வைகைப் புயல் வடிவேலுவுக்கு ரொம்பவும் பிடித்த மீன் குழம்பு... சிம்பிள் ஸ்டெப்ஸ் இதுதான்!

தமிழ் சினிமாவின் முன்னணி காமெடி நடிகர்  வடிவேலு தனக்கு மிகவும் பிடித்த உணவுகள் குறித்து நேர்காணல் ஒன்றில் தெரிவித்துள்ளார். 

1991-ல் என் ராசாவின் மனசிலே படத்தின் மூலம் தமிழ் சினிமாவில் அறிமுகமானார் வடிவேலு. தொடர்ந்து ரஜினி, கமல், விஜயகாந்த், சத்யராஜ், சரத்குமார், அர்ஜூன், விஜய், அஜித், விக்ரம், ஜெயம் ரவி, சிம்பு என தமிழில் அவர் நடிக்காத ஹீரோக்களின் படங்களே இல்லை என்னும் அளவுக்கு முன்னணி நடிகர் தொடங்கி அறிமுக நடிகர் வரை அனைவரது படங்களில் நடித்துள்ளார். 

‘வைகைப்புயல்’ என கொண்டாடப்படும் அளவுக்கு காமெடி காட்சிகளில் பின்னி பெடலெடுத்தார். இடையில் சில காலம் வடிவேலு நடிக்காத நிலையில், அவரின் காமெடிகள் இல்லாமல் ஒரு நாளும் நகராது என்னும் நிலையை ஏற்படுத்தியிருந்தார். காமெடி நடிகராக மட்டுமல்லாமல் பாடகர், ஹீரோ என தனது கேரியரை அடுத்தக்கட்டத்திற்கு கொண்டு சென்றார். மீண்டும் முழு வீச்சில் படத்தில் நடிக்க தொடங்கி உள்ளார்.

மாமன்னன் படம் தொடர்பான நேர்காணல் ஒன்றில் நடிகர் வடிவேலுவிடம் ரசிகர் ஒருவர், ‘நீங்கள் உணவை வைத்து நிறைய காமெடி காட்சிகளில் நடித்தீர்கள். உங்களுக்கு மிகவும் பிடித்த உணவு எது?’ என கேட்டார். 

அதற்கு, “எனக்கு மீன் ரொம்ப பிடிக்கும். இட்லி, புதினா சட்னி, தோசை, கீரை, வாழைத் தண்டு, குழைந்த சாதம், முள்ளங்கி சம்பார் என இவற்றையெல்லாம் விரும்பி சாப்பிடுவேன். எண்ணெய் இல்லாமல் சாப்பிடுவேன்.ஒருவேளை எண்ணெயில் செய்ய வேண்டியதாக இருக்கும் என்றால் ஃபில்டர் பண்ணி விட்டு எடுத்துக் கொள்வேன். மீனில் குழம்பு மீன் ரொம்ப நல்லது. அதை சாப்பிட்டால் தான் எனக்கு சீன் நிறைய வரும்” என வடிவேலு தெரிவித்திருந்தார். 

சங்கரா மீன் குழம்பு - தேவையான பொருட்கள்: 

100 கிராம்சின்ன வெங்காயம்
ஒரு கிலோசங்கரா மீன்
நான்கு டேபிள் ஸ்பூன்நல்லெண்ணெய்
ஒரு டீஸ்பூன்கடுகு
ஒரு டீஸ்பூன்சீரகம்
ஒரு டீஸ்பூன்வெந்தயம்
3தக்காளி
இரண்டுபச்சை மிளகாய்
ஒரு கொத்துகருவேப்பிலை
20 கிராம்புலி
மூன்று டீஸ்பூன்உப்பு
அரை டீஸ்பூன்மஞ்சள் தூள்
1 1/2 டீஸ்பூன்மிளகாய் தூள்
இரண்டரை டீஸ்பூன்மல்லிதூல்
சிறிதளவுகொத்தமல்லி

செய்முறை:

1.ஒரு பாத்திரத்தை அடுப்பில் வைத்து எண்ணெய் ஊற்றி சூடான பிறகு கடுகு சீரகம் வெந்தயம் சேர்த்து சின்ன வெங்காயம் சேர்த்து நன்றாக வதக்கிக் கொள்ளவும்

2. வைத்த தக்காளி விழுதை சேர்த்து பிறகு கறிவேப்பிலை பச்சை மிளகாய் மற்றும் பூண்டு சேர்த்துக் கொள்ளவும்

3. இப்போது உப்பு மிளகாய் தூள் மஞ்சள் தூள் மல்லித்தூள் சேர்த்து நன்றாக வதக்கிக் கொள்ளவும்

4. புளி கரைசல் மற்றும் தேங்காய் பேஸ்ட் சிறிது தண்ணீர் சேர்த்து கொதி வர விடவும்

5. இப்போது மீன் சேர்த்து தட்டு போட்டு ஐந்து நிமிடம் கொதிக்க விடவும் கொத்தமல்லி சேர்த்து இறக்கி விடவும்

மீன் தொடர்பான காமெடி காட்சிகளில் நிறைய வடிவேலு நடித்துள்ளார். குண்டக்க மண்டக்க படத்தில் இங்கு நல்ல மீன்கள் விற்கப்படும் காமெடி காட்சி, வெற்றிவேல் சக்திவேல் படத்தில் மீன் சாப்பாட்டுக்கு சண்டை என சொல்லிக்கொண்டே போகலாம். அந்த அளவுக்கு மீன் மீது வடிவேலுக்கு பிரியம்..!