துணிகளுக்கு போடும் கஞ்சி… வீட்டிலே இப்படி தயார் செய்து யூஸ் பண்ணுங்க!

உங்கள் வீட்டில் வெள்ளை கதர் சட்டை, காட்டன் சேலைகளுக்கு எப்படி கஞ்சி போடுவது என்று யோசித்துக்கொண்டிருக்கிறீர்களா? நீங்கள் பணம் செலவு செய்து சலவைக்கு கொடுக்க வேண்டியதில்லை துணிகளுக்கு போடும் கஞ்சியை வீட்டிலேயே இப்படி தயார் செய்து பயன்படுத்தலாம். 

துணிகளை எப்படி சலவை செய்வது, பராமரிப்பது என்பது குறித்து லாண்ட்ரி சீக்ரெட் (Laundry Secret) என்ற யூடியூப் சேனலில் கூறி வருகின்றனர். அந்த வகையில், துணிகளுக்கு போடும் கஞ்சியை வீட்டிலேயே எப்படி தயார் செய்து பயன்படுத்தலாம் என்பதைக் கூறியுள்ளனர். 

வெள்ளை கதர் சட்டை, காட்டன் சேலை போன்ற துணிகளுக்கு கஞ்சி போட வீட்டிலேயே தயார் செய்வது எப்படி என்று பார்ப்போம்.

ஒரு கப் அளவு ஜவ்வரிசி மாவு எடுத்துக்கொள்ளுங்கள். அதனுடன் 5 கப் அளவு தண்ணீர் ஊற்றி நன்றாகக் கலக்குங்கள். அடுத்து, அதை ரசம் மாதிரி காய்ச்ச வேண்டும்.  அடிபிடிக்க விடாமல் கிளறிவிட்டுக்கொண்டே இருங்கள். கஞ்சி போல கொழ கொழ என்று மாறும்போது அடுப்பை அனைத்து விடுங்கள். அவ்வளவுதான் கஞ்சி தயார். இதில் உங்கள் துணிகளை நனைத்து கஞ்சி போட்டு காய வைத்து அயர்ன் செய்து அணியலாம்.