தோசைக் கல்லில் எண்ணெய் பிசுக்கு; ஒரு ஸ்பூன் காபி தூள் போதும்… ஈசியா இப்படி கிளீன் பண்ணுங்க!

நான்வெஜ் சமையல் செய்த பிறகு பாத்திரங்களில் மீன், முட்டை போன்ற  அசைவ உணவுகளின் வாசனை தங்குவது இயல்பு. குறிப்பாக, தோசைக்கல்லில் மீன் வறுத்தாலோ, அல்லது அதிக எண்ணெய் பயன்படுத்தி சமைத்தாலோ, அந்த எண்ணெய் பிசுக்கும், அசைவ வாடையும் நீங்காமல் இருக்கும். எவ்வளவுதான் தேய்த்துக் கழுவினாலும் இந்த வாடை சில சமயங்களில் போகாது. இதற்கு ஒரு அற்புதமான தீர்வு உள்ளது!
 
இந்த பிரச்சனைக்கு காபி தூள் ஒரு சிறந்த தீர்வாக அமையும். ஆம், நீங்கள் குடிக்கும் காபி தூளை வைத்தே உங்கள் பாத்திரங்களில் உள்ள பிசுக்கையும், துர்நாற்றத்தையும் நீக்கலாம்.

சுத்தம் செய்யும் முறை:

முதலில், துர்நாற்றம் வீசும் அல்லது எண்ணெய் பிசுக்கு படிந்த தோசைக்கல் அல்லது வேறு எந்த பாத்திரமாக இருந்தாலும் எடுத்துக்கொள்ளுங்கள். ஒரு ஸ்பூன் காபி தூளை அந்தப் பாத்திரத்தின் மேல் தூவுங்கள். அதனுடன் சிறிது டிஷ்வாஷ் லிக்விட்டை சேர்த்துக்கொள்ளுங்கள்.

இப்போது, ஒரு ஸ்க்ரப்பரைப் பயன்படுத்தி, காபி தூள் மற்றும் டிஷ்வாஷ் லிக்விட் கலவையை நன்கு தேய்க்கவும். வட்ட வடிவில் தேய்ப்பது சிறந்த பலனைத் தரும். சில நிமிடங்கள் தேய்த்த பிறகு, பாத்திரத்தை சுத்தமான தண்ணீரால் நன்கு கழுவுங்கள்.

இந்த முறை தோசைக்கல்லுக்கு மட்டுமல்லாமல், அசைவம் சமைத்த வேறு எந்த பாத்திரத்திற்கும், அல்லது துர்நாற்றம் வீசும் சமையலறை உபகரணங்களுக்கும் பயன்படுத்தலாம். காபி தூள் எந்த வகையான கெட்ட வாடையையும் நீக்கும் சக்தி கொண்டது.

இந்த எளிய குறிப்பை முயற்சி செய்து பாருங்கள். உங்கள் பாத்திரங்கள் சுத்தமாகவும், புத்துணர்ச்சியுடனும் இருப்பதை நீங்களே உணர்வீர்கள்.