எந்த மருந்தும் வேணாம்... 14 நாளில் சுகர் கண்ட்ரோல்; டாக்டர் சொன்ன டிப்ஸ்!

இப்போது அதிகரித்து வரும் நீரிழிவு நோய் (டைபட்டீஸ்) மிகுந்த கவலையைக் கிளப்புகிறது. அனைத்து வயதினரிலும் இது காணப்படுகிறது. ஆனால், சரியான வாழ்க்கைமுறை மாற்றங்கள் மற்றும் மருத்துவர் பரிந்துரைக்கும் வழிமுறைகளை பின்பற்றுவதன் மூலம் இரத்த சர்க்கரையை சீராக வைத்திருக்க முடியும் என மருத்துவர்கள் வலியுறுத்துகின்றனர்.

டைப் 2 டயாபடிஸ் என்னும் சர்க்கரை நோய் உள்ள நிலையில் அதை கட்டுப்படுத்துவதில் சிக்கல் இருக்கலாம். இதை கட்டுபடுத்த முதலில் நீங்கள் என்ன மாதிரியான உணவுகளை எடுத்துகொண்டீர்கள். என்ன சாப்பிட்டீர்கள், என்ன குடித்தீர்கள் போன்றவற்றை குறித்து வையுங்கள். தினசரி இரத்த சர்க்கரை கண்காணிப்பு இரத்த சர்க்கரை அளவை கண்கணிக்க உதவும் அதன் மூலம் இதை கட்டுபடுத்த செய்யலாம். அதனோடு உங்கள் இரத்த சர்க்கரை அளவை கட்டுப்படுத்தும் விஷயங்கள் என்ன என்பதையும் இங்கு பார்க்கலாம்.

உடற்பயிற்சி: உடல் செயல்பாடு இரத்த சர்க்கரை அளவை உறுதிப்படுத்தும். வாரத்தில் 3 முதல் 4 முறை உடற்பயிற்சி செய்வது உடல் இன்சுலினை செயலாக்க உதவுகிறது. மேலும் இது மனநிலை மாற்றத்தையும் அதிகரிக்கிறது. இது சர்க்கரையை கட்டுப்படுத்துவதோடு உடல் ரீதியாக சுறுசுறுப்பாக இருப்பது இதயத்தை வலுப்படுத்தவும் செய்கிறது.

மன அழுத்தம்: மன அழுத்தம் உடல் மற்றும் உணர்ச்சி நல்வாழ்வை பெரிதும் பாதிக்கலாம். மன அழுத்தத்துக்கு ஆளாகும் போது உடல் இன்சுலின் வெளியிடுவது தடைபடும். இதனால் போதுமான ஆற்றல் வெளியிடாது. அப்போது அதிகப்படியான சர்க்கரை மற்றும் கொழுப்பு தானாகவே சேமித்து வைக்கும். டைப்2 சர்க்கரை நோயாளி மட்டும் அல்ல டைப் 1 சர்க்கரை நோயாளிகள் கூட மன அழுத்தம் உணரும் போதெல்லாம். அவர்களது இரத்த சர்க்கரை அளவுகளில் ஏற்ற இறக்கங்கள் இருப்பதாக ஆய்வுகள் தெரிவிக்கின்றன.

உணவு முறை: சர்க்கரை நோயாளிகள் சர்க்கரை, பாஸ்தா மற்றும் கார்போஹைட்ரேட்டுகளை அதிகமாக உட்கொள்வது ஆரோக்கியமற்ற உணவுபழக்கம். அதனால் ருசியான உணவுகள் மறுக்க வேண்டும் என்பதில்லை. கலோரி உட்கொள்ளலை கண்காணித்தல் மற்றும் நன்கு சமநிலையான உணவை பின்பற்றுதல் உடல் நல சிக்கல்களை தவிர்க்க உதவும். இரத்த சர்க்கரை அளவை கட்டுப்படுத்தும் உணவுகள், பழங்கள், விதைகள் , கொட்டைகள், குறைந்த கிளைசெமிக் உணவுகள், அதிக புரதங்கள், குறைந்த கார்போஹைட்ரேட்டுகள் போன்றவற்றை சேர்க்கலாம். உங்களுக்கேற்ற சரியான உணவு முறையை திட்டமிட ஊட்டச்சத்து நிபுணரை அணுகுவது பாதுகாப்பானது.

குளுக்கோஸ் கண்காணிப்பு: இரத்த குளுக்கோஸ் கண்காணிப்பு எப்போதும் கையிருப்பில் வைத்திருங்கள். இதை பயன்படுத்துவது எளிதானது. மற்றொரு நபரின் உதவியின்றி இதை பயன்படுத்த முடியும். நாள் முழுவதும் இரத்த சர்க்கரை அளவை கண்காணிக்கும் கருவிகளும் இப்போது கிடைக்கிறது. உங்கள் உணவு திட்டத்தை மாற்றி அமைத்து கொள்ள இவை உங்களுக்கு உதவும். மேலும் சீரான இடைவெளியில் சர்க்கரை அளவு அதிகரித்தாலும் குறைந்தாலும் உடனடியாக சிகிச்சை செய்ய முடியும்.

புகைபிடிப்பதை தவிர்க்கவும்: சர்க்கரை நோயாளிகளுக்கு இயல்பாகவே இதய நோய், கண் நோய், பக்கவாதம், சிறுநீரக நோய், இரத்த நாள நோய், நரம்பு பாதிப்பு மற்றும் பாத பிரச்சனைகள் போன்ற பாதிப்புகள் உண்டாகும் அபாயம் அதிகம். இந்நிலையில் சர்க்கரையை கட்டுக்குள் வைக்காமல் புகைப்பழக்கமும் கொண்டிருந்தால் இந்த பிரச்சனைகள் வருவதற்கான வாய்ப்புகள் இன்னும் அதிகரிக்கலாம். புகைப்பழக்கம் கொண்டிருந்தால் அதை தவிர்ப்பது மட்டுமே நன்மை பயக்கும்.

மது தவிர்க்கவும்: அதிகப்படியான மது அருந்துதல் இரத்த சர்க்கரை அளவுகளில் முறைகேடுகளை ஏற்படுத்தும். ஆல்கஹால் கல்லீரல் ஆரோக்கிய குறைபாட்டில் கவனம் செலுத்துகிறது. குறிப்பாக சோடா மற்றும் பிற இனிப்புகள் கலந்த பானங்கள் கல்லீரலுக்கு அதிக சுமையை கொடுக்கலாம். கல்லீரல் ஒரே நேரத்தில் இரண்டு பணிகளை செய்யும் போது சிரமம் ஏற்பட்டு நோய் தாக்கும் அபாயத்தையும் உண்டு செய்யலாம்.

அதிக கொழுப்புள்ள உணவுகளை தவிர்க்கவும்: அதிக கொழுப்புள்ள அனைத்து உணவுகளையும் தவிர்ப்பது நல்லது. கொழுப்பு மிதமாக இருந்தால் நல்லது. நிறைவுற்ற கொழுப்புகள் கட்டுப்படுத்த வேண்டும் மற்றும் ட்ரான்ஸ் கொழுப்புகள் முற்றிலும் தவிர்க்க வேண்டும். மோனோசாச்சுரேட்டட் மற்றும் பாலிஅன்சாச்சுரேட்டட் கொழுப்புகள் ஆரோக்கியமானவை. சில உயர் கொழுப்பு உணவுகள் நீரிழிவு நோயாளிகளுக்கு நன்மை செய்ய கூடியவை. அதிக கார்போஹைட்ரேட் உணவுகளுடன் கொட்டைகள் சாப்பிடுவது இரத்தத்தில் உள்ள சர்க்கரையின் அளவு கூர்மையாக அதிகரிப்பதை தடுக்கலாம்.