How to deal with a hating mother in law Tamil News : வருத்தமாக இருந்தாலும் உங்கள் மாமியார் உங்களை வெறுப்பது எப்போதும் உங்கள் கட்டுப்பாட்டில் இருக்காது. உங்கள் மன அமைதியை அழித்து, உங்கள் திருமணத்தை பாதிக்கும் என்று நீங்கள் நினைக்கும் சில வேலைகளை அவர் செய்திருந்தால், உங்களுக்காக உண்மையிலேயே அவர் என்ன நினைக்கிறார் என்பதை நீங்கள் தெரிந்து கொள்ள வேண்டும். இது தற்காலிகமானதா அல்லது வெறுப்புதான் அவரிடம் உருவாகிறதா? என்பதை அறிந்துகொள்வது அவசியம். இந்த அறிகுறிகளுடன் நீங்கள் தொடர்பு கொள்ள முடிந்தால், உங்கள் மாமியார் உங்களை வெறுக்கிறாரா என்பது உங்களுக்குத் தெரியும்.
சிலர் உண்மையிலேயே தீயவர்களாக இருப்பார்கள். மற்றும் அவர்கள் தலையில் அதிக கெட்ட எண்ணங்கள் இருக்கும்போது, உங்களைப் பாராட்டும் தருணங்கள் வந்தால் அவர்களால் தங்களைத் தவிர்க்கவும் முடியாது. அந்த பின்தங்கிய பாராட்டுகள் அவர் உங்களை விரும்பவில்லை என்பதற்கான வெளிப்படையான அறிகுறி.
நீங்கள் வேலை செய்யும் பெண்ணாகவோ அல்லது இல்லத்தரசியாகவோ இருந்தால், உங்களுக்கு என்ன வேண்டும் என்பதும் உங்கள் லட்சியங்கள் அல்லது அடையாளம் அனைத்தும் அவருக்குத் தெரிந்திருக்கும். அப்படி அவர் நடந்துகொள்ளவில்லை என்றாலும், அதைப் பற்றி நீங்கள் கவலைப்படாதீர்கள். உங்களை நீங்கள் நம்புங்கள்.
உங்களுக்கு முகப்பருக்கள் இருந்தாலோ, உடல் எடை அதிகமாக இருந்தாலோ, பிரகாசமான ஆடைகளை அணிந்தாலோ அல்லது உங்கள் சொந்த ஆடை பாணியைக் கொண்டிருந்தாலோ சரி, உங்கள் மாமியார் தனக்கு விருப்பமான பொருட்களை வாங்கி உங்கள் மீது திணிக்கிறாரா? அப்படியென்றால், உங்களுக்குப் பிடித்ததை அவர் வெறுக்கிறார் என்பதுதான் அர்த்தம். தன்னைப்போலவே இருக்கவேண்டும் என்றுதான் அவர் நினைக்கிறார் தவிர உங்கள் விருப்பு வெறுப்புகளுக்கு அங்கு மதிப்பில்லை.
குடும்பத்தில் ஏதாவது விசேஷம் என்றால், உங்களுக்கு சொல்லாமல் ஒதுக்கி வைத்தால், உங்களைத் தனிமைப்படுத்த முயற்சி செய்கிறார் என்று பொருள். மேலும், உங்களைத் தேவையற்றவராக உணர வைக்கிறார் என்றே அர்த்தம்.
நீங்கள் பாதுகாப்பற்ற தன்மையைக் காட்டியிருந்தால் அல்லது உங்களுக்கு எங்குப் பற்றாக்குறை இருக்கிறதென்று அவருக்குத் தெரிந்தால், அவர் அதைத் துன்புறுத்தி உங்களை நீங்களே யூகிக்கச் செய்வார். இதுபோன்ற நபரிடம் நீங்கள் மிகவும் வலிமையான ஆளாக இருக்க வேண்டும். இதுபோன்ற உங்கள் மாமியாரின் செயல்பாட்டினால், உங்கள் மனதைத் தொந்தரவு செய்ய விடாதீர்கள். அவரோடு அமர்ந்து பேசி, பிரச்சினையைச் சரிசெய்யப் பாருங்கள். தேவைப்பட்டால் மட்டுமே உங்கள் கணவரை இந்த பிரச்சனைக்குள் கொண்டு வாருங்கள்.
"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil