அபாயத்தை அதிகரிக்கிறது. பாலிசிஸ்டிக் ஓவரியன் சிண்ட்ரோம் உள்ள பெண்களுக்கு மாதவிடாய் தாமதமாகிறது, மேலும் முகம் மற்றும் உடல் முடிகள் அதிகரிக்கும்.

இன்சுலின் எதிர்ப்பு - பாலிசிஸ்டிக் ஓவரியன் சிண்ட்ரோமின் முக்கிய பிரச்சனை. இது கருப்பை தேகா செல்களில் இருந்து ஆண் ஹார்மோன் உற்பத்தியை அதிகரிக்க வழிவகுக்கிறது, இது முக/உடல் முடியை அதிகரிக்கும்.

பல ஆய்வுகள், ஒழுங்கற்ற மாதவிடாய், உட்கார்ந்த வாழ்க்கை முறை மற்றும் உடல் பருமன் ஆகியவற்றின் விளைவைக் காட்டுகின்றன, இது ஒரு நபரின் டைப் 2 நீரிழிவு நோயை உருவாக்கும் அபாயத்தை அதிகரிக்கிறது.

ஆரோக்கியமான உணவு மற்றும் வழக்கமான உடற்பயிற்சி - மற்றும் மருந்து போன்ற வாழ்க்கை முறை மாற்றத்தின் மூலம் மாதவிடாய் சுழற்சியை முறைப்படுத்துவதன் மூலம் ஆபத்தை நிராகரிக்க வேண்டியதன் அவசியத்தை இது வலியுறுத்துகிறது, என்று நிபுணர் குறிப்பிட்டார்.

டைப் 1 நீரிழிவு

டைப் 1 நீரிழிவு நோயால் பாதிக்கப்பட்ட பெண்களுக்கு - 10 வயது முதல் 15 வயது வரை, இந்த நிலை பெரும்பாலும் கண்டறியப்படுகிறது. முதல் மாதவிடாயில் தாமதம், அதிக மாதவிடாய் ஓட்டம் மற்றும் தாமதமான சுழற்சிகள் போன்றவற்றை ஆய்வுகள் காட்டுகின்றன.

இந்த பெண்கள் கர்ப்பம் தரிப்பது கடினமாக இருக்கலாம், பல கருக்கலைப்புகள் மற்றும் பிரசவத்தின் போது குழந்தை இறந்து பிறப்பது மற்றும் வழக்கத்தை விட முன்னதாகவே மெனோபாஸ் கட்டத்தை அடையலாம்.

ஆபத்தை குறைப்பது எப்படி?

1. மாதவிடாய் சுழற்சியை சீராக்குங்கள்

3 மாதங்கள் அல்லது அதற்கு மேல் மாதவிடாய் வராமல் இருக்கும் பெண்கள் தங்கள் மாதவிடாய்களை சீராக்க மகளிர் மருத்துவ நிபுணரை அணுக வேண்டும்.

2. ஆரோக்கியமான உணவு

நார்ச்சத்து நிறைந்த உணவு, முழு தானியங்கள், காய்கறிகள், குறைந்த கொழுப்புள்ள பால் பொருட்கள் மற்றும் சில பழங்கள், மீன் மற்றும் நல்ல கொழுப்புகள் (வெண்ணெய் மற்றும் நட்ஸ்) போன்றவற்றை ஒரு ஊட்டச்சத்து நிபுணருடன் கலந்தாலோசித்து எடுத்துக் கொள்ள வேண்டும்.

இது PCOS உள்ள பெண்களுக்கு டைப் 2 நீரிழிவு நோயை உருவாக்கும் அபாயத்தைக் குறைக்க உதவும்.

3. உடற்பயிற்சி

வாக்கிங், சைக்கிள் ஓட்டுதல், ஜாகிங், நடனம் மற்றும் நீச்சல் போன்ற ஏரோபிக் பயிற்சிகள், இன்சுலின் எதிர்ப்பை பெரிதும் மேம்படுத்தி, பிசிஓஎஸ் உள்ள பெண்களுக்கு மாதவிடாய்களை சீராக்க உதவுகின்றன, இயற்கையான கர்ப்பத்திற்கான வாய்ப்புகளை மேம்படுத்துகின்றன மற்றும் எதிர்காலத்தில் நீரிழிவு நோயை உருவாக்கும் அபாயத்தைக் குறைக்கின்றன.

நீரிழிவு மற்றும் இருதயக் கோளாறுகளின் அபாயங்களைக் குறைக்க வாரத்திற்கு ஒன்றரை மணிநேரம் மிதமான தீவிர உடற்பயிற்சி பரிந்துரைக்கப்படுகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“