தைராய்டு ஆரோக்கியத்திற்கு ஆயுர்வேத மருத்துவர் பரிந்துரைக்கும் 5 சூப்பர்-ஃபுட்ஸ் இதோ!

தைராய்டு என்பது கழுத்தின் அடிப்பகுதியில் இருக்கும் பட்டாம்பூச்சி வடிவ ஒரு சுரப்பி. இது நமது உடலின் வளர்சிதை மாற்ற செயல்முறைகளில் முக்கிய பங்கு வகிக்கிறது. எனவே, நமது தைராய்டு ஆரோக்கியத்தை கட்டுக்குள் வைத்திருப்பது மிகவும் முக்கியமானது, ஏனெனில் இது நமது ஒட்டுமொத்த ஆரோக்கியத்திற்கும் பொறுப்பாகும்.

போதிய ஊட்டச்சத்து மற்றும் மன அழுத்தம் போன்ற வாழ்க்கை முறை காரணிகளால், பல ஆண்களும், பெண்களும், தங்கள் வயதைப் பொருட்படுத்தாமல், தைராய்டு பிரச்சினைகளால் பாதிக்கப்படுகின்றனர். வலுவான தைராய்டு ஆரோக்கியத்தை உறுதிப்படுத்த, தைராய்டு செயல்பாட்டிற்கு உதவும் சில சூப்பர்ஃபுட்களை உங்கள் தினசரி உணவில் சேர்த்துக் கொள்ளுங்கள்.

ஆயுர்வேத மருத்துவர் டிக்ஸா பாவ்ஸரின் கூற்றுப்படி, இந்த ஐந்து சூப்பர்ஃபுட்கள் “தைராய்டு ஆரோக்கியத்திற்கு அதிசயங்களைச் செய்கின்றன. (அனைத்து வகையான தைராய்டு ஏற்றத்தாழ்வுகளுக்கும்) அவை என்னவென்று யோசிக்கிறீர்களா? படிக்கவும்.

நெல்லி

நெல்லியில் ஆரஞ்சு பழத்தை விட எட்டு மடங்கு மற்றும் மாதுளையை விட 17 மடங்கு அதிக வைட்டமின் சி உள்ளது. இது உண்மையிலேயே அதன் சூப்பர்ஃபுட் அந்தஸ்துக்கு தகுதியானது. இது உங்கள் தைராய்டு ஆரோக்கியத்திற்கு மட்டுமல்ல, "முடிக்கும் மிகமிக நல்லது". நெல்லி’ முடி நரைப்பது, பொடுகு உருவாவதை தடுக்கிறது, மயிர்க்கால்களை பலப்படுத்துகிறது. உச்சந்தலையில் இரத்த ஓட்டத்தை அதிகரிக்கிறது, முடி வளர்ச்சியை மேம்படுத்துகிறது.

தேங்காய்

தைராய்டு நோயாளிகளுக்கு பச்சை தேங்காய் அல்லது தேங்காய் எண்ணெய் சிறந்த உணவாகும். இது மெதுவான மற்றும் மந்தமான வளர்சிதை மாற்றத்தை மேம்படுத்துகிறது.

தேங்காயில்’ நடுத்தர கொழுப்பு அமிலங்கள் (medium-chain fatty acids) மற்றும் நடுத்தர ட்ரைகிளிசரைடுகள் (medium-chain triglycerides) ஏராளமாக உள்ளன, இது வளர்சிதை மாற்றத்தை மேம்படுத்த உதவுகிறது.

பூசணி விதைகள்

பூசணி விதைகள்’ துத்தநாகத்தின் வளமான மூலமாகும், இது உடலில் உள்ள மற்ற வைட்டமின்கள் மற்றும் தாதுக்களை உறிஞ்சுவதற்கு முக்கியமானது மற்றும் உடலில் தைராய்டு ஹார்மோன்களின் தொகுப்பு மற்றும் சமநிலையை மேம்படுத்துகிறது.

பிரேசில் நட்ஸ்

செலினியம் என்பது தைராய்டு ஹார்மோன்களின் வளர்சிதை மாற்றத்திற்கு உடலுக்குத் தேவையான ஒரு நுண்ணூட்டச் சத்து ஆகும். T4 ஐ T3 ஆக மாற்றுவதற்கு இது தேவைப்படுகிறது, பிரேசில் பருப்புகள் இந்த ஊட்டச்சத்தின் சிறந்த இயற்கை ஆதாரங்களில் ஒன்றாகும்.

உண்மையில், சக்திவாய்ந்த ஆக்ஸிஜனேற்றம் மற்றும் தைராய்டு தாதுக்களின் ஆரோக்கியமான அளவை உங்களுக்கு வழங்க’ ஒரு நாளைக்கு மூன்று பிரேசில் நட்ஸ் போதுமானது.

மூங் பீன்ஸ்

"பீன்ஸில் புரதம், ஆக்ஸிஜனேற்றிகள், சிக்கலான கார்போஹைட்ரேட்டுகள், வைட்டமின்கள் மற்றும் தாதுக்கள் உள்ளன. "அவற்றில் நார்ச்சத்தும் அதிகமாக உள்ளது, தைராய்டு சமநிலையின்மையின் பொதுவான அறிகுறியான மலச்சிக்கலால் பாதிக்கப்பட்டால் இது நன்மை பயக்கும்."

மூங், பெரும்பாலான பீன்ஸ்களைப் போலவே, அயோடினை வழங்குகிறது. மூங்கின் சிறந்த விஷயம் என்னவென்றால், அவை அனைத்து பீன்ஸ்களிலும்’ ஜீரணிக்க எளிதானவை. எனவே அவை தைராய்டு-டயட்- உணவுக்கு ஒரு சிறந்த கூடுதலாகும், இது குறைக்கப்பட்ட வளர்சிதை மாற்ற விகிதத்தின் தாக்கங்களை ஈடுசெய்வதை நோக்கமாகக் கொண்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil “