சாப்பிட்ட உடனே டீ, காஃபி குடிக்கிறீங்களா? இந்த ஆபத்து இருக்கு; டாக்டர் பொற்கொடி எச்சரிக்கை

இதுகுறித்து மருத்துவர் பொற்கொடி தனது யூடியூப் சேனலில், சாப்பிட்டு முடித்த உடனே டீ, காபி பருகுவதை முற்றிலுமாகத் தவிர்க்க வேண்டும். ஏனென்றால், இதில் இருக்கக்கூடிய காஃபின் மற்றும் டானின், உடலுக்குத் தேவையான சத்துக்களை உணவில் இருந்து உறிஞ்சுவதில் அது தடையாக இருக்கும் என்று எச்சரிக்கிறார். சாப்பிட்ட உடனே தூங்க வேண்டாம் என்று அறிவுறுத்தும் மருத்துவர் பொற்கொடி, இதனால் Lower Esophagus-க்கு அழுத்தம் தருவதால், நெஞ்சு எரிச்சல் போன்ற பிரச்னைகளுக்கு வழிவகுக்கும் என்கிறார். சாப்பிட்ட உடனே பழங்கள் சாப்பிடுவதை நிறுத்த வேண்டும். இதனால், வயிறு தொடர்பான பிரச்னைகள் ஏற்படும் என்று எச்சரிக்கிறார் மருத்துவர் பொற்கொடி.