அசுர முடி வளர்ச்சியைத் தூண்டும் சூப்பர் ஹேர் சீரம்: வீட்டிலேயே ஈஸியா இப்படி ரெடி பண்ணுங்க- டாக்டர் விவேக்

கூந்தலின் அழகை மேம்படுத்தவும், அதனை ஆரோக்கியமாக வைத்திருக்கவும் ஹேர் சீரம் ஒரு முக்கியமான பங்கு வகிக்கிறது. ஆனால், சந்தையில் கிடைக்கும் பெரும்பாலான ஹேர் சீரம்களில் இரசாயனங்கள் கலந்திருக்கலாம். இந்த இரசாயனங்கள் நீண்டகாலத்தில் கூந்தலுக்குப் பாதிப்பை ஏற்படுத்தக்கூடும். இதற்கு ஒரு சிறந்த தீர்வு, வீட்டிலேயே இயற்கையான பொருட்களைப் பயன்படுத்தி ஹேர் சீரம் தயாரிப்பது.

முடி வளர்ச்சிக்கு உதவும் ஒரு சிறப்பான சீரம் எப்படி தயாரிப்பது என்பது குறித்து இந்த வீடியோவில் கூறுகிறார் டாக்டர் விவேக் ஜோஷி. இது மிகவும் எளிமையானது, ஆனால் அதன் பலன்கள் உங்களை வியப்பில் ஆழ்த்தும்.
 
பொதுவாக, சில சீரம் வகைகளை பயன்படுத்தும்போது முடி வறண்டு, உயிரற்றதாக தோன்றலாம். அப்படிப்பட்ட சூழ்நிலையில், உங்கள் தலைமுடிக்கு எண்ணெய் தடவுவது அவசியமாகிறது. ஆனால் எண்ணெய் தடவ பிடிக்காதவர்களுக்கும், எண்ணெய் பசை இல்லாத சீரம் தேவைப்படுபவர்களுக்கும் இந்த சீரம் ஒரு சிறந்த மாற்றாக அமையும்.

முடி வளர்ச்சி சீரம் தயாரிப்பது எப்படி?

தேவையான பொருட்கள்:

தண்ணீர்: 500 முதல் 600 மி.லி.
பிரியாணி இலை: 10
வெந்தயம்: 1.5 தேக்கரண்டி
ஆளி விதை (Flax seed): 1 தேக்கரண்டி

செய்முறை:

முதலில், ஒரு பாத்திரத்தில் நீரை ஊற்றவும். அதில் பிரியாணி இலை, வெந்தயம், ஆளி விதை ஆகியவற்றை சேர்க்கவும். இதை மிதமான தீயில் 13 முதல் 15 நிமிடங்கள் வரை கொதிக்க விடவும். கொதித்த பிறகு, சூடாக இருக்கும்போதே வடிகட்டி எடுத்துக்கொள்ளவும்.

முக்கிய குறிப்பு: ஆளி விதைகளை சேர்த்துள்ளதால், கலவையை ஆற விடுவது நல்லதல்ல. அது ஆறிவிட்டால் ஜெல் போல மாறி, வடிகட்டுவது மிகவும் கடினமாகிவிடும். எனவே, சூடாக இருக்கும்போதே வடிகட்டுவது அவசியம்.

எப்படி பயன்படுத்துவது?

இந்த சீரமை உங்கள் தலைமுடி முழுவதும், வேர்களில் இருந்து நுனி வரை தடவலாம். நீங்கள் தலைக்குக் குளிப்பதற்கு ஒன்று அல்லது இரண்டு மணி நேரத்திற்கு முன்பு இதைத் தடவலாம். சிறிது நேரம் கழித்து, எப்போதும் போல உங்கள் தலைமுடியை அலசவும். 

இந்த இயற்கையான சீரம், உங்கள் தலைமுடிக்கு பல நன்மைகளைத் தரும். தலைமுடியின் வேர்களுக்கு வலுவூட்டி, முடி உதிர்வை குறைக்கும். தலைமுடிக்கு பளபளப்பையும் மென்மையையும் கொடுக்கும். வறண்ட கூந்தலுக்கு ஊட்டமளித்து, மிருதுவாக்கும்.