சமைக்கும் போது பாத்திரம் கருகி விட்டதா? இந்த 5 கிளீனிங் டிப்ஸ் பாருங்க

நாம் அனைவரும் நம் சமையலறைகளில் புதிய உணவுகளை பரிசோதித்து உருவாக்க விரும்புகிறோம். ஆனால் சமைத்த பிறகு அந்த பாத்திரங்களை சுத்தம் செய்வது சில சமயங்களில் ஒரு உண்மையான சவாலாக இருக்கலாம், குறிப்பாக பாத்திரம் கருகும்போது.

உங்கள் பாத்திரங்களை இயற்கையான முறையில் சுத்தம் செய்வதற்கான சில எளிய ஹேக்குகளை நாங்கள் கண்டறிந்துள்ளோம். மேலும் அறிய படிக்கவும்.

கொதிக்கும் நீர்                          

கருகிய பாத்திரத்தை சுத்தம் செய்வதற்கான எளிதான வழிகளில் ஒன்று, பிரச்சனையின் மூலத்திற்குத் திரும்புவதாகும். சுத்தம் செய்யப்படாத அதே பாத்திரத்தில் தண்ணீரை எடுத்து நன்றாக கொதிக்க வைக்கவும். இது கடாயில் ஒட்டியிருக்கும் கடினமான உணவுகளை மென்மையாக்க உதவுகிறது. இப்போது வழக்கமான பாத்திரங்களைக் கழுவும் ஜெல் மூலம் ஸ்க்ரப் செய்து, சிறிது நேரத்தில் சுத்தமான மற்றும் பளபளப்பான பாத்திரத்தைப் பெறுங்கள்.

உப்பு

உப்பு அல்லது சோடியம் குளோரைடு ஒரு நல்ல ஸ்க்ரப்பிங் ஏஜண்டாக அறியப்படுகிறது. எனவே பாத்திரம் கழுவும் ஜெல்லுடன் சிறிது உப்பைத் தூவி, ஸ்க்ரப் செய்து கறையை நீக்கவும். இதனுடன் சிறிது எலுமிச்சை சாறு அல்லது வினிகரை கலந்தால் சிறந்த முடிவுகள் கிடைக்கும்.

பேக்கிங் சோடா

பேக்கிங் சோடா பாத்திரங்களை சுத்தம் செய்ய சரியான முகவராக அமைகிறது. கறை படிந்த பாத்திரத்தில் சிறிது தண்ணீர் மற்றும் பேக்கிங் சோடாவைக் கொதிக்க வைத்து, அதைக் கழுவி, கூடுதல் பேக்கிங் சோடாவுடன் ஸ்க்ரப் செய்தால், சில நிமிடங்களில் சுத்தமான பாத்திரத்தைப் பெறலாம்.

கெட்ச்அப்

உங்களுக்குத் தெரியுமா, உங்களுக்குப் பிடித்த தக்காளி கெட்ச்அப்பும் அந்த கடினமான கறைகளை அகற்ற உதவும். நீங்கள் செய்ய வேண்டியதெல்லாம், கறை படிந்த பகுதியை சிறிது கெட்ச்அப் கொண்டு பூசவும், 10-20 நிமிடங்களுக்குப் பிறகு துடைக்கவும்.

வேகவைத்த எலுமிச்சை

எலுமிச்சை நீண்ட காலமாக கறைகள் மற்றும் நாற்றங்களை நீக்குவதில் புகழ் பெற்றது. நீங்கள் செய்ய வேண்டியதெல்லாம், உணவுத் துகள்கள் மேற்பரப்பில் மிதக்கும் வரை கறை படிந்த பாத்திரத்தில் போதுமான எலுமிச்சையை வேகவைக்கவும். பிறகு அதை வழக்கமான பாத்திரங்கழுவும் ஜெல் கொண்டு தேய்த்து கழுவி எடுக்கவும்.

என்ன இந்த குறிப்புகள் எல்லாம் மிகவும் எளிதாக இருக்கிறதா? அடுத்தமுறை உங்கள் பாத்திரம் கருகிவிட்டால் இதிலிருக்கும் குறிப்புகளை பயன்படுத்தி ஈஸியாக உங்கள் பாத்திரங்களை சுத்தம் செய்யுங்கள்!

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“