ஜிம் போனாலும் வெயிட் குறையாது; இதை கண்ட்ரோல் பண்ணணும்; டாக்டர் ஷர்மிகா

உடல் எடை குறைப்பதற்கு 4-5 ஆண்டுகளாக நடைபயற்சி செல்கிறேன், ஜிம் போனாலும் எடை குறையவில்லை என்று சிலர் கவலைப்படுகிறார்கள், நடைபயிற்சி, ஜிம் போனால் மட்டும் போதாது, முக்கியமான ஒன்றைக் கட்டுப்படுத்த வேண்டும் என்று டாக்டர் ஷர்மிக பரிந்துரைக்கிறார். என்ன கட்டுப்படுத்த வேண்டும் என்பதை விரிவாகப் பார்ப்போம் வாருங்கள்.

பலரும் தங்கள் உடல் எடையைக் குறைக்க வேண்டும் என்று நடைபயிற்சி செல்வது, ஜிம்முக்கு சென்று உடற்பயிற்சி செய்வது என்று முயற்சி செய்கிறார்கள். 4-5 ஆண்டுகள் நடைபயிற்சி, உடற்பயிற்சி செய்தாலும் உடல் எடை குறையாததற்கு என்ன காரணம் என்று டாக்டர் ஷர்மிகா டெய்ஸி ஹாஸ்பிட்டல் (daisyhospital_chennai) என்ற யூடியூப் சேனலில் கூறியுள்ளார். அதை அப்படியே இங்கே தருகிறோம். 

டாக்டர் ஷர்மிகா கூறுகையில், “பலரும் 4-6 வருடங்களாக நடைபயிற்சி போகிறேன். உடற்பயிற்சி செய்கிறேன். ஆனாலும், உடல் எடை குறையவில்லை என்று பல பேர் கூறுகிறார்கள். 80 உடல் எடை குறைப்பு என்பது நாம் என்ன சாப்பிடுகிறோம் என்பதைப் பொறுத்துதான் இருக்கும். உணவில் கட்டுப்பாடு இல்லாமல், சாப்பிடுகிற உணவின் கலோரியை மட்டும் எரித்துக்கொண்டிருகிறீர்கள் என்றால், உடலுக்கு உள்ளே இருக்கிற கொழுப்பை எபோது எரித்து வெளியே அனுப்புவோம். அதனால், நாம் என்னதான் கடுமையாக உடற்பயிற்சி செய்தாலும், பலரும் உட்கார்ந்துகொண்டே வேலை செய்வதால், உடற்பயிற்சி என்பது நடப்பது, கை, கால்களைத் தூக்குவது, ஓடுவது, ஜிம்மில் உடற்பயிற்சி செய்வது எல்லாம் இதை உடலுக்கு நினைவுப் படுத்தவேதான். 

உடல் பருமன், உடல் எடை குறைய வேண்டுமானால், சரியான ஒரு உணவுக் கட்டுப்பாட்டுக்குள் செல்வது ரொம்ப ரொம்ப அவசியம். உணவுக் கட்டுப்பாடு இல்லாமல் உடற்பயிற்சி மட்டும் செய்தால் உடல் எடைக் குறைப்பு என்பது ரொம்ப ரொம்ப கடினம். நீங்கள் ஏதாவது ஒரு ஜிம்முக்கு போனால், உங்களுடைய பயிற்றுநரிடம் உணவுக் கட்டுப்பாட்டுக்கான டயட் மெனு வாங்கிக்கொண்டு அந்த உணவுமுறைப்படி சாப்பிடுங்கள். ஒருவேளை உங்களுக்கு உணவுக் கட்டுப்பாடுக்கான ஆலோசனை வேண்டுமானால் எக்களைத் தொடர்புகொள்ளலாம்” என்று டாக்டர் ஷர்மிகா கூறுகிறார்.