தீவிர கழுத்து வலி பிரச்னையா? வீட்டிலேயே சரிசெய்ய எளிய டிப்ஸ் சொல்லும் மருத்துவர் கௌசிக்!

கழுத்துவலியை போக்குவதற்கு ஹாட் பேக் அல்லது ஐஸ் பேக் பயன்படுத்தி ஒத்தடம் கொடுக்கலாம். இது கழுத்து வலியை போக்குவதற்கான மிக எளிய வீட்டு வைத்தியம் ஆகும். ஹாட் வாட்டர் ஒத்தடம் கொடுப்பதன் மூலம் தசைகள் தளர்ந்து ரத்த ஓட்டம் சீராக நடைபெறும். ஐஸ் வாட்டர் ஒத்தடம் கொடுப்பது மூலம் வலி குறைந்து நிவாரணம் கிடைக்கும். தற்போது சந்தைகளில் ஹாட் வாட்டர் பேக் மற்றும் ஐஸ் வாட்டர் பேக்குகள் கிடைக்கின்றன. உங்கள் வீட்டில் இவை இல்லை என்றால் ஐஸ் ஒத்தடம் கொடுப்பதற்கு ஐஸ் க்யூப் ஒரு துணியில் வைத்து ஒத்தடம் கொடுக்கலாம். ஹாட் வாட்டருக்கு துணியை வெந்நீரில் நனைத்து அந்த சூட்டினை பயன்படுத்தி ஒத்தடம் கொடுக்கலாம் என்கிறார் மருத்துவர் கௌசிக்.

கழுத்தை நீட்டி செய்யக்கூடிய மென்மையான பயிற்சிகளை செய்வதன் மூலம் தசைகளை வலுப்படுத்தி இந்த கழுத்து வலியை சரி செய்யலாம். இவ்வாறு செய்வதன் மூலம் தசைகளில் நெகிழ்வுத் தன்மை மேம்பட்டு, மோசமாக இருக்கும் நிலையை சரி செய்ய முடியும். இது கழுத்து வலியை குறைக்க உதவுகிறது. கழுத்தை சாய்த்து பயிற்சி செய்தல், சுழற்சி முறையில் கழுத்தை பயன்படுத்துதல் போன்றவை எளிதாக செய்யக்கூடிய பயிற்சிகள் ஆகும். இந்த பயிற்சிகளை செய்வதற்கு மிகவும் கவனம் தேவை. வலி அதிகமாக இருந்தால் பிசியோதெரபிஸ்டை ஆலோசித்து பயிற்சிகளை மேற்கொள்ள வேண்டும் என்கிறார் மருத்துவர் கௌசிக்.

கழுத்து வலிகள் ஏற்படுவதற்கு உடலில் நீர்ச்சத்து குறைபாடும் காரணமாக உள்ளது. எனவே உங்களது தினசரி உணவுகளில் நார் சத்து நிறைந்த உணவுகளை அதிகமாக சேர்த்துக் கொள்ளவும். கோடைகாலத்தில் திரவ உணவுகளை அதிகமாக உணவில் சேர்த்துக் கொள்ளவும். கழுத்து பகுதியில் உள்ள வலிகளை குறைப்பதற்கு ஒரு சிறந்த முறையாகும். தினசரி நமது உடலுக்கு தேவையான அளவு தண்ணீர் அருந்துவதன் மூலம் நமது முதுகெலும்பில் ஏற்படும் அழுத்தத்தை குறைக்க முடியும் என்கிறார் மருத்துவர் கௌசிக்.

கழுத்து வலிக்கு எப்போது மருத்துவ சிகிச்சை தேவை?: கழுத்து வலி என்பது சாதாரணமாக ஏற்படக்கூடிய பாதிப்புதான். எனவே வீட்டிலேயே அதனை நீங்கள் மேற்குறிப்பிட்ட வழிகளின் மூலம் சரி செய்து விடலாம். இருப்பினும் நீண்ட நாட்களுக்கு கழுத்து வலி பாதிப்புகள் இருந்தால் கட்டாயமாக நீங்கள் மருத்துவ உதவியை நாட வேண்டும். உங்கள் கழுத்துகளில் வேறு எந்த சோதனைகளையும் வீட்டில் செய்ய வேண்டாம். கழுத்து வலிக்கான அடிப்படை காரணத்தை கண்டறிந்து அதற்கான சிகிச்சைகளை மருத்துவர் மேற்கொள்வார். கழுத்து வலி என்பது தினசரி வேலையை பாதிக்கக்கூடிய பிரச்னையாகும். எனவே அதனை சரியான நேரத்தில் கண்டறிந்து சிகிச்சை அளிக்க வேண்டியது அவசியம் என்கிறார் மருத்துவர் கௌசிக்.