முடி உதிர்வுக்கு பை-பை சொல்லுங்க! வீட்டில் இருக்கும் பொருட்களைக் கொண்டு ஈஸியா செய்யக்கூடிய ஹேர் ஃபால் சீரம்!

முடி உதிர்வு என்பது பலரையும் பாடாய்ப்படுத்தும் ஒரு பிரச்னை. இதற்கு பக்கவிளைவுகள் இல்லாத இயற்கையான தீர்வு கிடைத்தால் நன்றாக இருக்கும் என நாம் எப்போதும் தேடிக்கொண்டே இருப்போம். ஆனால், எந்த ஒரு தீர்வும் எல்லோருக்கும் ஒரே மாதிரியாக பலன் கொடுக்குமா என்பது சந்தேகம் தான். அதனால்தான், சரியான வழிகாட்டுதலைத் தேடுவது முக்கியம்.

பியூட்டி பிளாகர் ஷாலினி, முடி உதிர்வுக்கு உதவும் ஒரு எளிய ஹேர் ஃபால் சீரம் தயாரிக்கும் முறையை இன்ஸ்டாகிராமில் பகிர்ந்துள்ளார். இதைத் தயாரிப்பது மிகவும் எளிது.

சீரம் செய்யத் தேவையான பொருட்கள்:

ஊறவைத்த வெந்தயம் - 1 டீஸ்பூன்

ஊறவைத்த அரிசி - 1 டீஸ்பூன்

கறிவேப்பிலை - 1 கொத்து

வெங்காயத் தோல் - சிறிதளவு

எப்படித் தயாரிப்பது?

வெந்தயம் மற்றும் அரிசியை ஒரு இரவு முழுவதும் தண்ணீரில் ஊற வைக்கவும்.

மறுநாள் காலையில், ஊறவைத்த அரிசி, வெந்தயம், வெங்காயத் தோல், மற்றும் கறிவேப்பிலை ஆகியவற்றைச் சேர்த்து நன்றாகக் கொதிக்கவிடவும்.

இந்தக் கலவை ஆறிய பிறகு, வடிகட்டி ஒரு ஸ்பிரே பாட்டிலில் ஊற்றி வைத்துக்கொள்ளலாம்.

எப்படிப் பயன்படுத்துவது?

இந்த சீரத்தை ஒரு வாரம் வரை சேமித்து வைக்கலாம். வாரத்திற்கு 2 முதல் 3 முறை பயன்படுத்தலாம். இரவு முழுவதும் தலையில் வைத்து ஊறவிட்டோ அல்லது தலைக்கு குளிப்பதற்கு ஒரு மணி நேரத்திற்கு முன்போ பயன்படுத்தலாம். பிறகு, ஒரு லேசான ஷாம்பு பயன்படுத்தி தலைமுடியை அலசிவிடவும்.

இது உண்மையிலேயே பலன் தருமா?

View this post on Instagram

A post shared by Shalini ♥️ (@beauty__secrets_with_shalini)

இது போன்ற வீட்டு வைத்திய முறைகள் உண்மையிலேயே பலன் தருமா என்ற சந்தேகம் பலருக்கும் இருக்கும். இது குறித்து தோல் மருத்துவர் டாக்டர் சௌரப் ஷா கூறுகையில், "வெந்தயம், வெங்காயத் தோல் மற்றும் அரிசி ஆகியவற்றின் கலவையானது ஒரு சிறந்த மற்றும் பயனுள்ள தீர்வாகச் செயல்படும்" என்றார்.

வெந்தயம்: வெந்தய விதைகளில் உள்ள ஆல்கலாய்டுகள் முடி வளர்ச்சியைத் தூண்டும் ஈஸ்ட்ரோஜன் எஸ்ட்ராடியோலின் அளவை அதிகரிக்க உதவுகின்றன. இது முடியை மென்மையாகவும், பளபளப்பாகவும் மாற்றுவதோடு, தலைமுடிக்குத் தேவையான ஈரப்பதத்தையும் அளிக்கிறது. பல ஆய்வுகளின்படி, இது முடியை அடர்த்தியாக வளர்க்கவும், ஆரோக்கியமான முடி வளர்ச்சியை ஊக்குவிக்கவும் உதவுகிறது.

வெங்காயம்: வெங்காயத்தில் அதிக அளவு சல்பர் உள்ளது. இது முடியின் கொலாஜன் அளவை அதிகரித்து, முடி வேர்களுக்கு அதிக வலிமையையும் தடிமனையும் அளிக்கிறது. மேலும், வெங்காயம் உச்சந்தலையில் ஈரப்பதத்தை தக்கவைத்து பொடுகை குறைக்கிறது. இதில் உள்ள ஆன்டிஆக்ஸிடென்ட்கள் முடி உதிர்வைத் தடுத்து, முடி வளர்ச்சியை அதிகரிக்கின்றன.

அரிசி: அரிசி நீர் முடி வேர்களை வலுப்படுத்த உதவும் என்பது நமக்குத் தெரியும். மேலும், இது முடிக்கு பளபளப்பையும், வலிமையையும் சேர்த்து முடி உடைவதைத் தடுக்கிறது.

வெப்பநிலை மாற்றம், மாசுபாடு போன்ற புறச் சூழ்நிலைகளை நாம் மாற்ற முடியாது என்றாலும், முடி வளர்ச்சியை ஊக்குவிக்கவும், உதிர்வைக் குறைக்கவும் நம் கூந்தலை நாம் கவனித்துக் கொள்ளலாம். இந்த இயற்கையான ஹேர் ஃபால் சீரத்தை வாரம் இருமுறை பயன்படுத்தி முழு பலனையும் பெறலாம். ஆனாலும், முடி உதிர்வுப் பிரச்னை தொடர்ந்தால், உடனடியாக ஒரு மருத்துவ நிபுணரை அணுகுவது அவசியம் என மருத்துவர்கள் அறிவுறுத்துகின்றனர்.