முகத்தில் கரும்புள்ளி, தழும்புகள் மறைய.. சியா விதைகளுடன் இந்த 2 பொருட்கள் கலந்து ஃபேஸ் பேக்!

அழகாக இருக்க யாருக்குத் தான் பிடிக்காது? அதுவும் குறிப்பாக பெண்கள் அழகாக இருப்பதற்காக முகத்தில் விலையுயர்ந்த பலவிதமான ரீம்கள், சீரம்களை வாங்கி பயன்படுத்துகிறார்கள். இதுதவிர பார்லருக்குச் சென்று முகத்திற்கு பேஷியல் செய்து கொள்கிறார்கள். ஆனால், எந்தவித செலவும் இல்லாமல் வீட்டிலேயே பளபளப்பான முகத்தை பெறலாம். 

உங்கள் முகத்தை பளபளப்பாக்க சியா விதைகளை பல வழிகளில் பயன்படுத்தலாம். பொதுவாக சியா விதைகள் எடையை குறைக்கத் தான் பயன்படுத்திருப்பதை கேள்விப்பட்டிருப்பீர்கள். ஆனால், இந்த சியா விதைகள் நம் முக அழகையும் அதிகரிக்க உதவும் தெரியுமா? அதை பயன்படுத்துவது எப்படி என்று இங்கு பார்க்கலாம். சியா விதைகளில் ஒமேகா-3 கொழுப்பு அமிலங்கள், ஆன்டிஆக்ஸிடன்ட்கள், நார்ச்சத்து மற்றும் வைட்டமின்கள் நிறைந்துள்ளன. இவை சருமத்திற்கு ஈரப்பதத்தை அளித்து, வீக்கத்தைக் குறைத்து, பளபளப்பை அதிகரிக்க உதவுகின்றன. 

பளபளப்பான முகத்தை பெற சியா விதை ஃபேஸ் பேக் போடலாம். இதற்கு 2 ஸ்பூன் சியா விதைகளை இரவு முழுவதும் ஊற வைத்து மறுநாள் காலை தண்ணீரில் இருந்து விதைகளை மட்டும் பிரித்து மையாக அரைக்கவும். அதில், கற்றாழை ஜெல் மற்றும் தயிர் சேர்த்து நன்றாக கலந்து முகத்தில் தடவி சிறிது நேரம் கழித்து முகத்தை கழுவ வேண்டும். இந்த ஃபேஸ் பேக்கை வாரத்திற்கு 2 அல்லது 3 முறை போடலாம். ஆனால் இந்த பேஸ் ஃபேக் போடும் முன் நீங்கள் முதலில் பேஜெஸ்ட் செய்ய வேண்டும் என்பதை நினைவில் வைத்துக் கொள்ளுங்கள்.

நீங்கள் சியா விதைகளை உங்கள் உணவிலும் சேர்த்துக் கொள்ளலாம். சியா விதை தண்ணீரை தினசரி அருந்துவது சரும ஆரோக்கியத்திற்கு மட்டுமல்லாமல், உடலின் ஒட்டுமொத்த நலனையும் மேம்படுத்த உதவும். ஏதேனும் புதிய பொருளை சருமத்தில் பயன்படுத்தும் முன், சிறிய இடத்தில் பேட்ச் டெஸ்ட் (Patch Test) செய்து பார்ப்பது நல்லது.