சமையலறைக்கு வரவேற்கிறோம். நாம் அனைவரும் வாழ உணவு தேவை. பெரும்பாலான மக்கள் தங்கள் வாழ்நாளில் நான்கில் மூன்றில் ஒரு பங்கை இந்த இடத்தில் செலவிடுகிறார்கள். எனவே, சமையலறையில் நேரத்தையும் முயற்சியையும் மிச்சப்படுத்த உதவும் சில ஹேக்குகளை அறிந்திருப்பது அவசியம்.
குக்கிஸ்ட் வாவ் என்ற இன்ஸ்டாகிராம் பக்கம், கெட்டுப் போகக்கூடிய உணவுகளை நீண்ட காலத்திற்கு புதியதாக வைத்திருக்க சில ஹேக்குகளைப் பகிர்ந்துள்ளது.
சீஸ்
நீங்கள் பிளாஸ்டிக் ரேப்பரில், சீஸ் சேமித்தால் அது தவறு. இது உங்கள் சீஸை மூச்சுத்திணற வைக்கிறது. இது சரியான பாதுகாப்பிற்காக சுவாசிக்க வேண்டும். இதனால் உலராமல், பூஞ்சை உருவாகாமல் இருக்கும்.
அதை காகிதத்தாளில் போர்த்தி, ஃபிரிட்ஜின் மேல் அலமாரியில் வைத்தால் 7 நாட்கள் வரை நீடிக்கும்.
வாழைப்பழம்
ஃப்ரிட்ஜில் வாழைப்பழம் வேகமாக பழுக்கும் என்பது உங்களுக்கு தெரியுமா? அறை வெப்பநிலையில் அவற்றை சேமித்து, தண்டுகளை பிளாஸ்டிக் கவரில் போர்த்தி விடுங்கள். இந்த வழியில் பழுக்க வைக்கும் எத்திலீன் வாயு வெளியிடப்படாது மற்றும் மெதுவாக பழுக்கும்.
செலரி, கேரட்
செலரி மற்றும் கேரட்டை நீங்கள் வாங்கிய பிளாஸ்டிக் பைகளில் இனி சேமிக்க வேண்டாம். அவற்றைச் சரியாகக் கழுவிய பின், கண்ணாடி ஜாடியில் போட்டு தண்ணீரில் நிரப்பவும். மூடி ஃபிரிட்ஜில் வைக்கவும், அவை 7 நாட்கள் வரை நீடிக்கும்.
மூலிகைகள்
புதினா, கொத்தமல்லி தழை, கறிவேப்பிலை காய்ந்து போனால் கவலைப்பட வேண்டாம். ஐஸ் ட்ரேயில் வைத்து ஆலிவ் எண்ணெயைச் சேர்த்து அவற்றை உறைய வைக்கலாம். இதை நேரடியாக உங்கள் சமையலில் பயன்படுத்த தயாராக இருக்கும்.
சாலட்
சாலட்டை வாங்கிய நாள் போல ஃப்ரெஷ்ஷாக வைக்கலாம்!
ஒரு கண்ணாடி பாத்திரம் அல்லது ஜிப் லாக் பையில் அதை டிஷ்யூ பேப்பரால் மூடி வைக்கவும். காகிதம் ஈரப்பதத்தை உலர்த்தும், இதனால் நீண்ட நேரம் புதியதாக இருக்கும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/JuG0jY9wAxr15W9OUQK9.jpg)