லிப்ஸ்டிக்கை தூக்கி வீசுங்க; வீட்டிலேயே இப்படி செய்து யூஸ் பண்ணுங்க… கருத்த உதடு பிங்க் ஆக மாறும்!

உதடுகளில் உள்ள கருமையை நீக்கி, இயற்கையான இளஞ்சிவப்பு நிறத்தைப் பெற உதவும் எளிய வீட்டு வைத்திய முறைகளை இங்குக் காணலாம். இது குழந்தைகளுக்கும் ஏற்ற ஒரு பாதுகாப்பான வழிமுறையாகும்.

பீட்ரூட் லிப் பாம் தயாரிக்கும் முறை

தேவையான பொருட்கள்:

புதிய பீட்ரூட் - 1                                   

பால் - ½ கப்

சுத்தமான நெய் - 1 டீஸ்பூன்

செய்முறை:

ஒரு புதிய பீட்ரூட்டை எடுத்து தோலை சீவி, சிறிய துண்டுகளாக நறுக்கிக் கொள்ளவும்.

நறுக்கிய பீட்ரூட்டை மிக்ஸி ஜாரில் போட்டு, தண்ணீர் சேர்க்காமல் ஒருமுறை அரைக்கவும்.

இதனுடன் ½ கப் பால் சேர்த்து மீண்டும் நன்றாக அரைக்கவும்.

இந்தக் கலவையை டீ வடிகட்டி மூலம் வடிகட்டி சாறு எடுத்துக் கொள்ளவும். சுமார் ½ கப் பீட்ரூட் சாறு கிடைக்கும்.

இந்தச் சாறை ஒரு பாத்திரத்தில் ஊற்றி, அடுப்பில் வைத்து குறைந்த தீயில் ஐந்து நிமிடம் கொதிக்க விடவும்.

பிறகு, ஒரு டீஸ்பூன் சுத்தமான நெய் சேர்த்து நன்றாகக் கலந்து மேலும் ஐந்து நிமிடம் கொதிக்க விடவும்.

கலவை சற்று திக்கானதும் அடுப்பிலிருந்து இறக்கி ஆற விடவும்.

ஆறியதும், ஒரு சிறிய பவுலில் ஊற்றி ஃப்ரீசரில் இரண்டு மணி நேரம் வைக்கவும். இது கெட்டியானதும் பீட்ரூட் லிப் பாம் பயன்படுத்தத் தயாராகிவிடும்.

உதடுகளுக்கான ஸ்க்ரப்

தேவையான பொருட்கள்:

சர்க்கரை - ½ டீஸ்பூன்

மஞ்சள் தூள் - ¼ டீஸ்பூன்

தேன் - ¼ டீஸ்பூன்

செய்முறை:

ஒரு சிறிய கிண்ணத்தில் சர்க்கரை, மஞ்சள் தூள் மற்றும் தேன் மூன்றையும் சேர்த்து நன்றாகக் கலக்கவும்.

இந்தக் கலவையை உங்கள் விரலால் எடுத்து உதடுகளில் மெதுவாகத் தேய்க்கவும். இது உதடுகளில் உள்ள இறந்த செல்களை நீக்க உதவும்.

பீட்ரூட் லிப் பாம் பயன்படுத்துதல்

ஃப்ரீசரில் வைத்த பீட்ரூட் கலவை கெட்டியானதும், அதை எடுத்து உங்கள் உதடுகளில் தடவவும். இதைத் தினமும் பயன்படுத்தலாம். இந்த முறையைப் பயன்படுத்துவதன் மூலம், உங்கள் உதடுகள் இயற்கையாகவே இளஞ்சிவப்பு நிறத்தைப் பெறும். குழந்தைகளுக்கு லிப்ஸ்டிக் போடுவதைத் தவிர்த்து, இந்த இயற்கையான முறையைப் பயன்படுத்துவது மிகவும் நல்லது.