சென்னை கல்லூரி மாணவிகளின் ஃபேஷன் ஷோ: ஒய்யார நடை நடந்து அசத்தல்

சென்னை ராமாபுரத்தில் உள்ள எஸ்.ஆர்.எம் கல்லூரியில் மனித வள மேம்பாடு மற்றும் பேஷன் டிசைன் துறை சார்பில் ஃபேஷன் ஷோ நடத்தப்பட்டது. இதில் குழந்தைகள் மற்றும் பெரியவர்களுக்கு என இரண்டு பிரிவாக ஃபேஷன் ஷோ நடத்தப்பட்டது.

அதன்படி, 12 வயது வரையிலான சிறுவர் மற்றும் சிறுமியர் ஒரு பிரிவாகவும், கல்லூரி மாணவர்கள் மற்றும் மாணவிகள் ஒரு பிரிவாகவும் கலந்து கொண்டனர். இதில் கலந்து கொண்ட மாணவர்கள் அனைவரும் ஒய்யாரமாக நடை போட்டனர். மேலும், 500-க்கும் மேற்பட்ட ஆடைகள் காட்சிப்படுத்தப்பட்டிருந்தன.

எஸ்.ஆர்.எம் கல்வி குழும தலைவர் R.சிவகுமார், டீன் எஸ். திருமகன், ஜெ. திலீபன், துறை தலைவர் என்.பி. ஸ்வேதா மேனன் உட்பட பலர் கலந்து கொண்டனர்.