மணிக் கணக்கா ஊற வைக்க வேணாம்... வெள்ளை டிரஸ் நிமிசத்துல பளீச்; இத ட்ரை பண்ணுங்க!

நம் வீட்டு வேலைகளில் பெரிய வேலை என்பது துணி துவைப்பது தான். துணி துவைப்பது உடற்பயிற்சி செய்வதற்கு சமம் என்று கூறினாலும் அதிகப்படியான துணிகளை துவைப்பதால் முதுகு வலி, மூட்டு வலி, கால் வலி போன்ற நோய்கள் வரலாம். சிலருக்கு துணி துவைக்கும் சோப்புகள் ஒத்துக் கொள்ளாமல் கைகளில் அரிப்பு, புண்கள் வரும் அபாயமும் உள்ளது.

துணி துவைப்பதில் இருந்து விடுதலை பெற வேண்டும் என்று தான் பலர் வாஷிங் மெஷின் பயன்படுத்துகின்றனர். ஆனால், வாஷிங் மெஷினில் போட்டாலும் சில துணிகளில் அழுக்குகள் போவதில்லை. அது வேறு எதுவும் இல்லை வெள்ளை நிற துணிகள் தான். வெள்ளை நிற துணிகளில் உள்ள அழுக்குகள் நம் கையால் துவைத்தாலும், வாஷிங் மெஷினில் போட்டாலும் என்னதான் செய்தாலும் போவதில்லை. 

அதிலும், பள்ளிக் குழந்தைகளின் வெள்ளை நிற சீருடையை தாய்மார்கள் துவைப்பதற்கு படும் பாடு பெரும்பாடாக இருக்கும். இப்படி அதிக கவலையை ஏற்படுத்தும் வெள்ளை நிற துணிகளை எப்படி ஈஸியாக துவைக்கலாம் என்று பார்க்கலாம். 

சிம்பிள் டிப்ஸ்

ஒரு பக்கெட்டில் தண்ணீர் எடுத்துக் கொள்ளவும். இதில், ஆலா லிக்யூடை சிறிதளவு சேர்த்து வெள்ளை நிற துணிகள், ஷாக்குகள் மற்றும் கறை படிந்த வெள்ளை நிற துணிகளை நனைத்து வைக்கவும். பத்து நிமிடங்களுக்கு பிறகு அந்த துணிகளை எடுத்து பார்த்தால் அதில் இருக்கும் கறைகள் அப்படியே போய்விடும்.

View this post on Instagram

A post shared by gomathy (@gomus.lifestyle)

இந்த துணிகளை துவைக்க நீங்கள் பிரஸ், சோப்பு என்று எதையும் பயன்படுத்த வேண்டாம். வெறும் கைகளாலே இந்த துணிகளை கசக்கி எடுத்தல் போதும். துணிகள் பளிச்சென்று மாறிவிடும். இனி வெள்ளை நிற துணிகளை மணிக்கணக்கில் ஊற வைத்து துவைக்க வேண்டும் என்ற அவசியம் இல்லை. ஆலா லிக்யூட் மூலம் கஷ்டமில்லாமல் நிமிடத்தில் துவைத்துவிடலாம்.