தேனில் குழைத்த எள், பூசணி, சூரியகாந்தி விதைகள்: வேகமான முடி வளர்ச்சிக்கு ஊட்டச்சத்து நிபுணர் பரிந்துரை

நீங்கள் விடாமுயற்சியுடன் உங்கள் தலைமுடிக்கு எண்ணெய் தடவலாம், சல்பேட் இல்லாத ஷாம்பூவைப் பயன்படுத்தி கழுவலாம், கண்டிஷனரைப் பயன்படுத்தலாம், சீரம் அணியலாம். ஆனால் முடி பராமரிப்பு அத்துடன் நிற்கவில்லை. ஒவ்வொரு நாளும் நீங்கள் சாப்பிடும் ஊட்டச்சத்து பெரிய பாத்திரத்தை வகிக்கிறது என்கிறார் ஊட்டச்சத்து நிபுணர் கிரண் குக்ரேஜா.

எனவே, உங்கள் முடி பராமரிப்பு வழக்கத்திற்கு துணையாக ஊட்டச்சத்து நிறைந்த பூசணி விதைகள், வறுத்த எள் விதைகள் மற்றும் சூரியகாந்தி விதைகளுடன் ஆர்கானிக் தேன் கலவையை உங்கள் உணவில் சேர்க்குமாறு அவர் பரிந்துரைத்தார்.

இது ஆரோக்கியமான, பளபளப்பான முடியை ஊக்குவிக்கிறது.

டாக்டர் இந்தர்பிரீத் கவுர் மகேந்திரா (consultant dermatologist, Apollo Clinic Viman Nagar) கூறுகையில், எள் விதைகள் எண்ணெய் வளம் நிறைந்தவை, ஆரோக்கியமான கொழுப்புகள், புரதம், பி வைட்டமின்கள், தாதுக்கள், நார்ச்சத்து, ஆக்ஸிஜனேற்றிகள் மற்றும் பிற நன்மை பயக்கும் தாவர கலவைகள் ஆகியவற்றின் நல்ல ஆதாரமாக உள்ளன.

இதில் நிறைந்துள்ள ஒமேகா கொழுப்பு அமிலம் வேர்களுக்கு ஊட்டமளித்து முடி வளர்ச்சியைத் தூண்டுகிறது. எள்ளில் உள்ள செசமின், முடி உதிர்தல் மற்றும் நரைப்பதைத் தடுக்க உதவுகிறது.

இது உச்சந்தலையை ஈரப்பதமாக்க உதவுகிறது, ரத்த ஓட்டத்தை மேம்படுத்துகிறது, ஹேர் ஃபாலிக்கிள்ஸை புதுப்பிக்கிறது. எள் விதைகளில் ஆன்டி ஏஜிங் பண்புகளும் உள்ளன, அவை முடியை வளர்க்கும் மற்றும் நரைப்பதைத் தவிர்க்க அல்லது மெதுவாக்கும், என்று டாக்டர் இந்தர்பிரீத் கூறினார்.

பூசணி விதை எண்ணெயில் துத்தநாகம், மெக்னீசியம் மற்றும் ஒமேகா -3 கொழுப்பு அமிலங்கள் போன்ற ஊட்டச்சத்துக்கள் நிறைந்துள்ளன, அவை ஆரோக்கியமான முடிக்கு அவசியம். இந்த விதைகளில் லினோலிக் அமிலமும் உள்ளது, இது வலுவான அழற்சி எதிர்ப்பு பண்புகளைக் கொண்டுள்ளது.

View this post on Instagram

A post shared by Kiran Kukreja| Nutritionist| Weight Management| Skin & Hair (@nuttyovernutritionn)

துத்தநாகம் உச்சந்தலையை ஆரோக்கியமாக வைத்திருக்க உதவுகிறது, மேலும் முடி வளர்ச்சியை ஊக்குவிக்கிறது, அதே நேரத்தில் மெக்னீசியம் முடி தண்டுக்கு வலுவூட்டுகிறது, உடைவதைத் தடுக்கிறது. ஒமேகா-3 கொழுப்பு அமிலங்கள், உச்சந்தலை மற்றும் ஹேர் ஃபாலிக்கிள்ஸூக்கு ஊட்டமளித்து, அவற்றை ஆரோக்கியமாகவும், முடி வளர்ச்சியை ஊக்குவிக்கவும் உதவுகின்றன.

சூரியகாந்தி விதைகள் காமா-லினோலெனிக் அமிலத்தின் வளமான மூலமாகும், இது ஒரு சக்திவாய்ந்த ஊட்டச்சத்து ஆகும், இது முடி இழைகளை ஆழமாக நிலைநிறுத்த உதவுகிறது, இதனால் அவை மென்மையாகவும், பளபளப்பாகவும், இருக்கும். கூடுதலாக, இது செயலற்ற ஹேர் ஃபாலிக்கிள்ஸை தூண்டி புதிய முடி வளர்ச்சியை உருவாக்க ஊக்குவிக்கும், என்று டாக்டர் இந்தர்ப்ரீத் கூறினார்.

தேனில் குழைத்த வறுத்த எள், பூசணி மற்றும் சூரியகாந்தி விதைகளில் ஆரோக்கியமான கூந்தலை ஊக்குவிக்கும் அனைத்து ஊட்டச்சத்து மதிப்புகளும் உள்ளன, என்று டாக்டர் ஜதின் மிட்டல் கூறினார். (co-founder, cosmetologist, and skin expert, Abhivrit Aesthetics, New Delhi)

எப்படி சாப்பிடுவது?                                                                             

தினசரி சிற்றுண்டியாக ஒரு சிறிய கைப்பிடி அளவு தேனில் தோய்த்து வறுத்த விதைகளை சாப்பிடலாம்.

சத்தான ஊக்கத்திற்காக அவற்றை ஸ்மூத்தி அல்லது சாலட்களில் சேர்க்கலாம்.

இந்த விதைகள் முடி ஆரோக்கியத்தை ஆதரிக்கும் அதே வேளையில், சீரான உணவைப் பராமரிப்பது, மன அழுத்தத்தை நிர்வகித்தல் மற்றும் முடி உதிர்வைத் திறம்பட குறைக்க சரியான முடி பராமரிப்பு வழக்கத்தைப் பின்பற்றுவது முக்கியம், என்று டாக்டர் மிட்டல் கூறினார்.

Read in English: This honey-dipped seeds mix has ‘all the nutritional values to promote healthy hair’

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“