Happy New Year 2025: எதற்காக ஜனவரி 1-ஆம் தேதி புத்தாண்டு கொண்டாடுகிறோம் என தெரியுமா?

Happy New Year 2025 Wishes Images, Status, History and Importance: 2024-ஆம் ஆண்டு ஏறத்தாழ முடியும் நிலையை எட்டியுள்ளது. புத்தாண்டுக்கான கொண்டாட்டங்கள் பரவலாக உலகெங்கிலும் தொடங்கியுள்ளது. புதிய காலண்டரை மாற்றுவதாக மட்டுமல்லாமல் புதிய இலக்குகள், புதிய பயணங்களுக்கு வாய்ப்பாக புத்தாண்டு அமையும் என பலரும் கருதுகின்றனர்.

ஆங்கிலத்தில் படிக்கவும்: Happy New Year 2025: Wishes, Images, Quotes, importance and why do we celebrate new year’s on January 1?

ஒவ்வொரு ஆண்டின் தொடக்கத்திலும் புதியதொரு விடியலை நோக்கியே மக்கள் செல்கின்றனர். உலகம் முழுவதும் மக்கள் வெவ்வேறு விதமாக புத்தாண்டை கொண்டாடுகின்றனர். பட்டாசுகள் வெடிப்பதில் தொடங்கி சிறப்பு உணவுகள் தயாரிப்பது வரை தங்களுக்கு விருப்பமான வகையில் மக்கள் புத்தாண்டை கொண்டாடுகின்றனர்.

ஜனவரி 1-ஆம் தேதி புத்தாண்டு கொண்டாடும் வழக்கம் கி.மு. 45-ல் இருந்து தொடங்கியதாக கூறப்படுகிறது. ரோமானிய கடவுளான ஜானஸின் நினைவாக, ஜூலியன் காலண்டர் என்பதை ஜூலியஸ் சீஸர் நடைமுறைப்படுத்தினார்.

ரோமானிய பேரரசின் செல்வாக்கு மற்றும் கிரிகோரியன் நாட்காட்டியை ஏற்றுக்கொண்டதன் காரணமாக காலப்போக்கில் இந்த நடைமுறையே உலக மக்களால் கடைபிடிக்கப்பட்டு வருகிறது.

இந்த முறை, புத்தாண்டு வரும் புதன்கிழமை வருகிறது. எனவே, மக்கள் உற்சாகமாக தங்களது கொண்டாட்டங்களை தொடங்கியுள்ளனர்.

அதன்பேரில், உங்கள் அன்பிற்குரியவர்களுக்கு அனுப்பி மகிழ புத்தாண்டு வாழ்த்து செய்திகள் இதில் கொடுக்கப்பட்டுள்ளன.

அத்தனை கனவுகளும் நினைவாகும் நாள் வரட்டும், சொந்தங்கள் அனைத்தும் இணைந்து சேரும் நேரம் வரட்டும், நம்மை உயரம் தொடச் செய்யும் அற்புத நாளை தொடங்குவோம். பகை மறைந்து நட்புகள் மலரும் பொழுதில், புதிய நாளின் புதிய பயணத்தை ஆரம்பிப்போம்.

புதிய எண்ணங்கள் மலரட்டும், புதிய முயற்சிகள் வெற்றியைத் தரட்டும், புதிய உறவுகள் இணைந்து மகிழ்ச்சி தரட்டும், புதிய நம்பிக்கைகள் நம் வாழ்க்கையை அலங்கரிக்கட்டும். பழைய நினைவுகளோடு புதிய தொடக்கம் நிகழட்டும்.

எண்ணங்கள் ஈடேறும் ஆண்டாக இவ்வாண்டு உங்களுக்கு அமையட்டும். இனிய புத்தாண்டு நல்வாழ்த்துகள்.

துன்பங்கள் பனிபோல் விலகி, நம்பிக்கையுடன் வாழ்க்கை தொடர இந்த புத்தாண்டு ஒரு கலங்கரை விளக்கமாக அமையட்டும். இனிய புத்தாண்டு வாழ்த்துகள்.

விரும்பிய அனைத்தும் கிடைத்து, மன நிம்மதியுடனும் மகிழ்ச்சியுடனும் உங்கள் வாழ்வு நிலையாக இருக்க என் இனிய புத்தாண்டு வாழ்த்துகள்.