ஓவியாவுக்கு என்ன ஆச்சு? இப்படி ஆளே மாறிப் போயிட்டாங்களே.. ரசிகர்கள் ஷாக்!

தமிழ் இளைஞர்களின் கனவுக்கன்னியாக இருக்கும் ஓவியா, படிப்பை முடிக்கும் முன்பே நடிகையாக அறிமுகமானார். ஒவியா, பிருத்விராஜின் கங்காருவில் (2007) துணை வேடத்தில் தோன்றினார். தொடர்ந்து புதிய முகம் (2009), அபூர்வா (2008) போன்ற படங்களில் குறிப்பிடத்தக்க தோற்றத்தில் நடித்தார்.

2010 ஆம் ஆண்டு வெளிவந்த தனது 2வது தமிழ் படமான ‘களவாணி’யில் அழகிய பள்ளி மாணவியாக நடித்ததன் மூலம், ஓவியா ரசிகர்களிடம் பிரபலமானார். பிக்பாஸ் ரியாலிட்டி ஷோவில் பங்கேற்ற பிறகு ஓவியா, தமிழ் மக்களிடமிருந்து ஏகபோக அன்பைப் பெற்றார்.

சீசன் வெற்றியாளரான ஆரவ் உடனான அவரது கெமிஸ்ட்ரி, முதல் சீசனில் அதிகம் பேசப்பட்ட அம்சங்களில் ஒன்றாகும். ஆனால், உடல்நிலை சரியில்லாத காரணத்தால் ஓவியா பாதியிலேயே, பிக்பாஸ் நிகழ்ச்சியிலிருந்து விலகினார். “நீங்க ஷட்டப் பண்ணுங்க”, ”ஸ்பிரே அடிச்சுப்புடுவேன்” என்ற அவரது டயலாக் மிகவும் பிரபலமானது.

View this post on Instagram

A post shared by Oviya (@happyovi)

தமிழ் வரலாற்றிலேயே முதல்முறையாக சோஷியல் மீடியாவில் ஆர்மிக்களை அறிமுகப்படுத்தியதே ஓவியாவின் ரசிகர்கள் தான்.

ஒரு நேர்காணலில், ஓவியா தனது ரசிகர் பட்டாளம் பற்றி பேசினார். ‘எனக்கு அது முக்கியமில்லை. இந்த எல்லா விஷயங்களிலிருந்தும் நான் வெகு தொலைவில் இருக்கிறேன். மக்கள் என்னிடம் அன்பு காட்டும் விதம் எனக்குப் பிடிக்கும், நான் வெளியே செல்லும்போது என்னுடன் செல்ஃபி எடுப்பது எனக்குப் பிடிக்கும், ஆனால் அது எனக்கு பெரிய மகிழ்ச்சியைத் தரவில்லை, ஒருவேளை எனக்கு ஆர்மி இல்லாமல் போனால், அது என்னைத் தொந்தரவு செய்யாது.

அவர்களுக்கு என்னைத் தெரியும், எனக்கு அவர்களைத் தனிப்பட்ட முறையில் தெரியாது, எனக்கு ஏதேனும் பிரச்னை இருந்தால், எனது ரசிகரிடம் பேச முடியாது. அவர்கள் என்னை நேசிப்பதை நான் விரும்புகிறேன், அதற்காக நான் மிகவும் நன்றியுள்ளவனாக இருக்கிறேன்.

எனக்கு ஆர்மி இல்லையென்றால் எதிர்காலத்தில் நான் கவலையடைய கூடாது. நான் என் மனதை நன்றாகப் பயிற்றுவிக்கிறேன். யாரோ ஒருவர் எனக்கு அன்பைக் கொடுப்பதை நிறுத்தும்போது என்னால் அதைக் கையாள முடியாது, எனவே நான் அதை இந்த வழியில் சமநிலைப்படுத்துகிறேன் என்று ஓவியா கூறினார்.

View this post on Instagram

A post shared by Oviya (@happyovi)

சமீபத்தில் ஓவியா, நீச்சல் உடையில் கடல் அலைகளுடன் விளையாடும் புகைப்படம் இணையத்தில் வைரலானது. இந்நிலையில், இப்போது அவர் பகிர்ந்த இன்ஸ்டாகிராம் போஸ்ட் பார்த்து, ரசிகர்கள் அதிர்ச்சியடைந்துள்ளனர்.

அதில் ஓவியா உடல் மெலிந்து, முகம் மாறி, ஆளே வேறொருவர் போல இருக்கிறார். ஓவியாவின் அந்த கியூட்னெஸ், பப்ளினெஸ் எல்லாம் மிஸ்ஸிங்.

அதைப் பார்த்த ரசிகர்கள் கொஞ்சம் சாப்பிட்டு உடம்ப தேத்து பாப்பா! ஒல்லியா இருக்க என கமென்டில் பதிவிட்டு வருகின்றனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil “