சீப்பு வச்சு இந்த சிம்பிள் விஷயம் செய்யுங்க… முடி நல்லா வளரும்; டாக்டர் ஷர்மிகா

அழகான, அடர்த்தியான கூந்தல் என்பது பலரின் கனவு. முடி உதிர்வு, மெலிந்த முடி போன்ற பிரச்னைகளால் அவதிப்படுபவர்கள் ஏராளம். ஆனால், முடி வளர்ச்சியை மேம்படுத்த எளிய, அதே சமயம் மிகவும் பயனுள்ள ரகசியத்தை டாக்டர் ஷர்மிகா பகிர்ந்து கொள்கிறார். அவரும், அவரது நோயாளிகளும் பலன் பெற்ற இந்த நுட்பம், தினசரி 2 நிமிடங்கள் தலை சீவுவது மட்டுமே.

தலை சீவுவது என்பது வெறும் முடியைச் சிக்கலெடுப்பது மட்டுமல்ல, முடி வளர்ச்சிக்கும் அது சிறந்த தூண்டுகோல் என்கிறார் டாக்டர் ஷர்மிகா. குறிப்பாக, இரவில் தலை சீவுவது மிகவும் முக்கியமானது. ஏன் தெரியுமா? இரவில் தலை சீவும்போது, உச்சந்தலையில் உள்ள ரத்த நாளங்கள் தூண்டப்பட்டு, ரத்த ஓட்டம் அதிகரிக்கிறது. இது மயிர்க்கால்களுக்குத் தேவையான ஊட்டச்சத்துக்களையும் ஆக்ஸிஜனையும் கொண்டு சென்று, ஆரோக்கியமான முடி வளர்ச்சிக்கு வழிவகுக்கும். சீப்பு, மயிர்க்கால்களை லேசாக மசாஜ் செய்வதால், அவை தூண்டப்பட்டு, முடி உதிர்வது குறையும்.

எப்படி சீவ வேண்டும்?

சரியான முறையில் சீவுவது முடி வளர்ச்சிக்கு மிகவும் அவசியம். முடியின் நுனியில் இருந்து (கீழ்ப்பகுதி) சீவத் தொடங்கி, படிப்படியாக உச்சந்தலை வரை சீவி வரவும். இது முடி உடைவதைத் தடுக்க உதவும். காலையில் 2 நிமிடங்களும், இரவில் படுக்கைக்குச் செல்லும் முன் 2 நிமிடங்களும் என மொத்தம் 4 நிமிடங்கள் சீவ வேண்டும் என்கிறார் டாக்டர் ஷர்மிகா.

நீங்கள் பயன்படுத்தும் சீப்பும் முடி வளர்ச்சிக்கு முக்கியம். "ஹெல்த் அண்ட் க்ளோ" போன்ற கடைகளில் கிடைக்கும் நல்ல தரமான, பழுப்பு நிற பிளாஸ்டிக் சீப்புகள் பரிந்துரைக்கப்படுகின்றன. மரச் சீப்புகள் அல்லது வேப்ப மர சீப்புகள் பயன்படுத்துவதும் மிகவும் நல்லது. இவை உச்சந் தலையில் எரிச்சலைத் தடுத்து, முடியின் ஆரோக்கியத்தை மேம்படுத்தும்.

இந்த எளிய வழக்கத்தை நீங்கள் தினமும் பின்பற்றினால், ஒரு மாதத்திற்குள்ளேயே உங்கள் முடி வளர்ச்சியில் குறிப்பிடத்தக்க மாற்றங்களைக் காண முடியும் என்று உறுதியளிக்கிறார் டாக்டர் ஷர்மிகா. இது எளிமையானது, செலவு குறைவானது, மற்றும் அனைவருக்கும் சாத்தியமான முறையாகும். அடர்த்தியான மற்றும் ஆரோக்கியமான கூந்தலைப் பெற இந்த எளிய குறிப்பை தினசரி வழக்கத்தில் சேர்த்துக்கொள்ளுங்கள்!

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.