ஆஹா... செம்ம ஐடியா! கரப்பான் பூச்சிக்கு பிடிக்காத இந்தப் பொருள்; உங்க வீட்டுல இப்படி வச்சுப் பாருங்க!

கரப்பான் பூச்சிகள் வீட்டு சமையலறையில் அதிகமாக காணப்படும் தொல்லை பூச்சிகளில் ஒன்றாகும். குறிப்பாக இரவு நேரங்களில் சிங்க், கழிவுநீர் குழாய்கள் அல்லது மூலைகள் வழியாக வந்து உணவுப் பொருட்களை மாசுபடுத்தி, சுகாதார பிரச்சனைகளை ஏற்படுத்தும் அபாயம் உண்டு. பலர் இதை விரட்டுவதற்காக இரசாயன அடிப்படையிலான பூச்சிக்கொல்லி ஸ்ப்ரேக்களை பயன்படுத்துகிறார்கள். ஆனால் அவை மனித உடல்நலத்துக்கும், சுற்றுச்சூழலுக்கும் தீங்கு விளைவிக்கக்கூடியவை.

இதற்குப் பதிலாக வீட்டிலேயே எளிதாகக் கிடைக்கும் இயற்கை பொருட்களை பயன்படுத்தி கரப்பான் பூச்சிகளை விரட்டலாம். இது செலவு குறைவாகவும், பாதிப்பு இல்லாமலும் இருக்கும்.

1. புதினா இலைகள் – துரத்தும் வாசனை

புதினா இலைகளில் உள்ள வலுவான மணம் கரப்பான் பூச்சிகளை தாங்க முடியாத அளவுக்கு இருக்கும். புதினா இலைகளை துணிப் பையில் போட்டு சமையலறையின் மூலைகள், கழிவுநீர் அருகில் மற்றும் பூச்சிகள் அதிகம் வரும் இடங்களில் வைக்கவும். இதன் மணம் பூச்சிகளை ஓட்டிவிடும்.

2. சிட்ரஸ் தோல்கள் – ஆரஞ்சு மற்றும் எலுமிச்சை

ஆரஞ்சு மற்றும் எலுமிச்சை தோல்கள் கரப்பான் பூச்சிகளுக்குப் பிடிக்காத வாசனையை உண்டாக்கும். தோல்களை சிறு துண்டுகளாக வெட்டி சமையலறை, அலமாரி மற்றும் பூச்சிகள் ஒளியும் இடங்களில் வைக்கவும். இந்த இயற்கை வாசனை, பூச்சிகள் மீண்டும் அங்கு வராமல் தடுக்கும்.

3. தைம் எண்ணெய் – சக்திவாய்ந்த இயற்கை தீர்வு

தைம் (Thyme) தாவரத்தின் எண்ணெயில் உள்ள கார்வாக்ரோல் எனும் இயற்கை சேர்மம் கரப்பான் பூச்சிகளுக்கு எதிரான ஒரு திறமையான பொருளாகும். இந்த essential oil-ஐ தண்ணீரில் கலந்து தெளித்தால் பூச்சிகள் விரைவில் அகலும்.

4. பூண்டு – பூச்சிகளை விரட்டும் வாசனை

பூண்டின் வாசனையை கரப்பான் பூச்சிகள் தாங்க முடியாது. பூண்டு பொடியாகவோ அல்லது அதன் essential oil-ஐ தண்ணீரில் கலந்து தெளித்தாலோ, பூச்சிகள் இருக்கும் இடங்கள் வெறிச்சோடியிடும். சில ஆய்வுகள் படி, பூண்டு 96.75% வரை பூச்சி முட்டைகளை அழிக்கும் திறன் கொண்டது.

5. துளசி இலைகள் – இயற்கை பாதுகாவலன்

துளசி ஒரு இயற்கை பூச்சி விரட்டும் தாவரம். துளசி இலைகளை சமையலறையில் அல்லது பூச்சிகள் வரும் இடங்களில் வைப்பது மூலம் கரப்பான் பூச்சிகள், கொசுக்கள், ஈக்கள் போன்றவை வீட்டிற்குள் வருவதையே தவிர்க்கலாம்.

இயற்கையான வழிகளில் கரப்பான் பூச்சிகளை விரட்டுவது எளிது மட்டுமல்ல, உங்கள் குடும்பத்தினரின் ஆரோக்கியத்தையும் பாதுகாக்கும். கேமிக்கல் ஸ்ப்ரேக்கள் அல்லது விலையுயர்ந்த பூச்சிக்கொல்லிகள் தேவையில்லை. புதினா, பூண்டு, துளசி போன்ற இயற்கை பொருட்கள் மூலம் உங்கள் வீடு சுத்தமாகவும், பூச்சிகள் இல்லாமல் இருக்கவும் முடியும்.

சிறந்த வழி — தினசரி சுத்தம், இயற்கை பொருட்களின் சரியான பயன்பாடு, உணவுப்பொருட்களை மூடி வைப்பது ஆகியவை. வீட்டில் பசுமை சூழலை உருவாக்கி, பூச்சிகளுக்கு இடமே வழங்காதீர்கள்.