தொற்றுநோய் உலகை உலுக்கியுள்ளதுடன், நம்மைப் பராமரிக்கும் முறையையும், குறிப்பாக ஆரோக்கியம் மற்றும் வாழ்க்கை முறை பழக்கங்களையும் மாற்றியுள்ளது. கொரோனா நோய்த்தொற்றுக்கு அனைவருமே ஆளாகக்கூடிய வாய்ப்பு உள்ளது. குறிப்பாக வாழ்க்கை முறை நோய்கள் உள்ளவர்களுக்கு இது மிகவும் திகிலூட்டும், ஏனெனில் அவர்கள் கடுமையான சிக்கல்களுக்கு அதிக ஆபத்தில் உள்ளனர்.
“எனவே, நீரிழிவு நோய் இல்லாதவர்களை ஒப்பிடுகையில் நீரிழிவு நோயால் பாதிக்கப்பட்டவர்கள் கொரோனாவில் மோசமான பாதிப்புகளுக்கு ஆளாகிறார்கள். எனவே, நீரிழிவு நோயாளிகள் கொரோனாவுக்கு எதிராக தங்களைக் காத்துக் கொள்ள கூடுதல் முன்னெச்சரிக்கை நடவடிக்கைகளை எடுக்க வேண்டியது அவசியம், ”என்று லைவ் ஆல்ட்லைஃப் தலைமை நிர்வாக அதிகாரி மற்றும் நிறுவனர் விவேக் சுப்ரமணியம் கூறினார்.
நீரிழிவு நோயாளிகள் எடுக்கக்கூடிய முதல் 10 முன்னெச்சரிக்கை நடவடிக்கைகள் இங்கே:
சுவாச பயிற்சிகள்
நுரையீரல் திறனை மேம்படுத்துவதற்கும் விரிவுபடுத்துவதற்கும் ஆக்ஸிஜன் அளவை உயர்வாகவும் சீராகவும் வைத்திருக்க சுவாச பயிற்சிகள் மிகவும் முக்கியம்.
வாய் கொப்பளித்தல் மற்றும் எண்ணெய் இழுத்தல்
வாய் கொப்பளிப்பது கிருமிகளைக் கொல்ல உதவுகிறது, மற்றும் வெறும் வயிற்றில் எண்ணெய் இழுப்பது வாய்வழி குழியை சுத்தப்படுத்த உதவும். அதிக முறை வாய் கொப்பளிக்காமல் பார்த்துக் கொள்ள வேண்டும். இது வாரத்திற்கு 3-4 முறை செய்தால் போதும்.
வழக்கமான மருந்துகள்
நீரிழிவு நோயாளிகள், மருந்துகளை உட்கொண்டால், இரத்த சர்க்கரை அளவுகள் ஏற்றுக்கொள்ளப்பட்ட அளவைத் தாண்டுவதைத் தவிர்ப்பதற்கு அவற்றை தவறாமல் வழங்க வேண்டும். உயர் இரத்த சர்க்கரை அளவு பாதிக்கப்பட்டால் கொரோனா முன்கணிப்பு மோசமடைய வழிவகுக்கும்.
கடுமையான சர்க்கரை கட்டுப்பாடு
நோய் தடுப்பு விஷயத்தில் ஊட்டச்சத்து முக்கிய பங்கு வகிக்கிறது. இரத்த குளுக்கோஸைக் குறைக்கவும் ஆற்றலைப் பராமரிக்கவும் குறைந்த கார்போஹைட்ரேட் மற்றும் அதிக கொழுப்புள்ள உணவை உட்கொள்ளுங்கள். புரத உட்கொள்ளலைக் குறைத்து மிதமாக வைத்திருங்கள். தினசரி 8-10 மணி நேர உணவு உட்கொள்ளலை முயற்சிக்கவும் மற்றும் மீதமுள்ள மணிநேரங்களுக்கு உண்ணாமல் இருக்கவும். இது குளுக்கோஸ் அளவை கட்டுப்படுத்தவும், உடலில் நீரிழிவு நோயை கட்டுப்படுத்தவும் உதவுகிறது.
புதிய காய்கறிகள் மற்றும் பழங்கள்
அத்தியாவசிய வைட்டமின்கள் மற்றும் தாதுக்களை நிரப்ப பல்வேறு புதிய பழங்கள் மற்றும் காய்கறிகளை உணவின் முக்கிய பகுதியாக உட்கொள்ளுங்கள். ஆப்பிள், தர்பூசணி, திராட்சைப்பழம், அன்னாசிப்பழம், பப்பாளி, வாழைப்பழம், பச்சை இலை காய்கறிகள், மிளகுத்தூள், ஸ்குவாஷ், தக்காளி, வெங்காயம், பூண்டு, உள்ளிட்ட அனைத்து காய்கறிகளையும் எடுத்துக் கொள்ளுங்கள்.
சப்ளிமெண்ட்ஸ் அல்லது துணை மருந்துகள்
உங்கள் பொது மருத்துவரிடம் கலந்தாலோசித்து வைட்டமின் சி, டி மற்றும் ஏ ஆகியவற்றை துத்தநாகத்துடன் உங்கள் உணவில் சேர்த்து நோய் எதிர்ப்பு சக்தியை அதிகரிக்க செய்யுங்கள், ஆனால் நீண்ட நாட்களுக்கு தொடர வேண்டாம்.
SpO2 (ஒரு நாளைக்கு இரண்டு முறை) மானிட்டர்
இரத்த ஆக்ஸிஜன் அளவை அளவிடுவது மிகவும் முக்கியம், 95 சதவிகிதத்திற்கும் குறைவான ஆக்ஸிஜன் செறிவூட்டல் காண்பது நோய்த்தொற்றின் ஆரம்ப எச்சரிக்கை அறிகுறியாக இருக்கலாம்.
அறிகுறிகளை முன்கூட்டியே கண்டறிதல் மற்றும் விரைவான சிகிச்சை
லேசான காய்ச்சல், தொண்டை புண், சோர்வு, சுவாசிப்பதில் சிரமம் போன்ற அறிகுறிகளைக் கவனித்தால் உடனடியாக மருத்துவ ஆலோசனை பெறவும்.
நல்ல வாழ்க்கை முறை பழக்கம்
நீரேற்றமாக இருக்க ஒவ்வொரு மணி நேரமும் தண்ணீரை முயற்சி செய்து உட்கொள்ளுங்கள். சரியான நேரத்திற்கு மற்றும் சரியான கால அளவில் தூக்கம் அவசியம். தினமும் 6 முதல் 8 மணி நேரம். தியானம் மற்றும் உடல் செயல்பாடுகளுக்கு நேரத்தை ஒதுக்க முயற்சி செய்து, இரத்த ஓட்டத்தை மேம்படுத்தவும்.
சமூக இடைவெளியை கடைப்பிடிக்கவும்
கொரோனா வழிகாட்டுதல்களைப் பின்பற்றவும், வைரஸுடன் தொடர்பு கொள்வதிலிருந்து உங்களைப் பாதுகாத்துக் கொள்ளவும். மேலும், வீட்டில் யாராவது உடல்நிலை சரியில்லாமல் இருந்தால், பாதுகாப்பாக இருக்க சமூக இடைவெளியை கடைப்பிடிக்கவும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
