scorecardresearch

உடையக்கூடிய நகங்கள்.. ஊட்டச்சத்து நிபுணர் சொல்லும் காரணங்கள் என்ன?

உங்கள் நகங்கள் அவற்றின் நிறம், பொலிவு மற்றும் தொனியை இழந்தால், அவை சிறந்த ஆரோக்கியத்துடன் இல்லை.

உடையக்கூடிய நகங்கள்.. ஊட்டச்சத்து நிபுணர் சொல்லும் காரணங்கள் என்ன?
Brittleness nails reasons

நாம் அனைவரும் நம் தோல் மற்றும் முடிக்கு சிறப்பு கவனம் செலுத்துகிறோம், ஆனால் நம் நகங்கள், பெரும்பாலும், அவ்வளவு அன்பையும் கவனிப்பையும் பெறுவதில்லை.

உங்கள் தலைமுடியைப் போலவே, உங்கள் விரல் நகங்களும் கெரட்டினால் ஆனவை மற்றும் போதுமான ஊட்டச்சத்து வழங்கப்படாவிட்டால் உடையக்கூடியதாகவும், மந்தமாகவும், உலர்ந்ததாகவும் மாறும் என்று ஊட்டச்சத்து நிபுணர் அஞ்சலி முகர்ஜி கூறுகிறார்.

எனவே, உங்கள் நகங்கள் அவற்றின் நிறம், பொலிவு மற்றும் தொனியை இழந்தால், அவை சிறந்த ஆரோக்கியத்துடன் இல்லை. “பல பெண்கள் தங்கள் நகங்கள் மிகவும் உடையக்கூடியதாகவும், எளிதில் விரிசல் ஏற்படுவதாகவும் அடிக்கடி புகார் கூறுவதைக் கேட்கலாம்.

பிரச்சனை மிகவும் எளிமையானதாகத் தோன்றினாலும், பல அடிப்படை காரணங்கள் உள்ளன,” என்று கூறிய ஊட்டச்சத்து நிபுணர் ஆரோக்கியமான நகங்களின் அறிகுறிகளைப் பகிர்ந்து கொண்டார்.

*ஆரோக்கியமான நகங்கள் வழக்கமான இளஞ்சிவப்பு நிறத்தில் இருக்க வேண்டும்.

*அவை நடுவில் சற்று உயர்ந்து, பின் நுனியில் சற்று கீழே வளைந்திருக்கும்.

* சில நேரங்களில் அவை நிறம், அமைப்பு மற்றும் வடிவத்தை மாற்றலாம், இது ஊட்டச்சத்து குறைபாடு, தொற்று அல்லது அடிப்படை உடல்நலப் பிரச்சினையைக் குறிக்கிறது.

“செயல்படாத தைராய்டு பெரும்பாலும் உடையக்கூடிய நகங்களுடன் தொடர்புடையது. கால்சியம் மற்றும் புரதம் இல்லாத உணவு’ நகங்கள் வலிமை இல்லாததால் எளிதில் உடைந்து அல்லது வெடிப்பு வரச் செய்கிறது,” என்று முகர்ஜி விளக்கினார்.

உடையக்கூடிய நகங்களைத் தவிர்க்க, ஊட்டச்சத்து நிபுணர் இரும்புச் சத்து நிறைந்த உணவுகளை (வெந்தயம், ராகி, மீன் மற்றும் பெரும்பாலான இலைக் காய்கறிகள்) உட்கொள்ளவும், பயோட்டின் சப்ளிமெண்ட்ஸ் மற்றும் முட்டைகளை உட்கொள்ளவும் பரிந்துரைத்தார்.

கூடுதலாக, உடையக்கூடிய தன்மையை மோசமாக்குவதால், கைகளை அதிக நேரம் ஈரமாக வைத்திருப்பதைத் தவிர்க்க முயற்சிக்க வேண்டும். “பச்சை இலை காய்கறிகள், பால் பொருட்கள், எள் அல்லது தினசரி கால்சியம் சப்ளிமெண்ட் மூலம் கால்சியம் உட்கொள்ளலை அதிகரிக்கலாம்” என்று அவர் பரிந்துரைத்தார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Lifestyle news download Indian Express Tamil App.

Web Title: Health tips in tamil brittleness nails reasons