அழுக்கான கால்மிதியை கஷ்டப்பட்டு துவைக்க வேண்டாம்; இந்த ஈஸி டிரிக் டிரை பண்ணுங்க!

வீட்டு வேலைகளும் சமையலும் ஒரு கலை! அவற்றைச் செய்வதில் சில நேரங்களில் ஏற்படும் சின்னச் சின்ன சிரமங்களை இந்த அருமையான குறிப்புகள் மூலம் எளிதாக்கி, நேரத்தையும் உழைப்பையும் மிச்சப்படுத்தலாம். நமது அன்றாட வாழ்க்கையில் மிகவும் பயனுள்ள இந்த ரகசியங்களை இங்கே காண்போம்.

டோர் மேட் எளிமையாகச் சுத்தம் செய்ய: 

அழுக்கு நிறைந்த டோர் மேட்களை தேய்த்துச் சுத்தம் செய்ய கஷ்டப்பட வேண்டாம். ஒரு பக்கெட் தண்ணீரில், உப்பு, டெட்டால் சேர்த்து அதில்  மேட்களை 10 முதல் 15 நிமிடங்கள் ஊறவையுங்கள். அழுக்கு தானாகவே நீங்கி, புதிதுபோல் மின்னுவதைப் பார்க்கலாம்.

வீட்டிலேயே ஏர் ஃப்ரெஷனர்: 

கடைகளில் அதிக செலவு செய்து ஏர் ஃப்ரெஷனர்களை வாங்க வேண்டியதில்லை. ஒரு சிறிய டப்பாவில், பேக்கிங் சோடா மற்றும் கம்ஃபர்ட் அல்லது கலந்து, அதன் மூடியில் சில துளைகளைப் போடுங்கள். இதனை கழிவறையில் வைத்தால், வீடு முழுவதும் நறுமணம் பரவும்.

பச்சை மிளகாய் எரிச்சலைத் தடுக்க: 

காரமான பச்சை மிளகாயை நறுக்கும்போது கைகளில் ஏற்படும் எரிச்சல் பலருக்கும் ஒரு பெரிய பிரச்சனை. இதைத் தவிர்க்க, மிளகாயை வெட்டுவதற்கு முன், கைகளில் சிறிது எண்ணெய் தேய்த்தால் எரிச்சல் ஏற்படாது.

சமையலறை சிக்கல்களுக்கு எளிமையான தீர்வுகள்

கடுகு வெடிக்காமல் இருக்க: 

கடுகு தாளிக்கும்போது அது வெடித்துச் சிதறிச் சுவரை அசிங்கப்படுத்தும். இதைத் தவிர்க்க, எண்ணெய்யில் கடுகு சேர்ப்பதற்கு முன், ஒரு சிட்டிகை மஞ்சள் தூள் சேர்த்தால், கடுகு வெடிக்காமல் அழகாகப் பொரிந்து வரும்.

முட்டையை விரைவாக வேகவைக்க: 

அவசர சமையலுக்கு முட்டைகளை விரைவாக வேகவைக்க, பிரஷர் குக்கரில் வைத்து, முட்டை மூழ்கும் அளவுக்கு நீர் சேர்த்து, சிறிது உப்பு போட்டு இரண்டு விசில் வரும் வரை வேகவைக்கவும். முட்டைகள் உடையாமல் அழகாக வெந்து கிடைக்கும்.

வெங்காயம் அழுகிப் போகாமல் இருக்க: 

வெங்காயம் சீக்கிரத்தில் அழுகிப் போகாமல் இருக்க, தோசைக்கல்லில் சமைத்த பிறகு அதன் சூட்டில், வெங்காயத்தை வேர்பக்கம் கீழே இருக்கும்படி 5 நிமிடங்கள் வைத்திருங்கள். வெங்காயத்தில் உள்ள ஈரப்பதம் நீங்கி நீண்ட நாட்களுக்குக் கெடாமல் இருக்கும்.

மிக்ஸியில் மென்மையான இட்லி மாவு: 

மிக்ஸியில் அரைக்கும் மாவில் பஞ்சுபோன்ற இட்லி வேண்டுமென்றால், அரிசி மற்றும் உளுந்துடன், பொன்னிறமான மெல்லிய அவலை 10-15 நிமிடங்கள் ஊறவைத்து அரைத்து இட்லி சுடுங்கள். இட்லி மிகவும் மென்மையாகவும், சுவையாகவும் இருக்கும்.

அப்பளங்கள் மொறுமொறுப்பாக இருக்க: 

அப்பளங்கள் ஈரம் பட்டு நமுத்துப்போகாமல் இருக்க, ஒரு மூடி போட்ட டப்பாவில் சிறிது அரிசி போட்டு அதன் மீது அப்பளங்களை அடுக்கி வையுங்கள். அரிசி ஈரப்பதத்தை உறிஞ்சிக்கொள்வதால், அப்பளங்கள் நீண்ட நாட்களுக்கு மொறுமொறுப்பாக இருக்கும்.

உப்பு கட்டியாவதைத் தடுக்க: 

ஈரப்பதத்தால் உப்பு ஜாடியில் உப்பு கட்டி பிடிப்பது ஒரு பொதுவான சிக்கல். இதைத் தவிர்க்க, உப்பு ஜாடியில் முதலில் சிறிது சோள மாவைப் போட்டு குலுக்கிவிட்டு, அதன் பிறகு உப்பை சேர்த்தால், உப்பு கட்டியாகாமல் இருக்கும்.

ஆப்பிள் பழுப்பு நிறமாக மாறுவதைத் தடுக்க: 

பள்ளிகளுக்கு ஆப்பிள் துண்டுகளை அனுப்பும்போது அவை பழுப்பு நிறமாக மாறாமல் இருக்க, அவற்றை சிறிது உப்பு கலந்த தண்ணீரில் 5 நிமிடங்கள் ஊறவைத்து பேக் செய்யுங்கள். ஆப்பிள் துண்டுகள் நீண்ட நேரம் புதியதாகவும், மொறுமொறுப்பாகவும் இருக்கும்.

இந்தக் குறிப்புகள் உங்கள் சமையல் மற்றும் வீட்டு வேலைகளை மிகவும் சுலபமாக்கும். இந்த எளிமையான மாற்றங்கள் உங்கள் நேரத்தையும், உழைப்பையும் சேமித்து, உங்கள் வாழ்க்கையை மேலும் மகிழ்ச்சியாக்கும்.