என்னோட லாங் ஹேர் சீக்ரெட்: நடிகை கன்னிகா சொல்லும் மேஜிக் ஹேர் பேக் இதுதானா?

கோடைக்காலம் வந்தாலே கூந்தல் உதிர்வு, வறட்சி என பல பிரச்சனைகள் தலைதூக்கும். உங்கள் கூந்தலை ஆரோக்கியமாகவும், பளபளப்பாகவும் வைத்திருக்க, நடிகை கன்னிகா சினேகன் சில எளிய பயனுள்ள குறிப்புகளைப் பகிர்ந்துள்ளார். 

சிறிதளவு வெந்தயத்தை எடுத்து, தேவையான அளவு தண்ணீரில் ஊற வைக்கவும். இரவு முழுவதும் ஊறினால் வெந்தயம் நன்கு மிருதுவாகும். ஊறிய வெந்தயத்தை மிக்ஸி ஜாரில் போட்டு, சிறிதளவு தண்ணீர் சேர்த்து (மிகவும் நீர்த்துப் போகாமல் பார்த்துக்கொள்ளவும்), கெட்டியான பேஸ்ட் போல அரைத்துக் கொள்ளவும்.

அரைத்த வெந்தயப் பேஸ்ட்டை உங்கள் உச்சந்தலையிலும், கூந்தல் முழுவதும் நன்கு பரவும்படி தடவவும். சுமார் அரை மணி நேரம் வரை அதை அப்படியே விடவும். அரை மணி நேரத்திற்குப் பிறகு, தலையை நன்கு அலசவும். ஷாம்பு பயன்படுத்தத் தேவையில்லை.

வெந்தயப் பயன்பாட்டின் நன்மைகள்:

வெந்தயம் இயற்கையாகவே உடலுக்குக் குளிர்ச்சி தரக்கூடியது. கோடை காலத்தில் ஏற்படும் உடல் சூட்டினால் முடி உதிர்வதைத் தடுத்து, தலைமுடியைக் குளிர்ச்சியாக வைத்திருக்க உதவும்.

தொடர்ந்து வெந்தயத்தைப் பயன்படுத்துவதன் மூலம் முடி உதிர்வு கணிசமாகக் குறையும்.

வெந்தயம் உங்கள் கூந்தலுக்கு இயற்கையான பளபளப்பைக் கொடுத்து, ஷைனிங்காக மாற்றும்.

இது கூந்தலின் வேர்களை வலுப்படுத்தி, முடி அடர்த்தியாக வளர உதவுகிறது.

இந்த எளிய வெந்தயப் பேக் மூலம் கோடை காலத்திலும் உங்கள் கூந்தலை ஆரோக்கியமாகவும், அழகாகவும் பராமரிக்கலாம். முயற்சி செய்து பாருங்கள்!