ஆரஞ்சு நிற கவுன், அழகான நெக்லஸ்... செம்ம ஸ்டைல்; பாலிவுட்டை மிரளவிட்ட மம்முட்டி மருமகள்!

மலையாள மெகா ஸ்டார் மம்முட்டி தனது ஸ்டைல் மற்றும் ஃபேஷனால் தென்னிந்திய மற்றும் பாலிவுட் நட்சத்திரங்களால் பொறாமையுடன் பார்க்கப்படுகிறார். நடிகர் நாகார்ஜுனா ஒரு மேடையில், மம்முட்டியுடன் ஸ்டைலில் மோத விரும்பவில்லை என்று துல்கர் சல்மானிடம் கூறிய வீடியோ சமூகவலைத்தளங்களில் வைரலானது. மம்முட்டி மகன் துல்கர் சல்மானும் ஃபேஷன் உலகில் முன்னணி நட்சத்திரமாகத் திகழ்கிறார்.

இளம் நட்சத்திரங்களில் ஸ்டைலாக உடையணிந்தவர் என்ற பெருமையைத் துல்கர் சல்மான் பெற்றுள்ளார். இப்போது, அவரது மனைவி அமல் சூஃபியாவும் அதே பாதையில் பயணித்து பாலிவுட் நட்சத்திரங்களை மிஞ்சும் அளவுக்கு வளர்ந்துள்ளார். மும்பையில் நடந்த கௌரவ் குப்தாவின் திருமண ஆடை அலங்கார நிகழ்ச்சியில் துல்கர் சல்மானும், அவரது மனைவி அமல் சூஃபியாவும் கலந்துகொண்டனர். இந்த நிகழ்வின்போது, பாப்பராசிகள் (Paparazzi) அமலின் ஸ்டைலைக் கண்டு பிரமித்துப் போயினர். பாலிவுட் நட்சத்திரங்களையே மிஞ்சும் அளவுக்கு அமலின் ஸ்டைல் மற்றும் அணுகுமுறை இருந்தது என்று பாப்பராசிகள் கருத்து தெரிவித்தனர்.

இந்த நிகழ்ச்சிக்கு, துல்கர் சல்மான் கைகளில் எம்பிராய்டரி செய்யப்பட்ட கருப்பு நிற சூட் அணிந்திருந்தார். அமல் சூஃபியா லாவா ஆரஞ்சு நிற கவுன் அணிந்து, அதற்கேற்ற நெக்லஸ், ஹேண்ட்பேக், கைக்கடிகாரம் மற்றும் ஹை ஹீல்ஸ் அணிந்து மிகவும் ஸ்டைலாகக் காணப்பட்டார். இந்த நிகழ்ச்சியில் சித்தார்த் மல்ஹோத்ரா, ஜான்வி கபூர், மலைக்கா அரோரா, திஷா பதானி போன்ற பிரபலங்களும் பங்கேற்றனர்.

துல்கர் சல்மான்-அமல் சூஃபியா தம்பதிக்கு கடந்த 2011-ல் திருமணம் நடைபெற்றது. இவர்களுக்கு மரியம் அமீரா சல்மான் என்ற மகள் உள்ளார். கட்டிடக் கலைஞரான அமல் சூஃபியா, உள்துறை வடிவமைப்பாளராகவும் (Interior Designer) பலரது கவனத்தை ஈர்த்து வருகிறார்.