தண்ணி மாதிரி விந்து? தரத்தை கண்டுபிடிப்பது எப்படி? விளக்கும் டாக்டர் ஐசக் அப்பாஸ்

கெட்டியாக இருக்கும் விந்து திரவம் ஆரோக்கியமானதா? அல்லது பார்ப்பதற்கு தண்ணீர் போல இருக்கும் திரவமா? கெட்டியாக இருக்கும் விந்து திரவம் ஆரோக்கியமானது என்று நீங்கள் நினைத்தால் அதுதான் தவறு. கெட்டி திரவத்திற்கும் அதன் கனத்திற்கும் அதிலுள்ள விந்தணுக்களின் எண்ணிக்கைக்கும் எவ்வித சம்பந்தமும் கிடையாது என்கிறார் மருத்துவர் ஐசக் அப்பாஸ்.

விந்து திரவத்தில் சுமார் 60% நிறைந்திருக்கிறது செமினல் ப்ளூயிட். விந்தணுக்களுக்கு ஊட்டச்சத்து வழங்கும் திரவமாகும். சுமார் 30% நிறைந்திருப்பது புரோஸ்டாட்டிக் ப்ளூயிட். விந்தணுக்கள் நீந்திச் செல்வதற்கு உதவும். இதனுடன் மியூகஸ். உடலுறவின்போது உராய்வு ஏற்படாமல் பாதுகாக்கிறது. இவை அனைத்துடன் வெறும் 10% தான் விந்தணுக்கள் இருக்கும். எனவே, அடர்த்தியை வைத்து விந்து திரவத்தின் தரத்தை தீர்மானிக்காதீர்கள். விந்தணுக்களின் எண்ணிக்கை அவை நீந்தி செல்லும் திறன், அதனின் சீரான உடல் அமைப்பினை பற்றி சோதனை மூலம் அறிந்து கொள்ளுங்கள் என்கிறார் மருத்துவர் ஐசக் அப்பாஸ்.

ஆண்களின் விந்தணு சரியாக இல்லாமலும், அதன் தரம் குறைவாகவும், அளவும் குறைவாகவும் இருந்தால், இந்த நிலையில் ஆண்களுக்கு தந்தையாக மாறுவது சவாலாக இருக்கும். இது உங்களுக்கு நிகழாமல் தடுக்க, ஆண்களின் கருவுறுதலை பாதிக்கின்றன. இருப்பினும், அதைவிட முக்கியமானது என்னவென்றால், உங்கள் விந்தணுவின் தரம் சரியானது என்பதை எப்படி அறிந்து கொள்வது என்பதை தெரிந்துக் கொள்வது முக்கியம்.

ஆரோக்கியமான விந்தணு எண்ணிக்கையின் அறிகுறிகள்:

உங்கள் விந்தணுக்களின் எண்ணிக்கை ஆரோக்கியமாக இருக்கிறதா என்பதை கண்டறிய உதவும் வழிகளை பார்க்கலாம்.

விந்தணு அளவு: ஆண்களின் கருவுறுதல் ஒரு முறை விந்து வெளியேறும் போது, ​​சுமார் 15 மில்லியன் முதல் 200 மில்லியன் விந்தணுக்கள் ஒரே நேரத்தில் வெளியேறும். விந்து வெளியேறும் போது விந்தணுவின் அளவு இதை விட குறைவாக இருந்தால், அது சரியானதாக கருதப்படாது.விந்தணுக்களின் அளவு குறைவது கருவுறுவதை கடினமாக்கும், ஏனெனில் முட்டையை கருத்தரிக்க குறைவான விந்தணுக்கள் உள்ளன.

விந்தணுவின் இயக்கம்: விந்தணுக்களின் எண்ணிக்கை குறைவாக இருந்தாலோ அல்லது தரம் மோசமாக இருந்தாலோ அதன் இயக்கமும் பாதிக்கப்படும். விந்தணுவின் இயக்கம் சரியாக இருப்பது முக்கியம், அப்போதுதான் அது அதன் நியமிக்கப்பட்ட இடத்தை அடைய முடியும். நிபுணர்களின் கூற்றுப்படி, பெண்களின் கருப்பை வாய் மற்றும் ஃபலோபியன் குழாய் ஆகியவற்றில் விந்து செல்ல வேண்டும். இதுவே இயக்கம் என்று அழைக்கப்படுகிறது. விந்தணு இயக்கம் சரியாக இல்லாவிட்டால், கருத்தரிக்கும் வாய்ப்பு 40 சதவீதம் குறைகிறது. எனவே, விந்தணுக்களின் இயக்கம் சரியாக இருப்பது மிகவும் அவசியம் என்கின்றனர் நிபுணர்கள். விந்தணுவின் தரம் மற்றும் அளவு இரண்டும் சரியாக இருந்தால் மட்டுமே இது நிகழும்.