புது செருப்பு கடிக்குதா? இந்த வீட்டு வைத்தியங்கள் உடனே குணப்படுத்தும்!

முதலில், புண்ணுள்ள பகுதியை மிதமான சோப்பு மற்றும் தண்ணீரில் மெதுவாகக் கழுவவும். இது கிருமித்தொற்று ஏற்படுவதைத் தடுக்க உதவும். புது காலணிகள் கடிக்கும் பகுதியில் தேங்காய் எண்ணெய் தடவினால் கால்களில் ஏற்படும் உராய்வு குறையும். மேலும் வலியும் ஏற்படாது. புது செருப்பு உங்கள் காலில் எந்த பகுதியில் கடிக்கிறதோ அந்த இடத்தில் வாஸ்லின் தடவ வேண்டும். இது காலனிக்கும் இடையே ஏற்படும் உராய்வை குறைக்கும். புது செருப்பு கடிக்கும் இடத்தில் ஒரு மெல்லிய உருளைக்கிழங்கு துண்டை நன்றாக தேய்க்க வேண்டும். உருளைக்கிழங்கில் இயற்கையாகவே குளிர்ச்சனை பண்புகள் உள்ளதால் இது காலில் எரிச்சல் மற்றும் வலியை போக்கும்.

புது செருப்பால் பாதிக்கப்பட்ட பாதத்தில் கற்றாழை ஜெல்லை தடவி, சிறிது நேரம் அப்படியே வைத்துவிட்டு பிறகு சாதாரண தண்ணீரில் கழுவ வேண்டும். இதை ஒரு நாளைக்கு 2 அல்லது 3 முறை செய்து வந்தால் நல்ல பலன் கிடைக்கும். கற்றாழை ஜெல்லில் அலர்ஜி எதிர்ப்பு பண்புகள் மற்றும் குணப்படுத்தும் பண்புகள் உள்ளன. இதனால் காலில் கொப்புளங்கள், புண் இருந்தால் விரைவில் குணமாகும்.

ஒரு கைப்பிடி வேப்பிலையை பேஸ்ட் போலாக்கி அதனுடன் மஞ்சள் கலந்து செருப்பு கடித்த இடத்தில் அந்த பேஸ்ட்டை தடவ வேண்டும். நன்கு காய்ந்த பிறகு சாதாரண நீரில் கழுவ வேண்டும். இந்த முறையை தினமும் இரண்டு அல்லது மூன்று முறை செய்து வந்தால் விரைவில் நல்ல பலன் கிடைக்கும். வேப்பிலை மற்றும் மஞ்சள் தொற்று நோயை குணமாக்கும் பண்புகள் உள்ளன. புது செருப்பால் காலில் வலி, வீக்கம் ஏற்பட்டால் ஒரு சுத்தமான துணியில் ஐஸ் கட்டி வைத்து அதை வலியுள்ள இடத்தில் மெதுவாக ஒத்தடம் கொடுக்க வேண்டும். இப்படி நீங்கள் செய்வதன் மூலம் ரத்த நாளங்கள் சுருங்கி வீக்கம் மற்றும் வலி உடனடியாக குறைந்து விடும்.

முக்கிய குறிப்புகள்:

புண் ஆறும்போது, அந்தப் பகுதியை சுத்தமாகவும், உலர்வாகவும் வைத்திருக்க வேண்டும். புண்ணின் மீது ஒரு மென்மையான பேண்டேஜ் (band-aid) போட்டு மூடுவது, மேலும் உராய்வு ஏற்படுவதைத் தடுத்து, புண் விரைவில் ஆற உதவும். பேண்டேஜை தினமும் மாற்றவும். புண் இருக்கும்போது, பழைய செருப்புகளைத் தவிர்த்து, தளர்வான, காற்றோட்டமான செருப்புகளை அணியவும். புண் சிவந்து, வீங்கி, சீழ் பிடித்து, அதிக வலி ஏற்பட்டால், அல்லது காய்ச்சல் போன்ற அறிகுறிகள் தோன்றினால்,உடனடியாக மருத்துவரை அணுகவும். இது கிருமித்தொற்றின் அறிகுறியாக இருக்கலாம். இந்த வீட்டு வைத்தியங்கள் சிறிய புண்களுக்கு மட்டுமே. ஆழமான அல்லது குணமாகாத புண்களுக்கு மருத்துவ ஆலோசனை அவசியம்.