குதிங்கால் வலியால் கால் கீழே வைக்க முடியலையா?இந்த இலையை இப்படி சூடு செய்து ஒத்தடம் கொடுங்க; டாக்டர் விஜி

இன்று குதிகால் வலி என்பது பலருக்கும் ஒரு பொதுவான பிரச்சனையாக உள்ளது. காலையில் எழுந்தவுடன் படுக்கையை விட்டு இறங்கும்போது தாங்க முடியாத குதிகால் வலியால் அவதிப்படுபவர்கள் பலர். சில சமயங்களில் கால் தரையில் வைக்க முடியாத அளவுக்கு கூட வலி இருக்கும். இந்த குதிகால் வலியை சரி செய்ய ஒரு எளிய வீட்டு வைத்தியம் உள்ளது. அதைப் பற்றி இங்கே காணலாம்.

 
தேவையான பொருட்கள்

ஒரு செங்கல்
பத்து எருக்க இலைகள்

செய்முறை

முதலில், ஒரு செங்கலை எடுத்து அடுப்பில் வைத்து நன்கு சூடுபடுத்தவும். செங்கல் நன்கு சிவக்க சூடானதும் அதை எடுத்து ஒரு பாதுகாப்பான இடத்தில் வைக்கவும்.

இப்போது, பத்து எருக்க இலைகளை எடுத்து, சூடாக்கிய செங்கலின் மீது அடுக்கவும். செங்கலின் சூட்டினால் எருக்க இலைகள் இளஞ்சூடாக மாறும். இலைகளில் இருந்து ஒருவித கதகதப்பான உணர்வு வெளிப்படும்.

எருக்க இலைகள் இளஞ்சூடாக இருக்கும் இந்த நேரத்தில், உங்கள் குதிகாலை அந்த இலைகளின் மீது வைத்து ஐந்து நிமிடங்கள் அழுத்தம் கொடுக்கவும். உங்கள் காலின் எடையை இலைகளின் மீது நன்கு அழுத்தி வைக்கலாம்.

இந்த செயல்முறையை தினமும் ஒரு முறை, தொடர்ந்து ஏழு நாட்களுக்கு செய்யவும்.

பலன்கள்

இந்த எளிய வைத்தியம் குதிகால் வலியில் இருந்து நல்ல நிவாரணம் அளிக்கும். தொடர்ந்து ஏழு நாட்கள் இதைச் செய்வதன் மூலம் வலியின் தீவிரம் குறைந்து, கால்களை தரையில் வைப்பதில் உள்ள சிரமம் நீங்கும்.