பருப்பு, இஞ்சியுடன் ஆரோக்கியமான எலுமிச்சை ரசம் இப்படி செய்து பாருங்கள்!

How to make Lemon Rasam சுவையான எலுமிச்சை ரசம் ஒருமுறை இப்படிச் செய்து பாருங்கள்.

How to make Lemon Rasam Elumichai rasam recipe Tamil
How to make Lemon Rasam

How to make Lemon Rasam Tamil : எப்போதும் புளி, தக்காளி சேர்த்து ஒரேபோன்ற ரசம் வைத்து சலித்துவிட்டதா? கவலையே வேண்டாம். பருப்பு, இஞ்சி கலவையோடு சுவையான எலுமிச்சை ரசம் ஒருமுறை இப்படிச் செய்து பாருங்கள். நிச்சயம் மீண்டும் மீண்டும் செய்வீர்கள்.

தேவையான பொருள்கள்

பருப்பு சமைக்க

துவரம் பருப்பு – ¼ கப்
மஞ்சள் தூள் – 1 சிட்டிகை
தண்ணீர் – ¾ முதல் 1 கப்

அரைக்க


நறுக்கிய கொத்தமல்லி இலைகள் – ⅓ கப்
சீரகம் – 2 டீஸ்பூன்
கருப்பு மிளகு – ½ டீஸ்பூன்
நறுக்கிய பச்சை மிளகாய் – 1 அல்லது 2
இஞ்சி – ½ இன்ச்
பூண்டு – 4 முதல் 5 பற்கள்

தாளிக்க


நல்லெண்ணெய் – 1 டேபிள்ஸ்பூன்
கடுகு – ½ டீஸ்பூன்
கறிவேப்பிலை – ஒரு கைப்பிடி
உலர்ந்த சிவப்பு மிளகாய் – 1 முதல் 2
பெருங்காயத்து – 1 சிட்டிகை
மஞ்சள் தூள் – ¼ டீஸ்பூன்
தண்ணீர் – 1 முதல் 1.5 கப்
எலுமிச்சை சாறு – 2.5 முதல் 3 டேபிள்ஸ்பூன் (சுவைக்கு ஏற்ப எலுமிச்சை சாறு சேர்த்துக்கொள்ளவும்)
உப்பு – தேவையான அளவு
சில கொத்தமல்லி இலைகள்
செய்முறை

பருப்பு வேகவைக்க

துவரம் பருப்பை நன்கு கழுவி, பிரஷர் குக்கரில் சேர்த்து ஒரு சிட்டிகை மஞ்சள் தூள் சேர்க்கவும்.

பிறகு தண்ணீர் சேர்த்து, 8 முதல் 9 விசில் வரை விட்டு அல்லது பருப்பு மென்மையாகி நன்றாக வேகும் வரை சமைக்கவும்.

அழுத்தம் தானாகவே வெளியேறிய பிறகு, பருப்பை நன்கு மசித்துக்கொள்ளவும்.
ரசம் செய்முறை

ரசம்

ஒரு சிறிய சட்னி கிரைண்டரில், நறுக்கிய கொத்தமல்லி, சீரகம், கருப்பு மிளகு, பச்சை மிளகாய், இஞ்சி (தோராயமாக நறுக்கியது) மற்றும் பூண்டு பற்கள் சேர்த்து, தண்ணீர் விடாமல் நன்கு அரைத்துக்கொள்ளுங்கள்.


ஓர் வாணலியில், எண்ணெய்யை சூடாக்கி கடுகு சேர்க்கவும்.

கடுகு வெடித்தபிறகு, கறிவேப்பிலை மற்றும் உலர்ந்த சிவப்பு மிளகாய் சேர்க்கவும்.

பிறகு, அரைத்த பேஸ்ட்டுடன் ஒரு சிட்டிகை பெருங்காயத்தூள் மற்றும் மஞ்சள் தூள் சேர்த்து நன்கு கலந்து விடவும்.
இதனோடு சமைத்த பருப்பு மற்றும் தண்ணீர் சேர்க்கவும்.

நடுத்தர தீயில் 5 முதல் 6 நிமிடங்கள் வரை இந்த ரசத்தை வேகவைக்கவும்.

சுடரை அணைத்து, 1 நிமிடம் காத்திருந்து பின்னர் எலுமிச்சை சாறு சேர்க்கவும்.

உங்கள் சுவைக்கு ஏற்ப அதிகமாகவோ அல்லது குறைவாகவோ எலுமிச்சை சாற்றை சேர்க்கலாம்.

சில கொத்தமல்லி இலைகளால் அலங்கரித்து, எலுமிச்சை ரசத்தை சாதத்துடன் சூடாக பரிமாறலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Get the latest Tamil news and Lifestyle news here. You can also read all the Lifestyle news by following us on Twitter, Facebook and Telegram.

Web Title: How to make lemon rasam elumichai rasam recipe tamil

Next Story
எடைக் குறைப்புக்கு உதவுமா மக்காச்சோளம்? எப்படி சாப்பிடுவது?
The moderation of comments is automated and not cleared manually by tamil.indianexpress.com