இந்த ஒரு கீரை... முடி உதிர்தல் பற்றிய கவலையே வேணாம்: டாக்டர் நித்யா

தலைமுடி உதிர்வு என்பது இன்று பலரையும் குறிப்பாக டீன்ஏஜ் மற்றும் 20 வயதிற்கு மேற்பட்ட இளம் பெண்களையும் பாதிக்கும் ஒரு பொதுவான பிரச்சனையாகும். 

முடி உதிர்வுக்கு எண்ணற்ற காரணங்கள் இருக்கலாம். உடல் சூடு, நச்சுத்தன்மை, கல்லீரல் மற்றும் மண்ணீரல் கோளாறுகள், மன அழுத்தம், தூக்கமின்மை, மற்றும் ஊட்டச்சத்து குறைபாடு போன்றவை இதில் அடங்கும். சித்த மருத்துவர் நித்யா, தலைமுடி உதிர்வுக்குக் காரணங்களையும் அதற்கான எளிய தீர்வுகளையும் இந்த வீடியோவில் விளக்குகிறார்.

உடல் உஷ்ணத்தைக் குறைக்கவும், மண்டை ஓட்டைச் சுத்தமாக வைத்திருக்கவும் வாரத்திற்கு மூன்று முறை தலைக்குக் குளிப்பது அவசியம். ஷாம்பு, கண்டிஷனர் போன்ற ரசாயனப் பொருட்களை முடிந்தவரை தவிர்ப்பது நல்லது. 

வல்லாரை கற்பம்:

வல்லாரை கீரை எளிதில் கிடைக்கக்கூடிய ஒரு மூலிகை. இது நினைவாற்றலை அதிகரிப்பது மட்டுமல்லாமல், உடலில் உள்ள நச்சுக்களை வெளியேற்றி, கல்லீரல் மற்றும் மண்ணீரலை பலப்படுத்துகிறது.

பயன்படுத்தும் முறை: 100 கிராம் வல்லாரை பொடியுடன் 20 கிராம் வசம்பு பொடியை கலந்து எடுத்துக்கொள்ளவும். தினமும் 5 கிராம் இந்தப் பொடியை அரை ஸ்பூன் தேனுடன் கலந்து சாப்பிட்டு வர, உடலில் நல்ல மாற்றங்கள் தெரியும். இது கல்லீரல், மண்ணீரல் மற்றும் குடல் பிரச்சனைகளை சரிசெய்து, தலைமுடி வளர்ச்சியை ஊக்குவிக்கும்.

இந்த எளிய இயற்கை வழிமுறைகளைப் பின்பற்றுவதன் மூலம் டீன்ஏஜ் மற்றும் 20 வயதிற்கு மேற்பட்ட இளம் பெண்கள் முடி உதிர்வுப் பிரச்சனையில் இருந்து விடுபட்டு, ஆரோக்கியமான தலைமுடியைப் பெறலாம்.