இந்த 2 இலைகள் மட்டும் போதும்... உங்க பொடுகு தொல்லையை போக்க சிம்பிள் தீர்வு

தற்போது நிலவி வரும் காலகட்டத்தில் முடி உதிர்வுக்கு பல காரணங்கள் கூறப்படுகிறது. குறிப்பாக, மன அழுத்தம், அதிக வேலை நேரம், தூக்கமின்மை, உணவு முறை மற்றும் வாழ்க்கை முறை மாற்றம் என்று ஏராளமான காரணங்கள் முடி உதிர்வு பிரச்சனைக்கு கூறப்படுகிறது.

ஆனால், பொடுகு தொல்லை அதிகப்படியான முடி உதிர்வை ஏற்படுத்தும் என வல்லுநர்கள் கூறுகின்றனர். உடலில் உஷ்ணம் அதிகரிக்கும் காரணத்தினால் வறட்சி தன்மை ஏற்பட்டு பொடுகு உருவாகிறது என்று கூறப்படுகிறது. இந்த, பொடுகு தொல்லையை போக்குவதற்கு நிறைய ஷாம்பூக்கள் கடைகளில் கிடைக்கின்றன.

எனினும், இது போன்ற அதிக இரசாயனங்கள் கலந்த ஷாம்பூவை பயன்படுத்தும் போது முடியின் அடர்த்தி குறைகிறது என்றும், ஒவ்வாமை ஏற்படுவதாகவும் சிலர் கூறுகின்றனர். அந்த வகையில், இயற்கையான முறையில் வீட்டில் தயாரிக்கும் ஹேர்பேக் மூலம் பொடுகு தொல்லைக்கு எப்படி தீர்வு காண்பது என பார்ப்போம்.

நம் தலைக்கு தேவையான அளவு கொய்யா இலைகள் மற்றும் துளசி இலைகள் இரண்டையும் எடுத்துக் கொள்ள வேண்டும். இவற்றை நன்றாக கழுவி விட்டு மிக்ஸில் தண்ணீர் சேர்த்து அரைக்க வேண்டும். இவ்வாறு அரைத்த பின்னர் இதன் சாறை மட்டும் வடிகட்டி எடுத்துக் கொள்ள வேண்டும். மறுபுறம், மூன்று ஸ்பூன் கடலை மாவை எடுத்து, முதலில் தயாரித்து வைத்திருந்த சாறுடன் சேர்த்து கலக்க வேண்டும்.

இந்த ஹேர்பேக்கை நம் தலையில் தேய்த்து மசாஜ் செய்ய வேண்டும். அதன் பின்னர் 20 நிமிடங்கள் கழித்து குளித்து விடலாம். இவ்வாறு செய்தால் தலையில் பொடுகு இருந்த இடம் தெரியாமல் போய்விடும். மேலும், இதில் இரசாயனங்கள் எதுவும் சேர்க்காததால் ஒவ்வாமை ஏற்படும் அபாயமும் கிடையாது.

நன்றி - Jegathees Meena Youtube Channel

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.