ஆப்பிள், டிரை ஃப்ரூட்ஸ் மற்றும் உலர் பிளம்ஸ் உங்கள் கேஜெட்டுகளுக்கு அடுத்ததாக வேலைக்கு எடுத்துச் செல்ல வேண்டிய அத்தியாவசியப் பொருட்கள் என்கிறார் பிரபல ஊட்டச்சத்து நிபுணர் ரியான் பெர்னாண்டோ,
ஆனால் இந்த மூன்றும் சரியாக எப்படி நம் உடல் சிறப்பாக செயல்பட உதவுகிறது?
ஆப்பிள், டிரை ஃப்ரூட்ஸ் உலர் பிளம்ஸ் ஆகியவற்றை பணியிடத்திற்கு எடுத்துச் செல்வது ஆரோக்கியமான பழக்கம். சமோசா, கட்லெட், பர்கர் போன்றவற்றை மாற்றினால் போதும். இதுபோன்ற இயற்கை உணவுகள் உங்கள் மேஜையில் இருந்தால், உங்கள் மொத்த கலோரி எண்ணிக்கையை அதிகரிக்கலாம்.
உதாரணமாக ஐந்து உலர் பிளம்ஸ், உங்கள் மொத்த உட்கொள்ளலில் 100 கலோரிகளை சேர்க்கலாம். நீங்கள் வறுத்த அல்லது அனைத்து பேக்டு தின்பண்டங்களையும் இயற்கையான பழங்கள், நட்ஸ் மற்றும் உலர்ந்த பழங்களுடன் மாற்றினால், அது மிகவும் அர்த்தமுள்ளதாக இருக்கும், என்று டாக்டர் பிஜு கே.எஸ் கூறினார். (Chief Medical Officer, Vieroots)
இதில் ஊட்டச்சத்துக்கள் அதிக நார்ச்சத்து உடன் சர்க்கரை மற்றும் உப்பு குறைவாக உள்ளன. அவை இன்னும் நியாயமான கலோரி எண்ணிக்கையைக் கொண்டுள்ளன, இது அலுவலகத்தில் அந்த ஆற்றலை அதிகரிக்கத் தேவைப்படுகிறது.
எவ்வளவு உட்கொள்ள வேண்டும்?
![dry fruits prunes](https://img-cdn.thepublive.com/filters:format(webp)/indian-express-tamil/media/media_files/QhcXMSadfe737VbJk2An.jpg)
ஆப்பிளைப் பொறுத்தவரை, ஒரு நாளைக்கு ஒரு நடுத்தர அளவிலான ஆப்பிளுக்கு மேல் எடுக்க வேண்டாம், உலர் பிளம்ஸ் அல்லது அத்திப்பழங்கள் போன்ற உலர்ந்த பழங்களில் ஐந்துக்கு மேல் எடுக்கக்கூடாது என்று பிஜு பரிந்துரைத்தார்.
பாதாம், காய்ந்த திராட்சை, பூசணி விதைகள் போன்ற நட்ஸ் மற்றும் விதைகள் ஒரு கையளவு இருக்க வேண்டும்.
ஒரு ஆப்பிள், ஐந்து உலர் பிளம்ஸ், ஒரு சில பாதாம் மற்றும் திராட்சைகள் கொண்ட ஒரு நாள் வழக்கமான சிற்றுண்டி, வைட்டமின் ஏ, பி காம்ப்ளக்ஸ், சி, ஈ, கே, இரும்பு, மாங்கனீசு, மெக்னீசியம், பொட்டாசியம், தாமிரம் மற்றும் பல்வேறு ஆக்ஸிஜனேற்றங்கள் அடங்கிய உயர் சக்தி ஊட்டச்சத்தை உங்களுக்கு வழங்கும்.
அவை நார்ச்சத்து நிறைந்தவை என்பதால், பயனுள்ள ப்ரீபயாடிக்குகளாகவும் உள்ளன, இவை உங்கள் குடல் நுண்ணுயிரிக்கு ஆரோக்கியமானது.
இதனால் உங்கள் மூளை சக்தி, மற்றும் மன ஆற்றலுக்கு ஆரோக்கியமானது. இது உங்கள் பணியிட திறன் மற்றும் உற்பத்தித்திறனை மேம்படுத்த உதவுகிறது.
இந்த தின்பண்டங்கள் பொதுவாக பெரும்பாலான மக்களுக்கு ஆரோக்கியமானவை, இருப்பினும் நீரிழிவு நோயாளிகள் மற்றும் ஏற்கனவே அதிக எடை கொண்டவர்கள் இந்த பரிந்துரைக்கப்பட்ட அளவின் பாதிக்கு தங்கள் உட்கொள்ளலை குறைக்க வேண்டும்.
இருப்பினும், அதிகபட்ச குடல் நுண்ணுயிர் நன்மைகளுக்கு, உங்கள் இயற்கையான தின்பண்டங்களை சுழற்சியில் மாற்றுவது முக்கியம், இதனால் ஒரு வாரத்தில் நீங்கள் சுமார் 25 வகையான பழங்கள், காய்கறிகள், நட்ஸ் மற்றும் உலர் பழங்களை உட்கொள்கிறீர்கள், என்று பிஜூ கூறினார்.
Read in English: Celebrity nutritionist suggests carrying these 3 foods to work; but how do they help us?
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“